彝历新年到来,凉山彝族自治州专属7天长假,明天开启,今天带领两个老人和两个宝贝儿,以及妹妹、妹夫到西昌旅游集散服务中心后面的会东烫皮羊肉馆吃羊肉汤锅,还是家乡的味道好啊。哈哈……祝各位亲们彝族年快乐ꈎꈤꇁꆏꏅ ꆪꈤꇁꆏꊒ ꋧꃅꆈꌠꌺꇖꈎꏅꃅꌒ ꊿꇬꋬꂻ ꑌꑿꀻꎆ ꆿꍯꂷꌵ ꉌꃈꑓꌒ ꋬꂻꈨꅪꅊꇉ,确波确惹、吉木吉喜、库史木撒、孜莫格尼! https://t.cn/z8AgfdK
《ꆈꌠꀋꃋ》
girl nuosu
ꁰꊿ:ꐊꂾꃴꆾ·ꁭꅐꌺ
author:qomo vutliep bdure
ꎔꌠꆎꂷꐥ,ꆈꌠꀋꃋꌺ。
ꑘꃅꋚꑣꉌꃀꁨꅽꑠꂷ,
ꆏꎔꆎꃨꁦꉘꂙꃨꌡ。
ꉡꆹꉌꃀꈍꃅꆏꂶꌦꀋꉂ?
ꃅꍵꃹꇁꃲ,ꆎꉂꇀꌦꃲ。
ꉂꌠꆎꀃꑍꋋꄮꐥꌑꌒꀋꐚ,
ꉂꌠꆎꆹꃅꃴꃅꏸꂶꌦꆏꆎ。
ꑋꈌꁏꇁꃲ,ꌩꃨꀕꇁꃲ。
ꌩꃨꂾꆏꉌꃀꑌꆎꉂꇁ,
ꊿꎔꊾꃨꆈꌠꀋꃋꐥ,
ꉷꃅꇓꈓꅽꀋꏭꌠꆹꇬꀋꐥ。
ꆎꉂꈍꃅꂯ?ꈝꂿꇢꅉꎴ,
ꑿꆫꃮꆫꈪꑌꇔꍣꆈꌠꀋꃋꌺ,
ꉡꆹꐥꋊꐥꍂꃅꆏꂶꌦꀉꄂꉂ。
girl nuosu
ꁰꊿ:ꐊꂾꃴꆾ·ꁭꅐꌺ
author:qomo vutliep bdure
ꎔꌠꆎꂷꐥ,ꆈꌠꀋꃋꌺ。
ꑘꃅꋚꑣꉌꃀꁨꅽꑠꂷ,
ꆏꎔꆎꃨꁦꉘꂙꃨꌡ。
ꉡꆹꉌꃀꈍꃅꆏꂶꌦꀋꉂ?
ꃅꍵꃹꇁꃲ,ꆎꉂꇀꌦꃲ。
ꉂꌠꆎꀃꑍꋋꄮꐥꌑꌒꀋꐚ,
ꉂꌠꆎꆹꃅꃴꃅꏸꂶꌦꆏꆎ。
ꑋꈌꁏꇁꃲ,ꌩꃨꀕꇁꃲ。
ꌩꃨꂾꆏꉌꃀꑌꆎꉂꇁ,
ꊿꎔꊾꃨꆈꌠꀋꃋꐥ,
