【On.cc】【成名血淚史】馬國明捱足8年先擔正

無綫熱播劇《宮心計2深宮計》受觀眾追捧，除咗宮内明爭暗鬥嘅劇情夠好睇外，主演之一嘅馬國明都好搶眼，皆因佢不時Man爆騷肌，唔止心穎BB睇到心心眼，連一班觀眾都流晒口水！已經「升呢」為當紅小生嘅馬國明冇話錫身，依然肯為劇集露肉，表現仲十分專業，不過其實佢未成名前都好捱得，仲做過唔少路人甲角色。

無綫「myTV SUPER」專頁亦剪輯咗相關片段供大家回顧，由劇集《洗冤錄》、《FM701》、《封神榜》到《陀槍師姐II》等，馬國明穿越古代做王爺，又試過做唐三藏、士兵同大夫之一，可惜統統冇對白，鏡頭仲少得可憐，難怪網友都話睇劇時發現唔到馬國明，要用放大鏡先搵到佢。去到《皆大歡喜》就好啲，終於有幾句對白可以講，雖然冇乜發揮，但馬國明依然交足戲，呢啲咪叫敬業囉！

機會係留畀有準備嘅人，跑龍套跑足幾年後，馬國明終於接到《衝上雲霄》嘅角色，仲憑靚仔機師形象爆紅，之後首度擔正演出《律政新人王II》，由零對白到男主角，呢條路足足捱咗8年，認真有血有淚。唔少網友都大讚馬國明好捱得，少啲毅力都堅持唔到，亦有網友話馬國明當年有少少Baby fat，個樣相當青澀，差啲認唔到佢，果然仔大十八變！

網民有話兒：
XXoyTsaXX：所以話努力會有出頭天，加油！
LaXXXilence：佢仲有做《尋秦記》，係琴清新婚當晚去打仗嘅死鬼老公。
XXXTai Lau：仲有《金裝四大才子》入面喺錢莊叫囂嘅村民甲。
JennyWuXXX：呢幾套我都睇過，竟然冇發現佢！

#kennethma马国明##宮心計2深宮計#

【偷食致分手？】陳家樂含淚認「分訊」 余香凝：絕對沒有第三者

入行15年的陳家樂早前憑無線劇《逆緣》中「爺爺」鍾定國一角爆紅，工作接踵而來，亦令與他拍拖近4年的女友余香凝（Jennifer）人氣急升。 二人不時在社交平台放閃，家樂更視Jennifer為結婚對象，沒想以為兩人「打風都打唔甩」之際，昨竟爆出Jennifer偷食新歡。陳家樂被問起時，更含淚承認「分訊」，指是二人共識；女方亦透過公司證實兩人已經分手。

陳家樂與Jennifer因合作拍港台劇《總有出頭天II》擦出愛火，男方事業處於低潮時，女方依然默默支持，甘苦與共。兩人後來經歷車禍，家樂事後表示希望照顧Jennifer一世，女方則表示冧爆，並指二人都對感情認真。
不過，本來被視為「金童玉女」的兩人，近日被揭已經分手，有指是因為Jennifer有第三者，她透過公司回應分手一事，指「我同家樂的確係分咗手，係大家雙方坐低落嚟傾嘅決定，但當中絕對沒有第三者，報道中既Victor只是朋友，我十幾歲就識佢，今個月尾我同佢仲有另外兩個Partner會開間燒肉舖，嚟緊我又要飛，所以約埋一齊上佢屋企開會。我唔想令身邊人無辜受牽連，希望大家可以留返啲空間畀我哋！」

#李幸倪[超话]#10大娛樂圈基層出身藝人 個個靠自己挨出頭！

之前同大家睇過15位大台富貴兵團，位位家勢顯赫，網民都話佢哋唔做藝人都唔憂米！不過又點會個個都咁幸福，其實娛樂圈有唔少藝人都係基層出身，喺圈中打拼多年，默默耕耘，先有出頭天！今次就同大家一齊睇下有邊10個基層出身嘅藝人啦！

李幸倪

歌手李幸倪（Gin Lee）2010年由馬來西亞來香港發展，當時佢窮到住北角劏房外，仲要冇錢交租，需要靠好友接濟。

好彩，Gin Lee冇因窮到冇錢交租而放棄唱歌理想，2015年就因參加內地節目《中國好聲音》而成功翻身，近年不時上台攞獎。

而轉投環球唱片後，獲力捧嘅Gin Lee會喺嚟緊6月，首度進軍紅館開個唱！

https://t.cn/RYs5ZIg最新娛聞/基層-娛樂圈-藝人/25/