ཕ་ཡུལ་དུ་སྔ་མོར་བླ་མ་ཉམས་ལེན་པ་མང་པོ་བྱོན་མྱོང་བར་གོ་ཡོད་ན་ཡང་།བླ་མ་དེ་དག་ལ་རྒྱུས་ལོན་ཅི་ཡང་བྱས་མྱོང་མེད།ད་ལན་ཟླ་གཅིག་དང་ཉི་མ་བཅུའི་རིང་ལ་ཆོས་མཐུན་གྱི་གྲོགས་པོ་འགའ་དང་མཉམ་པོར་ཕ་ཡུལ་གྱི་བླ་མ་རྣམས་ཀྱི་གསུང་ཆོས་ལ་གང་འཚམ་ཞིག་བལྟས་པ་ཡིན། དྲང་མོར་བཤད་ན་ཕ་ཡུལ་དུ་བྱོན་པའི་བླ་མ་དེ་དག་གི་ཉམས་རྟོག་འདི་འདྲ་རེད་ཅེས་བཤད་མི་ཤེས་ན་ཡང་།གསུང་ཚུལ་ནི་ཕྱག་རྫོགས་ཟུང་འཇུག་གི་ཉམས་ལེན་གནད་དུ་བརྩིས་ནས་རྟག་པར་གསུངས་ཀྱིན་འདུག་པས་ལུང་པ་དོག་མོ་དེ་ནས་ཉམས་སུ་ལེན་པ་ལ་ནི་ཐེག་དགུའི་རྩེ་མོ་ཕྱག་རྫོགས་ཟུང་འཇུག་གི་ཉམས་ལེན་རྐྱང་བར་འབད་པ་བྱས་འདུག་སྙམ་པ་བྱུང་།བླ་མ་དེ་དག་གི་གསུང་ཆོས་ནང་དུ་ཕྱག་ཆེན་གྱི་སྐོར་མང་ཙམ་གསུང་འདུག་ལ་ལྟ་དཔེའི་ནང་དུ་ཕྱག་རྒྱ་ཆེན་པོ་གང་གཱ་མ་དང་དོ་ཧ་མཛོད་ཅེས་བྱ་བ་ཕྱག་རྒྱ་ཆེན་པོའི་མན་ངག་རྣམས་བཞག་འདུག་པས་ཕ་ཡུལ་གྱི་བླ་མ་རྣམས་གྲུབ་མཐའ་བཀའ་བརྒྱུད་པ་མིན་ནམ་སྙམ་པ་ཡང་བྱུང་།ཡིན་ན་ཡང་དེ་ནི་རང་ལ་ཐོས་རྒྱ་ཆུང་བས་ལན་པ་ལས་ཕྱག་རྫོགས་ཟུང་འཇུག་གི་གདམས་པ་ཉམས་སུ་ལེན་པས་ན་རྒྱལ་བ་དཔལ་ཡུལ་པ་ཞེས་བཤད་སྲོལ་ཡོད་པར་འདུག གང་ལྟར་ཕ་ཡུལ་གྱི་བླ་མ་རྣམས་ཀྱི་ཞལ་ངོ་སོ་མ་ཞིག་མཐོང་སོང་། བཤད་རྒྱུན་ཞིག་ལ་ཕ་ཡུལ་གྱི་བླ་མ་བློ་གྲོས་ཞུ་བ་དེས་དག་ཡིག་སུམ་རྟགས་གང་ཡང་སྦྱང་མྱོང་མེད་ན་ཡང་ཡི་གེ་འབྲི་སྐབས་ཡིག་ནོར་སྲིད་ཀི་མ་རེད་ཟེར་བ་ཅིག་འདུག  དེ་ཡང་བླ་མ་རང་གིས་བྲིས་པའི་ཕྱག་དཔེ་ལ་བལྟས་ན་བདེན་ཆོག་ཆོག་ཅིག་ཡིན་འདུག བླ་མ་བློ་གྲོས་ཞུ་བ་དེ་ལ་བྲག་དཀར་སྤྲུལ་བའི་སྐུ་རིན་པོ་ཆེས་ཀྱང་རྩིས་ཆེན་བླ་མེད་བྱས་འདུག་པས་དེ་ཡང་གང་ཟག་ལ་རྟོན་པ་རྣམས་ཀྱིས་གོ་ན་ཡག་པོ་ཡོད་ཚོད་རེད།བླ་མ་བློ་གྲོས་ཀྱི་བླ་མ་ནི་གེ་རྒྱ་ཆོས་གྲགས་ཞུ་བ་དེ་རེད་ལ། དེ་ཡིས་བླ་མ་མི་ཕམ་ལ་མཇལ་ནས་བླ་མ་མི་ཕམ་གྱིས་ཀྱང་བསྟོད་སྔགས་མཛད།དེ་ཡང་བླ་མ་བློ་གྲོས་ཀྱིས་མཛད་པའི་གེ་རྒྱ་ཆོས་གྲགས་ཀྱི་རྣམ་ཐར་ལས།དེ་ནས་འཇམ་དབྱངས་རྣམ་འཕྲུལ་མི་ཕམ་༼རྗོགས་ཆེན་འཇུ་མི་ཕམ་རྣམ་རྒྱལ་མཆན༽མཇལ།།རྟོགས་འབུལ་མཛད་ནས་ཤིན་ཏུ་ཐུགས་དགྱེས་ནས།།དེང་སང་རྟོགས་ལྡན་ཁྱེད་ལྟར་ངོ་མཚར་ཆེ།།ཁྱེད་ཀྱི་དགོངས་པ་བདག་གིས་ལན་མི་སྤོབ།།གསུངས་པས་ཐལ་མོ་སྦྱར་ནས་སྤྱན་ཆབ་བསིལ།ཞེས་པ་ལྟར་ས་ལམ་གྱི་རྟོགས་པ་ལྡན་པའི་ཉམས་ལེན་པ་ཞིག་ཡིན་འདུག བླ་མ་བློ་གྲོས་ཀྱི་སློབ་མ་བློ་མ་བློས་ངག་ནི་བཤད་རྒྱུན་ལ་སྟོང་ཉིད་བཅོ་བརྒྱད་གཏན་ལ་ཕབ་ཡོང་ཚེ་ཡུམ་དུམ་པ་བཅུ་གཉིས་བློར་ཡོད་པ་ཞིག་ཡིན་པར་བཤད།ངས་གྲོགས་པོ་ཚོ་ལ་ཨ་མཚར་བརྩིས་ནས་ཡུམ་དུམ་པ་བཅུ་གཉིས་བློར་ཡོད་མེད་གསུང་ཆོས་ནང་དུ་མདོ་ལུང་ཅི་ཙམ་དྲངས་ཡོད་མེད་ལ་ལྟ་དང་ཤེས་ཞེས་བཤད་པ་ཡིན། ཕ་ཡུལ་གྱི་བླ་མ་བློས་ངག་དང་དཔའ་རྡོར་གཉིས་ཀྱིས་ཨ་འཛོམས་འབྲུག་པ་རིན་པོ་ཆེ་ལ་རྟོགས་འབུལ་བྱས་ཤིང་ཨ་འཛོམས་འབྲུག་པས་ཀྱང་བླ་མས་སློབ་མའི་མགོ་མ་བསྐོར་བ་སློབ་མས་བླ་མའི་མགོ་མ་བསྐོར་དེ་འདྲ་དགོས་རེད་ཟེར་ནས་བསྟོད་པའི་མེ་ཏོག་གཏོར་བར་བཤད། གང་ལྟར་བླ་མ་དེ་དག་གི་གསུང་ཆོས་ནང་དུ་མདོ་དང་རྒྱ་གཞུང་ཀུན་མཁྱེན་ཀློང་ཆེན་པའི་གསུང་རྣམས་མང་དུ་དྲངས་འདུག་པས་མཐོང་རྒྱ་ཐོས་རྒྱ་ཤིན་ཏུ་ཆེན་པོ་ཡིན་པར་སེམས་ལ་ཕ་ཡུལ་སྨྲ་རུང་དུ་ལོ་ངོ་བརྒྱ་ཡན་ཆོད་དུ་བྱོན་པའི་བླ་མ་རྣམས་ནི་མཁས་ཤིང་གྲུབ་པ་ཤ་སྟག་ཡིན་འདུག་བསམས་ནས་སྙིང་དབུས་སུ་དད་སེམས་གཙང་མ་རེ་ཡང་སྐྱེས། གང་ལྟར་ཡིད་ཕངས་པ་ཞིག་ལ་རིག་གསར་བཅོས་བསྒྱུར་སྐབས་ཡི་གེ་མང་པོ་གཏོར་བཤིག་ཐེབས་པས་བདག་མ་ཐུབ་པར་བཤད། དེ་ནི་གྱོང་གུད་ཞིག་ཅི་ལ་མིན་ཨང་།

ཁྱེད་ཀྱི་ནམ་མཁར་སྐར་ཚོགས་ཤར་འདུག་གམ།

ཁྱོད་ཡོད་སའི་མཚན་མོའི་སྨག་རུམ་མཐུག་གམ། ཁ་བའི་ཁྲོད་ཀྱི་ཁྱེད་རང་བདེ་མོ་ཡིན་ནམ།
གནས་འདིར་ན།

ལྷང་འཇགས་ཀྱི་སེམས་པ་ཞིག་ལྷག་དུ་བསྐྲུན།

ཚིག་ལ་དོན་འདྲེས་དོན་ལ་རྒྱབ་རྟེན་ལྡན༎
འདས་པའི་དོན་གསལ་དཔེ་བཟང་འདི་མཇལ་བས༎
བན་དེ་ཡིན་ན་ཕོ་ཡིན་མ་ཁྱབ་དང་༎
བསྟན་པ་སྔ་དར་དུས་སུའང་གངས་རིའི་ལྗོངས༎
དགེ་སློང་མ་ཡི་སྡོམ་རྒྱུན་འབྱུང་ཞེས་སྨྲ༎[咖啡][微笑][抱抱]