ལག་སྟོང་གཤིན་ཡུལ་འགྲིམ་པའི་མཁས་པ་མང་།
མཁན་ཆེན་འཆི་མེད་རིག་འཛིན།
འདི་སྒྲུབ་དེ་སྒྲུབ་རེ་བའི་དམ་བཅའ་མང་། །
གྲུབ་པའི་འབྲས་བུ་གང་ཡང་མཐོང་རྒྱུ་མེད། །
དེ་འདྲའི་དོན་མེད་ངལ་བ་ད་ཐོངས་ལ། །
ཆོས་གཅིག་བསྒྲུབས་པའི་དམ་བཅས་མི་ཚེ་སྐྱོལ། །
ཐོས་པའི་ཆོས་དོན་རྒྱུད་ལ་མ་སྦྱར་བར། །
མང་མང་གཞུང་ལ་སྦྱངས་ནས་ལོག་ལམ་དུ། །
འཁྱམས་པའི་ཆོས་དྲེད་ལམ་གྱི་གཡང་ས་འདིར། །
ཐར་པ་འདོད་ན་སྙིང་ནས་དོགས་ཟོན་གྱིས། །
ཚོང་པ་ཚོང་གི་ལས་ཀྱིས་བྲེལ་ཚུལ་ལྟོས། །
ཞིང་པ་ཞིང་གི་ལས་ལ་འབད་ཚུལ་གཟིགས། །
སྐྲ་བཅད་ངུར་སྨྲིག་བགོས་པའི་ཆ་ལུགས་དེའི། །
རེ་བའི་དོན་པོ་གང་ཡིན་ཐུགས་བསམ་བཞེས།
གློ་བུར་འཆི་བའི་བསུ་མ་བསླེབས་གྱུར་ནས། །
ཐ་མའི་མལ་སར་བརྫི་བའི་ཉིན་ཞིག་ན། །
འགྱོད་མེད་སྤྲོ་བའི་གདེང་ཚོད་ལྡན་པ་ཞིག །
ཆོས་ལམ་བླངས་པའི་དགོས་དོན་མ་ཡིན་ནམ། །
བཀའ་པོད་གཞུང་བརྒྱའི་གླེགས་བམ་བརྩེགས་པའི་ཁྲོད། །
རིགས་ལམ་རྩེ་དགའི་དཔལ་ལ་ཡིད་འཕྲེང་སྟེ། །
འཆད་རྩོད་ཚིག་གི་འཇའ་ཚོན་དེད་དེད་ནས། །
ལག་སྟོང་གཤིན་ཡུལ་འགྲིམས་པའི་མཁས་པ་མང་། །
ལེགས་བཤད་སྨྲ་བའི་ལྕེ་རྩེ་མི་རྣོ་ཞིང་། །
གཞན་སེམས་འགུགས་པའི་ཐབས་ཚུལ་མི་ཤེས་མོད། །
སེམས་རྒྱུད་ཉམས་ལེན་གདམས་པས་ཕྱུག་པ་ཡིས། །
གྲུབ་པའི་གོ་འཕང་བརྙེས་པའི་ཕལ་པ་མང་། །
གསོལ་འདེབས་ཁ་ན་ཡོད་ཀྱང་སེམས་ན་མེད། །
དད་པ་སྡུག་དུས་ཡོད་ཀྱང་སྐྱིད་དུས་མེད། །
དེ་འདྲའི་ཟོལ་ཟོག་དགེ་བའི་འདྲ་འབག་གིས། །
ཤེས་རྒྱུད་འགྱུར་བའི་ཡོན་ཏན་ཐོབ་པ་མིན། །
བག་ཡངས་སོས་དལ་གནས་པའི་ཉིན་སྣང་དང་། །
ཚོགས་དྲུག་འགྱུ་བ་ནུབ་པའི་རྨི་ལམ་ན། །
ནམ་ཡང་ཡིད་ལ་འབྲལ་དུ་མི་གཏུབ་པའི། །
ཡིད་སེམས་བླ་མར་འཁྲེང་བའི་དད་གདུང་གལ། །
མཚུངས་མེད་བླ་མའི་ཞལ་རས་དྲན་ཐེངས་རེར། །
དད་གདུང་མཆི་མའི་ཐིགས་ཕྲེང་ལྷུང་ཐེངས་རེ། །
ལས་ཅན་སློབ་མ་ཞིག་གི་ཚད་ཡིན་པས། །
ཐུགས་ཀྱི་བུ་ཞིག་འདོད་ན་དེ་འདྲ་དགོས། །
མཁན་ཆེན་འཆི་མེད་རིག་འཛིན།
