o靚模#許珮榆#（Diva）7月18日在希慎商場，搭扶手電梯時被一名口罩「阿叔」爆粗破口大罵，更當眾指她是整容怪物，繼而展開10分鐘罵戰，直至甘比出現，Diva才驚覺對方是「大劉」#劉鑾雄#。對於大劉一度出言話會搵人打她，她坦言：「都驚o架！都打算避走東南亞，我冇撞到佢個仔，我都有阿媽生，點解佢要辱罵我呢？」
記：記者 D：Diva

記：事發經過係點？

D：嗰日我喺希慎商場準備上扶手電梯，有個Fans見到我，認得我，叫我加佢入Facebook，我見咁有緣，佢又認到我咪加佢！我整完揸住部電話行上扶手電梯，無啦啦有個阿叔話『喂』！講晒粗口咁，問我做乜攞住部電話，聽住部電話咁！

記：有冇拍片？

D：我梗係冇拍片啦！我點諗到撞到佢呀！因為佢戴住個口罩，我就係咁畀佢鬧，呢個阿伯搞乜嘢呀！個阿伯好瘦，我話阿伯，其實你唔使咁躁底，我都冇撞到你個仔！佢就話：「咁你揸住個電話，仲話冇撞到呀！」跟住佢又話我係整容怪物喎！我就話好，你憑乜話我整容先，我哋去驗呀！依家去醫院驗，如果我冇整容嘅話，你賠錢畀我！

記：跟住佢咩反應？

D：跟住佢就話：「你都戇XX！」又鬧鬧鬧，跟住有個女人就話：「爸爸唔好嘈啦！」我望見咦！原來甘比嚟o架喎！嗰個大劉嚟o架喎！嘩！佢個仔五、六歲，我都冇撞到佢個仔，講真都上到地平線，我就話你咁錫你個仔，你積吓口福啦！你積吓啲福氣啦！佢望住你點鬧人呀！佢將來點成才呀！阿爸咁鬧人喎！第時都對住其他人狂鬧，你阿仔實對住其他人鬧。佢聽到好嬲，仲話要搵人打我，覺得佢有錢大晒嘛！淨係爆粗囉！但係佢冇Point o架 喎！係咁將自己識嘅粗口講晒出嚟！

記：依家你知道佢係大劉，有冇後悔？

D：如果我冇撞到佢個仔都得罪佢都冇計，邊有諗過佢係咁，扶手電梯個個都有權喺度o架啦！佢自己幻想，驚我睇電話一定撞到佢個仔咁，係佢嘅問題囉！如果我撞到佢個仔，一定會講Sorry！但我係拎住部電話，係我同佢講我有睇路o架先生，佢就好（慶）狂鬧！
「我都有阿媽生o架」

記：你驚唔驚？

D：都驚o架！都打算避走東南亞，Plan好咗旅行。

記：追唔追究？

D：依家真係有啲驚囉！

記：會否打算報警？

D：我覺得成件事無需要去報警咁嚴重，可能就係因為係佢，一場小小罵戰至會演變到全香港都知，依家個個以為我做新聞囉！黐線！要做新聞，喺做o靚模嗰陣就做咗啦！使鬼等依家咩！其實我唔係一個想搞事嘅人囉！我淨係想息事寧人，但係我冇錯，佢咁躁底咁鬧，我就好不忿、好嬲囉！我都有阿媽生o架！我都係人嚟o架！我都冇撞到佢個仔，點解佢要辱罵我呢！

據了解，事後大劉對人表示，聲稱搵人打Diva純屬一時意氣，始終鬧交之中衝口而出，不是真的。

今日雖然好忙
但係好開心
因為今日幫咗3️⃣位朋友開始
我哋嘅必瘦計劃
大家加油啊
依家唔減
❄️冬天之後就可能會肥10磅
依家減咗留返啲空間冬天食過
哈哈... https://t.cn/z8Ikhkm

薛家燕玩空中瑜伽練氣

薛家燕於12月4日至5日在紅館舉行兩場「薛家燕愛你無限60年演唱會」，與全場過萬觀眾齊跳十字步拯救地球，門票今日開售。入行六十年的她廣結人緣，嘉賓人數可能超過30人，包括「七公主」、「三個小生」胡楓、謝賢、曾江等，預計演唱30多首金曲。薛家燕擔心又唱又跳中氣不足，朋友提議游水及行樓梯，但她擔心泳衣會走光及膝蓋勞損，所以會改試氣功及練空中瑜伽，笑說：「我又唔可以太瘦，否則驚人認唔到我！」