༸བཅོམ་ལྡན་ཆེན་པོའི་ལྷུང་བཟེད་འདི་ནི་ཐོག་མར་ཡངས་པ་ཅན་དུ་བཞུཊ། ཕྱིས་འཁོར་བསྒྱུར་ཀ་ནིཥྐ་ཆེན་པོས་སྐྱ་ནར་གྱི་བུའི་གྲོང་ཁྱེར་ནས་ཀུ་ཤ་ཎའི་རྒྱལ་སར་གདན་དྲངས། འཕཊ་ཡུལ་ལ་ཀླ་ཀློ་ཞུཊ་རྗེས་ཀྱི་ཧོར་སོག་གི་ཀློ་རྒྱལ་གྱི་རྣམས་ཀྱི་སྐབས་སུ་ལྷུང་བཟེད་ངོས་སུ་ཀོ་རན་གྱི་ལུང་ཚིག་ཀྱང་བརྐོས། བརྒྱ་ལོ་སྔོན་མར་འཕཊ་ཡུལ་ནུབ་བྱང་ཕྱོཊ་ཀྱི་ཀློ་དམག་གིས་ནང་པའི་ཤུལ་དངོས་ཡོད་ཚད་གཙང་སེལ་བྱེད་སྐབས་ལྷུང་བཟེད་ངོས་སུ་ཀློ་ཆོས་ཀྱི་ལུང་ཚིག་ཅུང་ཙམ་ཡོད་པའི་དྲིན་གྱིས་འབར་མདེལ་དང་རྡུལ་འབོམ་སོཊ་ཀྱི་འཇིཊ་པ་ལས་ཐར། དེང་སྐབས་ད་དུང་ཡང་མི་སྟེཊ་ཀྱི་རྒྱལ་ཁམས་སུ་མཉེལ་མཉེལ་པོར་བཞུཊ་པའོ།།

ཡངས་ཅན་ལྷུང་བཟེད་ཆེན་པོའི་དཀར་ཆག་བསྡུས་པ་རྫོགས།།

།སྔགས་པའི་སྔགས་ཆོག་མདོས་གཏོར་ངས་མི་ཤེས།
།ར་བཤའ་རྔ་བརྡུང་གྲོང་སྔགས་ངས་མི་ཤེས།
།ཟན་ལ་གྲི་འཛུགས་ཧཱུྃ་ཕཊ་ངས་མི་ཤེས།
།དགྲ་བོར་དུག་ལྔ་ལས་གཞན་ངས་མི་ཤེས།
།དུག་ལྔ་རང་གྲོལ་ཐབས་ལས་ངས་མི་ཤེས།
།སྙིང་རྗེས་དགྲ་བོ་འདུལ་ལས་ངས་མི་ཤེས།
།མི་ཤེས་དྲུག་གིས་སྦྱར་བྱང་འདི་བཀོད་པས།
།དགྲ་ཀུན་ཉོན་མོངས་བདུད་དགྲ་ཞི་བར་ཤོག། །

咒士密轨灵器我不知，宰羊击鼓经忏我不知，
刀插面食吽呸我不知，敌为五毒之外我不知，
五毒自解之外我不知，大悲伏敌之外我不知，
以六不知撰著此仪轨，一切烦恼魔敌愿息除！

མི་གཞི་དང་བསམ་བློ་ཅི་ལ་རག་ལས།

———-///—-དྲེད་པོ་ཧོར།
ཨ་རི་མི་ནི་སོ་ཌའི་གཙུག་ལག་སློབ་གྲྭ་ཆེན་མོའི། སེམས་ཁམས་རིག་པའི་གཙུག་ལག་སློབ་དཔོན་ཆེན་མོ། ཐོ་མ་སེ་བྷོ་ཆར་ཊེ་( Dr Thomas Bouchard) ཡི་ཞིབ་འཇུག་རུ་ཁག་གི་བཏོན་པའི་སྙན་ཐོ་ཞིག་གི་ནང་། ང་ཚོ་མི་ཡི་གཤིས་སྤྱོད་དང་བསམ་བློ་རྣམས་རང་གི་ཕ་མེས་ཀྱི་རིགས་རྒྱུན་ནམ། རིགས་རྫས་(Gene)ལ་ཅི་ཙམ་རག་ལས་ཡོད་མེད་སྐོར་ལ་སྒྲུང་ཐུང་ཞིག

