࿐ཞབས་བརྟན་གསོལ་འདེབས་འཆི་མེད་གྲུབ་པའི་

དབྱངས་སྙན་ཞེས་བྱ་བ་བཞུགས་སོ། །

ཧྲཱིཿ སྣང་སྲིད་རྣམ་དག་ལྷ་ཡི་དཀྱིལ་འཁོར་དུ། །
སྒོ་གསུམ་རྡོ་རྗེར་སྨིན་ཅིང་གྲོལ་མཛད་པའི། །
རིགས་ཀུན་ཁྱབ་བདག་རྒྱུད་ཀྱི་སྟོན་པ་པོ། །
རྡོ་རྗེ་རྒྱལ་པོ་རྟག་ཏུ་ཞབས་བརྟན་གསོལ། །

རྡོ་རྗེའི་ལུས་ལ་གཞོམ་མེད་གསང་གསུམ་གྱི། །
བདེ་ཆེན་དཀྱིལ་འཁོར་མངོན་དུ་འབྱིན་པ་པོ། །
རྡོ་རྗེའི་ལུང་གི་བདག་པོ་ཆེ་བའི་མཆོག །
རྡོ་རྗེ་སློབ་དཔོན་བསྐལ་བརྒྱར་ཞབས་བརྟན་གསོལ། །

རང་རིག་འགྱུར་མེད་བདེ་བ་ཆེན་པོའི་དབྱིངས། །
རྩོལ་མེད་ལམ་ནས་མངོན་སུམ་གསལ་བྱེད་པ། །
རྫོགས་པའི་མན་ངག་ཟབ་མོའི་གཉེར་འཛིན་པའི། །
དཔལ་ལྡན་བླ་མ་སྲིད་མཐར་ཞབས་བརྟན་གསོལ། །

བརྒྱུད་གསུམ་བླ་མའི་ཞལ་སྐྱིན་རིན་པོ་ཆེ། །
དུས་གསུམ་རྟག་པར་རྡོ་རྗེའི་སྐུར་བཞུབས་ནས། །
བརྒྱུད་གསུམ་ཆོས་ཀྱི་རྒྱལ་མཚན་ཆེན་པོ་གང་། །
ས་གསུམ་ཁྱབ་པར་རྟག་ཏུ་བསྒྲེང་གྱུར་ཅིག །

ཅེས་པའང་རབ་ཚེས་ས་བྱི་ཟླ་༣ཚེས་༥ལ་༧འཇམ་དཔལ་དགྱེས་པའི་རྡོ་རྗེས་གང་ཤར་བྲིས་པ་ཚུལ་འདིའི་༧དོན་དང་ལྡན་པའི་བསྟན་འཛིན་རྣམས་ལ་ཚིག་འདིས་གསོལ་བ་བཏབ་པ་ཙམ་གྱིས་ཞབས་པད་བསྐལ་པ་རྒྱ་མཚོར་བརྟན་པའི་རྟེན་འབྱུང་དང་དགེ་ལེགས་རྒྱ་ཆེན་པོ་འཕེལ་ལོ། །

࿐རྫ་སྟོང་འདིའི་ནང་ལ། །ས་འདམ་ཞིག་ཐོན་ཐ། །ཞིང་བ་འགས་བརྩལ་བའི། །སྡོང་ལྡོམ་ཞིག་སླེབས་བྱུང་། ཡུན་རིང་ལ་སྒུག་ན། །པདྨ་ཞིག་ཨེ་འཁྲུང་། །མ་འཁྲུང་དུས་ང་བ་དང་མེད་མི་ན་འབྲོང་མོ་རྭ་རིང་མ།

࿐མི་ཡུལ་གྱི་དག་ཞིང་། །སྔོན་བསགས་ཀྱི་འབྲས་བུ། །ལུས་སེམས་ཀྱིས་སྤྱོད་དང་། །སྤྲོ་སེམས་དེ་འཁོར་སླ། །ཅོ་ཏོ་ཅན་ཤེས་ན་བུ་ལོ་ཆ་དེ་འདྲ་ཞིག་ཡིན་ཁ་རེད་དལ་མོ་ཞིག་གཟིགས་དང་།