ꉷꃅꇓꈓꅽꀋꏭꌠꆹꇬꀋꐥ。
ꆎꉂꈍꃅꂯ?ꈝꂿꇢꅉꎴ,
ꑿꆫꃮꆫꈪꑌꇔꍣꆈꌠꀋꃋꌺ,
ꉡꆹꐥꋊꐥꍂꃅꆏꂶꌦꀉꄂꉂ。
《ꂃꏂꂃꆧꅏꅉꊮꊫꃭꇤꏁꌯꀕ》
ꌳꈄꀘꆳꅐ/ꊿꎔꈑꒉꅐ/ꀊꏂꀊꀦꀧꏂꆽꈜꅐ/ꂃꏂꂃ ꆧꑞꋯꃺꄧꅐ……”ꀃꌋꂾꀊꆨ,ꆈꌠꈍꈩꉐꍣꇬꑠꃅꈍꈩꉐꍣꑵ。
ꀃꌋꂾꀊꆨꅑꅸꇁꌠ,ꑞꋯꃺꄧꆹꃶꐚꇯꍝꃅꀊꏂꀊꃴꌠꅏꅉ ꈚꉬꐤꁮ,ꂒꑌꃺꄧꂓꄷꀋꁧꃅꈎꈭꏝꇖꄮꐰꌠꃴꇁꆧꈨꒉꃅꎍꇬ ꎷ,ꑞꋯꃺꄧꐦꀞꅔꆚꀕꉜꀕꋯꀋꐛ、ꐦꐛꐦꌋꋽꌠꇬ꒔ꊭꇬꆏꏁ ꌯꀕ、ꏁꇅꀕꃅꎌꌦ,꒔ꊭꇬꆏꃴꍚꃴꆧꁏꃅꎌꌦꄹꃄꅉꀈꈥꃅꇧ ꎍꇁꀋꉆ,ꌞꃅꄷꃄꅉꁋꌙꅍ、ꆈꈥꆈꑣꅍꎍꇬ,ꄚꇬꆏꇣꋦꉘ ꁇꁉꇬꎷ,ꈜꀕꇈꑋꀊꌕꆪꂶꌠꇬꆏ,ꑞꋯꃺꄧꏭꊮꊫꃭꇤ꒔ꐯꋋ ꇉꃅꊪꐯꄀꄉꌠꃨꌊꏁꌯꀕꃅꎍꀐ。
ꊮꊫꃭꇤꃧꃨꅿꉗꌑꐩꀕꌠ꒔꒨ꇈ꒔꒨ꃅꄉꃅꆳꇱꌌꇁ,ꌌꇁ ꐛꑿꅳꁖꇬꃹ,ꐛꑿꇖꈭꀕꆏꒉꉢꇁꏍꃅꊮꊫꃭꇤꃧꃨꈬꇬꄉꃧꃨ ꍘ ; ꌌꇁꁯꆮꅳꁖꇬꊐ,ꁯꆮꅏꁏꅐꆗꄹꄉꊮꊫꃭꇤꃧꃨꈬꇬꏮꐺ ; ꌌꇁꐧꇁꃰꊿꅳꁖꇬꃹꇁ,ꐧꇁꃰꊿꅐꌊꊮꊫꃭꇤꃧꃨꆫꃨꐺ。ꋋ ꄮꇬꆏ,ꃰꊿꉌꐡꀋꅑꌠꑌꋌꎼꉌꐡꇁ,ꉌꐡꅑꌠꆏꀊꅰꃅꋌꇱꎼ ꉌꐡꑓꇗꇁ,ꋌꇱꎼꉌꐡꅲꇢꈻꇁ,꒧ꀕꉙꇢꌠ꒧ꀕꋍꊱꇈ꒔ꊱꃅ ꋌꉙꊮꊫꃧꃨꈬꇬꎭꇈ,꒧ꀕꉙꀋꇢꌠꂯꑵꉙꊱꋌꑵꇧꎭꇈ。ꄽꂫ ꆏ,ꈀꄸꑌꑟꄚꀱꀋꄚꃅꀱꁧꀐ。
