འཇིགས་སྐྲག་གི་སྲིད་པའི་ནགས་ཀླུང་ཞིག་ན།
ཁུ་སིམ་པའི་སྣང་བ་རྡོ་ལ་བྲིས་པའི་སེམས་པ་ཞིག་མེད་ཀྱང་།
ཁྱོད་ཅེས་ཡིད་ཐང་ཆད་པའི་འདབ་ལོ་རླུང་གིས་གཏོར་བའི་གྲིབ་མ་ཞིག་ཡོད་པ་འདྲ། 
ལར.གྲིབ་མ་ནི་ངའི་སྙིང་གི་དཀྱིལ་དུ་དགག་བྱ་ཁྱབ་ཆུང་བ་ཞིག་རེད་ཨང་།  
ཁྱོད་ཀྱི་ནག་ཐིབ་ཐིབ་ཀྱི་གྲིབ་མའི་འོད་མདངས་ནི།
ངའི་སེམས་ལ་དཀྲིགས་པས་གཉིད་སྟུག་པོ་ཡུན་རིང་ཁུག
འཚོ་བའི་གྲུ་ཁ་ཞིག་ན་ཆ་ཡོད་རྒྱུས་ཡོད་ཀྱི་ངོ་གདོང་སྐར་མདའ་བཞིན་དུ་ཡལ།
ཁྱོད་རང་འདི་ལྟ་བཞིན་འཚོ་བའི་ཁྲོད་ཀྱི་དཀའ་ཚེགས་ཀྱི་ཆུ་ཐིགས་ལ་བྲེལ་བ་ཏུར་ན་ཡུན་རིང་མི་འགོར་བ་ཁྲོ་ཆུ་ཁོལ་མའི་རྒྱ་མཚོ་བཞིན་གྱུར་སྲིད། 
དེ་དུས་ཁྱོད་ཀྱིས་ས་བདག་ཀླུ་གཉན་སོགས་རྣམ་ཤེས་འཁྱོག་པོར་འགྲོ་ཞིང་བར་དོའི་ཞིང་ས་ཞིག་བསྐྲུན་འདོད་པ་མ་ཡིན་སྙམ།

ལོ་ཙཱ་བ་དང་སྐད་གཉིས་སྨྲ་བ་ཞེས་པ་ནི་འདི་འདྲ་ཞིག་ཡིན་ན་འགྲིག་སྟེ། མཁར་རྨེའུ་བསམ་གཏན་གྱིས་དབྱིན་ཡིག་གི་ལམ་ནས་བརྩམས་ཤིང་། བདེ་ཁང་བས་བོད་ཡིག་ཏུ་བསྒྱུར་བར། འདི་ལ་དབྱིན་ཡིག་གི་ཚིག་འགྲོས་དང་ཤན་ཤུགས། དེ་ཡི་ཤུལ་རྗེས་ཕྲ་མོ་ཙམ་ཡང་མི་འདུག་ཅེས་ཀྱང་ཐལ་མི་ཆེ་སྟེ། ཀློག་བཞིན་པའི་སྐབས་སུ་དེབ་འདི་སྒྱུར་དེབ་ཅིག་ཡིན་པ་ཡོངས་སུ་བརྗེད་དེ། བོད་ཡིག་གི་ལམ་ནས་བརྩམས་པའི་དཔེ་དེབ་ཅིག་ལ་འཇུག་བཞིན་པའི་སྣང་བ་སྐྱེས་པ་ནི། ད་གཟོད་ལོ་ཙཱ་བའི་ཁྱད་ཆོས་དངོས་དེ་ཡིན་རྒྱུ་རེད་སྙམ། མ་བདེན་ན་ཁྱོད་ཚོས་ལྟོས་དང་ཤེས་ངེས། https://t.cn/z8c1ZnZ

སྨིན་དྲུག་ཁྲ་མོ།

བརྩོན་ནས།
མཚན་མོའི་ནམ་མཁའ་ན།
འོད་ལམ་ལམ་དུ་འཚེར་བའི་སྨན་དྲུག་ཁྲ་མོ།
ཁྱོད་ནི་ནམ་ཡང་འབྲལ་མེད་ཀྱི་བརྩེ་བ་མཚོན་པའི་རྟགས་ཡིན་པས།
ངས་ཁྱོད་ལ་ཡིད་ཆེས་དང་སེམས་པ་གཏད་ཡོད།

ཨ་སྔོན་དབྱིངས་ནས་འཆར་བའི་སྨིན་དྲུག་ལགས།
ཁྱོད་ཚོས་འབྲལ་མེད་ཀྱིས་ནུས་པ་དེ།
ཨ་གསར་གྱི་ཁེབ་པའི་འཇིག་རྟེན་འདིར་སྦྱིན་ནུས་སམ།
དུས་དེར།
ངས་མགོ་བོ་གྱེན་དུ་འདྲེན་ནས་ཁྱོད་སར་ལྟས།

སྤྲིན་ནག་གི་གཡོར་བའི་མཚན་མོ་འདིར།
ངས་ཤིང་ཁང་གྲུ་བཞི་ཡི་སྒེའུ་ཁུང་ནང་ནས།
རྒྱང་རིང་ལ་ལྟས་ནས་ཁྱོད་ཤར་བ་སྒུག་ནས་བསྡད་ཡོད།
ཡིན་ཡང་།
གནམ་གཤིས་དང་གཞན་རྐྱེན་དབང་གིས་མཐོང་ཐབས་བྲལ་བས།
ང་ཡང་རིམ་བཞིན་རྨི་ལམ་གྱི་ལམ་ཁར་ཞུགས།

#随手拍##plog纪念册##plog##晚安[超话]#