རང་རྣམ་མཚོན་པའི་དམ་པ་ཁོང་གི་གསུང་དུམ་ཞིག་བོད་སྐད་དུ་ཞུས་ན་འདི་ལྟར་ཏེ། ࿐རྒྱལ་རབས་དེབ་ཐེར་དཔེ་ཀློག་མང་བྱས་ཀྱང་།། ལོ་ཟླ་དུས་ཀྱི་འགྱུར་བ་ཚོར་མིན་པས།། གཤིན་འཕྲང་འགག་སྒོ་བརྒལ་བའི་དཀའ་སྡུག་གིས།། མི་རྟག་འཁོར་བའི་གནས་སྣང་རྗེན་པར་གཟིགས།། 坐阅五帝四朝，不觉沧桑几度；受尽九磨十难，了知世事无常。——虚云老和尚

࿐བོད་ཤིང་འབྲུག་ལོའི་སྦྲ་སར་སྡེ་དགོན་གཉིས་ཀྱིས་མཉམ་རུབ་ཐོག་བསྟན་འཛིན་གྱི་སྐྱེས་བུ་དམ་པ་མང་པོ་ཞིག་ལ་གསོལ་བ་ཡང་ཡང་བཏབ་པ་བཞིན་དུ་༼གམམ་འོག་ཕ་མའི་དྲིན་ལན། མ་ཎི་དུང་སྒྲུབ་ཆེན་མོ། ༽ཐེངས་བརྒྱད་པའི་ཆོས་ཚོགས་ལ་བྱོན་ནས་རུ་དགོན་གཉིས་ལ་ཟབ་ཆོས་ཀྱི་གདམས་པ་མང་པོ་སྩལ་བའི་བསྐལ་བཟང་བྱུང་བ་ངོ་མཚར་ཆེའོ། །

࿐ སེམས་པ་དབུས་ལ་འཕུར་ནས། །

གཙང་བོའི་གཞུང་ལ་བབས་སོང་། །

གཙང་བོ་རྫ་ལ་ཐིམ་པ། །

རྫ་མགོ་གངས་ལ་ཟུག་ཡོད། །

གངས་རིའི་རྩེ་ཡི་ལྷ་ཚོགས། །
མིག་གིས་མཐོང་བ་མེད་ཀྱང་། །
ཞེ་ལ་འཁྲུངས་པའི་ལྷ་གཅིག །
རྨི་ལམ་ནང་ནས་མཇལ་བྱུང་། །

སྲིད་པ་ཆགས་གངས་རི། །
གནམ་བསྐོས་གོང་མའི་གཞིས་ཀ །
འཆོལ་གསུམ་མི་ཡི་ཟུང་ཁྲག །
གཙང་བོའི་ཐང་ལ་འབབ་འདུག །

བརྗིད་ཆགས་བྲག་གསུམ་རི་བོ། །

ལ་ཐོད་གངས་ཀྱིས་དཀྲིས་པ། །

ཀོང་ཡུལ་མཐུལ་ལ་འཁྱིལ་བའི། །

མཚོ་མོ་ཁབ་ཏུ་བཞེས་གྲགས། །

ཀོང་པོ་གཙང་བོའི་འགྲམ་ན། །

ཐུན་གསུམ་རྨི་ལམ་ཆགས་ཡོད། །

རྨི་ལམ་རྨིས་པའི་འཁྲུལ་གཞི། །

ཁམ་བུའི་མེ་ཏོག་ཡིན་འདྲ། །

མཛེས་ལྡན་ཁམ་བུ་མེ་ཏོག །

ཉིང་ཁྲིའི་གཞུང་ལ་འཁྲུངས་པ། །

སེམས་ལ་ཤར་བའི་འཇའ་ཚོན། །

སྲིད་པའི་ཞགས་པ་ཡིན་ནམ། །

ལྷོ་ཕྱོགས་ཀོང་པོའི་ཡུལ་ནས། །

མི་སེམས་བྱེད་ཀ་ལུས་འགྲོ །

ཀོང་པོའི་ཁམ་བུའི་མེ་ཏོག །

རྐུན་པོའི་དོད་ཐུབ་བཞག་ཡོད། །

བོད་རབ་རྒྱན་ཤིང་འབྲུག་ལོའི་ཟླ ༣ ཚེས ༢༥ ཉིན་བོད་ལྗོངས་ཉིང་ཁྲི་གྲོང་ཁྱེར་མེ་ཏོག་རྫོང་འདབས་སུ་ཡུལ་འཁྱམ་པ ———གངས་ལས་སྐྱེས་ཀྱིས།

2024/ 5/ 1