སྔར་ཨ་རི་མི་ནི་སོ་ཌ་ལ་ཧ་ཅང་འདྲ་བའི་བྱིས་པ་མཚེ་མ་ཞིག་སྐྱེས། ཕྲུ་གུ་དེ་གཉིས་སྐྱེས་པ་དང་ཡུལ་ལུང་མི་གཅིག་པའི་ཁྱིམ་ཚང་མི་འདྲ་བ་གཉིས་ཀྱིས་བུ་སྐལ་བླངས། ཁོང་གཉིས་ཕན་ཚུན་གཅིག་གིས་གཅིག་འཚོ་གནས་ཡོད་མེད་ཀྱི་སྐོར་ལ་ཅི་ཡང་ཤེས་ཀྱི་མེད། ཡིན་ཡང་ལོ་༤༠ ཡི་རྗེས་སུ་ཞིབ་འཇུག་རུ་ཁག་གིས་ཁོང་གཉིས་སླར་ཡང་མཉམ་དུ་འཛོམས་བཅུག་ནས་ཕན་ཚུན་གླེང་མོལ་བྱས་དུས། ཧང་སངས་དགོས་པའི་གནས་ཚུལ་མང་པོ་བྱུང་ཡོད།

ཐོག་མར་མཁས་དབང་བྷོ་ཆར་ཌེས་ཁོང་གཉིས་ཕྱི་ཡི་རྣམ་པ་འདྲ་བ་དང་གཟུགས་པོ་འཕྲོད་བསྟེན་གྱི་ཐད་ནས་སྨན་བཅོས་བརྒྱུད་རིམ་ཙམ་གཅིག་མཚུངས་ཡིན་རྒྱུ་ཡིད་ཆེས་བྱས་ཀྱང་། དོན་དངོས་སུ་སྨན་བཅོས་དང་གཟུགས་དབྱིབས་ཙམ་མ་ཚད་པར། ཁོང་གཉིས་ཀྱི་འཚོ་བའི་གོམས་གཤིས་དང་། མི་ཚེའི་དགའ་ཕྱོགས། ཆོས་ལུགས། ཐ་ན་ཆབ་སྲིད་མི་སྣ་འདེམས་སྟངས་ནང་བཟུང་ཁོང་གཉིས་བར་ལ་འདྲ་མཚུངས་ཤིན་དུ་མང་བས་ཚང་མ་ཧང་སངས་སུ་བཅུག་ཡོད།

ཁོང་གཉིས་ཀ་ལ་བུ་རེ་ཡོད་ཅིང་། གཉིས་ཀའི་མིང་ལ་རྗེམས་ཞེས་བཏག་ཡོད་པ་དང་། གཅེས་ཉར་ཁྱི་གཉིས་ཀྱི་མིང་ཡང་ཌོ་ཡེ་་ཞེས་གཅིག་པ་ཡིན། ཁོང་གཉིས་མི་དགའ་སའི་རྩེད་མོ་གཅིག་པ་ཡིན་ལ། སྲིད་འཛིན་འདེམས་སྐོ་སྐབས་འོས་ཤོག་འཕེན་ས་ཡང་མི་གཅིག་ཆགས་ཡོད། མ་ཚད་ཁོ་གཉིས་ཀྱི་བཟའ་ཟླ་ལ་བསྐུར་བའི་བརྩེ་འཕྲིན་རྣམས་ལ་ཞིབ་འཇུག་བྱས་དུས། བརྗོད་བྱ་དང་ནང་དོན་ཚང་མ་ཡང་མི་གཅིག་གིས་བྲིས་པ་ལྟར་ཕལ་ཆེ་བ་གཅིག་མཚུངས་ཡིན་པ་རེད།

ཞིབ་འཇུག་དེ་བརྒྱུད་ནས་ང་ཚོའི་མི་གཞི་ཀུན་སྤྱོད་ནི་ཕ་མེས་ཀྱི་རིགས་རྒྱུན་ནམ། རིགས་རྫས་ལ་ཧ་ཅང་རག་ལས་ཡོད་པར་ར་སྤྲོད་བྱུང་སྟེ་ཐག་གཅོད་གནང་ཡོད། དེ་ཕྱིར་ང་ཚོ་བོད་ཀྱི་ཕ་མ་ཚོས་རང་གི་ཕྲུ་གུ་གཉེན་སྒྲུག་སྐབས་རིགས་རུས་ལ་ལྟ་བུའི་གོམས་གཤིས་ཤིག་ཡོད་པ་ནི་ཚན་རིག་གི་ཞིབ་འཇུག་གྲུབ་དོན་དང་མཐུན་པ་ཞིག་རེད་འདུག་སྙམ། ༩/༣/༢༠༢༢