ꂃꏂꂃꆧꅏꅉꑞꋯꃺꄧꊮꊫꃭꇤꏁꌯꀕꌠꆹꋌꐛꋌꐙꃅꑠꃅꐙꇁ ꌠꀋꉬ,ꑴꁱꎔꇁꃨꌠꋌꁬꆹꁱꑴꌧꃀꁱꑴꄉꌠꑌꀋꉬ,ꋋꆹꑞꋯ ꃺꄧꏭꀀꌠꋦꌠꉌꈲ、ꆈꌠ、ꀒꋤ、ꉇꉈꂿ꒧ꊿꉹꁌ꒔ꏅꌠꎭꇁ ꅧꃅꁱꑴꄉꌠ。ꀋꄸꄷꋋꆹꃶꐚꃅꎔꇁꃨꌠꑴꁱꁬꉬꄷꉉꑲꆏ,ꄚ ꇬꊮꊫꃭꇤꊪꌠꂿ꒧ꊾꂷꆏꁱꑴꌧꃀꂷꉬ,ꈀꄸꑌꐯꇯꑬꌋꏼ、ꇇ ꌋꂵꄉꃅꑽꐛꅹ,ꑴꁱꋽꇁꎔꌠꀉꒉꋌꁬꊿꊇꁱꑴꐯꄀꎼꇁꀐ,ꄷ ꀋꁧ꒔ꈓꆏꋍꁬꁱꑴ,ꊂꈎꆏꀒꈓꃤꒈꀋꋌꃅꁱꑴꎼꇁ,ꈩꅉꈩꅉ ꃅ,ꁱꑴꅷꇁꇬꆏꑞꋯꇁꄿꋋꇉꃅꊿꊇꁱꑴꐯꄀꄉꏽꀐ。
ꑞꋯꃺꄧꊮꊫꃭꇤꏁꌯꀕ,ꋋꆹꊮꊫꃭꇤꇬꇉꋌꀋꑌꂱꀯꋌꄀ ꌠꀋꉬ,ꃶꐚꇯꍝꃅꄉꇬꑌꊮꊫꃭꇤꇬꇉꑌꋌꑌꌠ,ꄷꀋꁧꇬꇉꇬ ꋌꈧꌠ“ꊮꑿ”ꄷꄡꇗꋇꅿꃧꃨꌟꃅꏁꇅꀕ、ꏁꌯꀕꉜꆏꎔ、ꅜ ꆏꂄ,ꃮꋌ、ꃬꋌ꒔ꑠꏭꀋꋌ,ꊮꂷꌌꊮꑿꅥꄉꊨꏦꅝꌠꅝ,ꀋ ꅝꌠꊮꂷꃷ、ꊮꑿꃷ,ꊮꊫꃭꇤꊪꂿ꒧ꊿꋌꇱꎼꐥꐨꄺꀱꉾꃪꀐ, ꎭꇔꈚꐛꊼꇅꌣꈚꌠꈝꃀꇬꍬꆹꀐ。
ꀋꃋꋋꈍꑋꈓꆏ,ꑞꋯꃺꄧꑋꋚꐛꉻꋊꐽꌠꊮꊫꃭꇤꆏꀨꇬꄉ ꌠꐛ。ꊮꊫꃭꇤꆹꃺꄧꊇꁧꉾꐋꀋꌡꐨꐥꌠꂿ꒧ꅐꇐꀉꒉꃘꑵꌠꈐ ꏭ꒔ꑵꉬ。ꀋꂿ꒧ꃅꊪꌠꍔꀕꆏꄓꒀ 5 ꉼ,ꄓꒀꏜ 1 ꉼ,ꃀꒀ 14、15、17 ꉼ,ꆆꒀ 10 ꉼꋋꈨꐥ。2008 ꈓ,ꃺꄧꊮꊫꃭꇤ ꌜꍣꌠ 50 ꈎꑠꋒꀋꋺꌠꃰꐻꉮꌸ。ꊮꊫꃭꇤꁮꑋꌠꎼꊨꒊꂿꄷꐛ ꅹ,ꑤꂿ꒧ꏳꈆꑪꇮꇐꌊꉮꌸꊨꒊꌠꏁꁈꏤꄻ,ꂿ꒧ꈆꑪꇮꇐꌧꊿ 40 ꎖꑻꁆꄻꌊꀏꊮꊫꃭꇤꌜꍣꌠꑣꍔꈧꌠꇬꄉꉮꄙꊨꏦꈭꋏ,ꀋ ꉬꀋꉆꌠꈆꑪꇮꇐꌊꉮꌸꊨꒊꐻꄴꏮꏁꁈꃄꌬꇈ,ꊮꊫꃭꇤ꒔ꃢꀕ ꌠ、ꑍꃢꀕꌠꐝꇤꌠꄹꎆꀐ,ꅐꐨꁮꑋꌠꅋꑣꀐ。