藝人#胡杏兒#2015年與圈外男友李乘德拉埋天窗，2017年誕下一子李奕霆（Brendan），早前她出席公開活動時明顯身形發福，散發孕味，1月29日她終透過社交網公布懷上第二胎，並上載超聲波照及一張Brendan指着她肚子的相片，留言：「豬寶寶終於加入，李氏農場可以開張了。」其丈夫亦發文：「囝囝就快有新嘅玩伴。」對於追B成功，肖羊的杏兒笑指加埋肖牛的老公及肖雞的Brendan，終於「湊夠開農場」，她受訪時：「真係好開心生到豬BB，上次佗住Brendan係開緊工，今次佗住BB又係拍緊劇，可能BB旺媽咪工作，想陪住我開工。今次2月尾就完成拍攝，所以還好，只係孕吐感覺比較強烈，成日冇乜胃口。」她表示拍完劇後會留港陪仔仔，又會繼續接一些應付得來的工作：「最緊要係BB健康同平安！多謝大家祝福。」「胡說八道會」好姊妹當然興奮！#李施嬅#送上祝福說：「佢好叻，生仔、生女都好，因為佢個仔太得意，唔夠我哋咁多個契媽爭，叫佢生多幾個。我哋個個都未有得生，呢個任務交晒畀佢先。」#姚子羚#則表示：「開心呀！又多個可愛BB，睇吓爸爸媽媽鍾意仔定女先，我哋會逼杏兒畀我哋做多次契媽！」#黃智雯#則表示早已獲悉喜訊：「梗係戥佢開心，所以我哋全部都好開心，又做契媽喇！」

【蘋果即時】【產後極速修身？】坐月期犯禁 鍾嘉欣偷走出街拍短片

由郭晉安、林文龍及楊怡第主演嘅大台劇集《再創世紀》，聽晚就會喺香港首播，而一班演員今日亦有出席宣傳活動。

其中喺劇中有演出嘅鍾嘉欣，雖然剛誕下囝囝Jared而番唔到嚟做宣傳（相關新聞： https://t.cn/RsYwq5P ），不過佢就好有心，本應坐緊月嘅佢，都要犯禁咁偷偷竄出街，拍片同大家Say Hello。

而呢條接近2分嘅短片中，見到身穿白tee牛仔褸嘅嘉欣，未知係咪因為未修身關係，所以全程只影住嘉欣半身，但就明顯睇得出佢精神非常好，而且臉尖尖，一啲媽媽肥都冇，淨睇半身真係睇唔出佢啱啱生完B。

嘉欣喺片中一開始就自爆：「我其實係偷偷哋竄出嚟，因為我坐緊月呀！今次真係非常之開心，亦都好感激TVB俾呢個機會我，亦好感激TVB選擇咗嚟到溫哥華，我現時居住嘅地方拍攝，俾我一個機會再演番戲，由生咗個女Kelly之後到o依家已經1、2年？唔記得咗幾多年係冇拍戲，所以真係好開心。」嘉欣講嘢期間，不斷聽到BB女嘅叫聲，相信Kelly喺媽媽旁邊都玩得好開心。
之後嘉欣又提到拍檔林文龍，仲以龍爺稱呼對方。「原來同林文龍龍爺之前拍過嘅戲係12年前，嗰陣時叫做《法證先鋒》，o依家12年前大家成為咗父母，再可以一齊演戲真係好高興，好多謝龍爺佢好有耐性，喺我好緊張嘅時候佢俾咗到我好多鼓勵我，俾我信心去做到最好。」

現年30歲的林夏薇兩年多前秘嫁年長15歲、身家逾廿億的金融才俊莫贊生，隨即過住闊太生活，不過事業心重的她未有放慢腳步，更劇接劇忙到冇時停，結果愈捱愈瘦得條藤，令老公心痛非常。雖然曾以生B為由勸她減少工作，但薇薇見事業開始起飛，不欲毅然放棄機會。雖然與無綫的合約尚有一段時間，但當獲悉薇薇的因由後亦願意開綠燈放行，由於一早已接下黃偉聲監製的新劇《逆轉傳說》，並將於下星期開工，故薇薇待完成該劇後便閉關造人。東網就息影一事向薇薇求證，正於老公身邊的她聲線嬌嗲說：「拍劇係要停一停，未知停到幾時㗎！（老公最開心？）咁生小朋友都一直有計劃嘅，只係時間問題，唔接劇可以多啲時間陪老公飛。