འདི་སྒྲུབ་དེ་སྒྲུབ་རེ་བའི་དམ་བཅའ་མང་། །
གྲུབ་པའི་འབྲས་བུ་གང་ཡང་མཐོང་རྒྱུ་མེད། །
དེ་འདྲའི་དོན་མེད་ངལ་བ་ད་ཐོངས་ལ། །
ཆོས་གཅིག་བསྒྲུབས་པའི་དམ་བཅས་མི་ཚེ་སྐྱོལ། །
ཐོས་པའི་ཆོས་དོན་རྒྱུད་ལ་མ་སྦྱར་བར། །
མང་མང་གཞུང་ལ་སྦྱངས་ནས་ལོག་ལམ་དུ། །
འཁྱམས་པའི་ཆོས་དྲེད་ལམ་གྱི་གཡང་ས་འདིར། །
ཐར་པ་འདོད་ན་སྙིང་ནས་དོགས་ཟོན་གྱིས། །
ཚོང་པ་ཚོང་གི་ལས་ཀྱིས་བྲེལ་ཚུལ་ལྟོས། །
ཞིང་པ་ཞིང་གི་ལས་ལ་འབད་ཚུལ་གཟིགས། །
སྐྲ་བཅད་ངུར་སྨྲིག་བགོས་པའི་ཆ་ལུགས་དེའི། །
རེ་བའི་དོན་པོ་གང་ཡིན་ཐུགས་བསམ་བཞེས།
གློ་བུར་འཆི་བའི་བསུ་མ་བསླེབས་གྱུར་ནས། །
ཐ་མའི་མལ་སར་བརྫི་བའི་ཉིན་ཞིག་ན། །
འགྱོད་མེད་སྤྲོ་བའི་གདེང་ཚོད་ལྡན་པ་ཞིག །
ཆོས་ལམ་བླངས་པའི་དགོས་དོན་མ་ཡིན་ནམ། །
བཀའ་པོད་གཞུང་བརྒྱའི་གླེགས་བམ་བརྩེགས་པའི་ཁྲོད། །
རིགས་ལམ་རྩེ་དགའི་དཔལ་ལ་ཡིད་འཕྲེང་སྟེ། །
འཆད་རྩོད་ཚིག་གི་འཇའ་ཚོན་དེད་དེད་ནས། །
ལག་སྟོང་གཤིན་ཡུལ་འགྲིམས་པའི་མཁས་པ་མང་། །
ལེགས་བཤད་སྨྲ་བའི་ལྕེ་རྩེ་མི་རྣོ་ཞིང་། །
གཞན་སེམས་འགུགས་པའི་ཐབས་ཚུལ་མི་ཤེས་མོད། །
སེམས་རྒྱུད་ཉམས་ལེན་གདམས་པས་ཕྱུག་པ་ཡིས། །
གྲུབ་པའི་གོ་འཕང་བརྙེས་པའི་ཕལ་པ་མང་། །
གསོལ་འདེབས་ཁ་ན་ཡོད་ཀྱང་སེམས་ན་མེད། །
དད་པ་སྡུག་དུས་ཡོད་ཀྱང་སྐྱིད་དུས་མེད། །
དེ་འདྲའི་ཟོལ་ཟོག་དགེ་བའི་འདྲ་འབག་གིས། །
ཤེས་རྒྱུད་འགྱུར་བའི་ཡོན་ཏན་ཐོབ་པ་མིན། །
བག་ཡངས་སོས་དལ་གནས་པའི་ཉིན་སྣང་དང་། །
ཚོགས་དྲུག་འགྱུ་བ་ནུབ་པའི་རྨི་ལམ་ན། །
ནམ་ཡང་ཡིད་ལ་འབྲལ་དུ་མི་གཏུབ་པའི། །
ཡིད་སེམས་བླ་མར་འཁྲེང་བའི་དད་གདུང་གལ། །
མཚུངས་མེད་བླ་མའི་ཞལ་རས་དྲན་ཐེངས་རེར། །
དད་གདུང་མཆི་མའི་ཐིགས་ཕྲེང་ལྷུང་ཐེངས་རེ། །
ལས་ཅན་སློབ་མ་ཞིག་གི་ཚད་ཡིན་པས། །
ཐུགས་ཀྱི་བུ་ཞིག་འདོད་ན་དེ་འདྲ་དགོས། །
ད་ལྟ་སྟོན་འཇུག་རེ་རེ
ཤིན་ཏུ་སྙི་བའི་སེམས་པ་དེའང
གདུང་སེམས་དང་བཅས་འཆར་ཡན་གྱི་བྱེ་ཐང་དུ
ཉི་ཁའི་གཏད་སོ་བཞིན བདེ་སྐྱིད་ཅིག་དུ་སྒོམ
༢༠༢༣/༩/༡༦ཉིན།
ཤིན་ཏུ་སྙི་བའི་སེམས་པ་དེའང
གདུང་སེམས་དང་བཅས་འཆར་ཡན་གྱི་བྱེ་ཐང་དུ
ཉི་ཁའི་གཏད་སོ་བཞིན བདེ་སྐྱིད་ཅིག་དུ་སྒོམ
༢༠༢༣/༩/༡༦ཉིན།
མདུན་གྱི་ཅོག་ཙེའི་སྟེང་དུ་ཉི་འབྲུའི་ཤུབས་ཀྱིས་བཀང་འདུག ངས་དུས་ཚོད་ཐུང་ཐུང་འདི་ཙམ་གྱི་རིང་ལ་ཉི་འབྲུ་འདི་འདྲ་མང་པོ་ཞིག་ཟོས་པ་ཡིད་ཀྱི་གཏིང་ནས་མ་སྐྱེས། གློ་བུར་དུ་བྱ་རྒོད་ཅིག་གིས་མཐོང་ཡངས་བའི་ནམ་མཁའི་ངོས་སུ་གཤོག་པ་རྐྱོང་བཞིན་ལྡིང་སྐོར་ལན་གསུམ་བྱས་ཏེ་ལྷོ་ངོས་ཀྱི་སྒང་སྟེང་ནས་ཐག་རིང་དུ་འཕུར་སོང་། ངས་རེ་ཞིག་བྱ་རྒོད་དེའི་རྗེས་སུ་ལྟ་བཞིན་མི་ཚེ་ནི་བྱ་རྒོད་འདི་བཞིན་རྒྱང་རིང་ལ་འཕུར་ཐུབ་ན་སྙམ་བྱུང་། མི་ཚེ་འདིར་ངས་རང་ཉིད་ནམ་མཁའི་ངོས་ནས་ལྡིང་སྐོར་བྱེད་ཐུབ་པའི་གཤོག་པ་ཞིག་སྐྱེས་མེད་པ་སྔ་མོ་ངོས་ཟིན་ཐོབ་ཡོད། རྣམ་པ་ཀུན་ཏུ་ལུས་ཀྱི་གཡས་གཡོན་ན་ཐུར་དུ་སྐྱེས་པའི་ལག་པའི་དཔུང་བ་ལ་ལྟ་བཞིན་ཅིའི་ཕྱིར་འདི་གཉིས་གཤོག་པ་ཞིག་ཡིན་ན་མི་ཆོག་སྙམ། གལ་སྲིད་འདི་གཉིས་གཤོག་པ་ཞིག་ཡིན་ཚེ། ངས་སྔ་དྲོ་རེ་རེ་བཞིན་ཞོགས་པའི་མཚམས་སྤྲིན་དང་འགྲོགས་ནས་ཉི་འོད་ཀྱི་ཁྲུས་ལ་ཐེངས་ཤིག་དང་།ཕྱི་དྲོ་རེ་རེ་བཞིན་ས་སྲོད་ཀྱི་མཚམས་སྤྲིན་ལ་ཕྱིར་མིག་ཐེངས་གཅིག་བལྟས་ཆོག འོན་ཀྱང་ག་ལེར་ག་ལེར་བསམ་བློ་བཏང་ན་ང་ལ་སྔ་མོ་ནས་གཤོག་པ་གཉིས་སྐྱེས་ཡོད་ལས་ཆེ་མོད། དེ་ནི་གཤོག་པ་ཡོད་ཀྱང་ངས་མ་བརྐྱངས་བ་དང་། ཡང་ན་གཤོག་པ་བརྐྱངས་ཀྱང་གཤོག་རྡེབ་མ་ཤེས་པ་རེད་ཅེས་ངས་རང་ཉིད་ལ་ཚུར་འཁོར་ནས་ལྡོག་འདྲི་མང་པོ་ཞིག་བྱས།བསམ་བློ་ཞིབ་ཏུ་བཏང་ན་དེ་དག་གཅིག་ཀྱང་ཡིན་མི་སྲིད་དེ། ང་ནི་མ་གཞི་ནས་རང་དབང་གིས་འཕུར་ཤེས་པའི་བྱ་ཞིག་མིན་ཏེ། རྒྱ་སྒོ་ནས་ཁྱིམ་ཕུག་དང་ཁྱིམ་ཕུག་ནས་བྱ་ཚང་དུ་འགྲོ་ཤེས་པའི་ཁྱིམ་བྱ་ཞིག་ཡིན་ལས་ཆེ། དེ་ནི་མ་གཞི་ནས་ངས་ལས་དབང་ཡིན་སྲིད་ཅེས་རང་ཉིད་བྱ་ཞིག་ཡིན་པའི་སྐོར་ལ་བསམ་བློ་ཡང་ཡང་འཁོར།
✋热门推荐