ꏓꌗꎼꇁꇬ, ꑤꑭꊂꊮꊫꃭꇤꌜꍣꌠꑣꍔ 27 ꂷꐥ,ꊮꊫꃭꇤꃅꊂ 2008 ꈓꀻꎆ ꅷ 4.1 ꃪꂿꇬꑟ,ꌌ 2007 ꈓꋓꉚꇬ 1.6 ꃪꂿꁦꎆ,64% ꉀꎆ ; ꃴꍚꀕꌠꃅꄷ ꊮꂷꈁꅐꐨ 6095 ꄓꇬꑟ,ꌌ 2007 ꈓꋓꉚꇬ 2513 ꄓꁦꎆꃅꅐ,
70% ꉀꎆ。2008 ꈓꃷꎏꁌꏤ꒔ꉻꏣꌠ 5 ꂷꃅꌗꇬ,ꀉꌃꎳꎆ 1256.5 ꃪꂷꁦꎆ。
ꉪꊇꆈꌠꅇꂷꑠꇬꐥ :“ꉘꀋꇉꋚꊿꇿ,ꉘꀋꇉꅇꊾꃚ。”ꋋ ꑌꇐꀳꐮꇬꉬꑴꇬ,ꉘꀋꇉꅇꄹꁆꑌꊿꇿꑵꉬꅊꇈ。ꀊꉗꀋꐛꂾꈿ ꌠꃺꄧꑤꊰꑋꈭꏓꄊꌕꃢꀕꌠꃀꈿꅉꇬꄉꅉꐚꅜꇬ,ꑞꋯꃺꄧꆏꇤ ꐳꃅꇩꏤꊐꌠꋍꉻꉮꐪꀋꐥꌠꊮꊫꃭꇤꌜꍣꅉꃀꑤꋈꄻ,2009 ꈎ ꊮꊫꃭꇤ 5 ꃪꂿꊪꌠꃅꇫꑟ,ꄾꌦꋩꊮꂷꅐꐨ 7433 ꄓꈍꉐꑟ, ꄷꀋꁧꑋꅐꑋꈌꁏ、ꑋꈌꉙꏦꀕꑋꀊꌕꆪꊮꊫꃭꇤꃨꌊꏁꌯꀕꇄꌠ ꇬꆏꉘꃀꃢꌠ“ꊮꊫꃭꇤꃧꃨꋩꑍ”ꀞꄻꄷ。
ꀊꋨꄮꇬꑟꇬꆏ, ꍏꈐꍏꉈꐋꀨꉌꊸꅑꌠꑞꋯꃺꄧꈩꀋꇁꇂ?ꑞꋯꃺꄧꊮꊫꃭꇤꃧꃨ ꏁꌯꀕꃅꃨꄉꅽꋨꏦꎂꀕ!ꆏꑴꌠꑞꋯꃺꄧꊮꊫꃭꇤꏁꌯꀕꌠꑓꆫ ꑓꃨꇁꅊꇈ!ꑞꋯꃺꄧꊮꊫꃭꇤꃧꃨꏁꌯꀕꌠꂿꇬꉌꐡꑓꇗꌊꉌꐡ ꑓꇗꑓꁴꎴꆏꅐꇧꎭꑌꌬꀋꄿ,꒧ꀕꊱꆏꉙꇧꎭꑌꌬꀋꉆ,ꀋꄿꇬ ꂯꑵꉙꊱꆹꆏꑵꇧꎭꌠꉬ。
ꌳꈄꀘꆳꅐ/ꊿꎔꈑꒉꅐ/ꀊꏂꀊꀦꀧꏂꆽꈜꅐ/ꂃꏂꂃ ꆧꑞꋯꃺꄧꅐ……”ꀃꌋꂾꀊꆨ,ꆈꌠꈍꈩꉐꍣꇬꑠꃅꈍꈩꉐꍣꑵ。
ꀃꌋꂾꀊꆨꅑꅸꇁꌠ,ꑞꋯꃺꄧꆹꃶꐚꇯꍝꃅꀊꏂꀊꃴꌠꅏꅉ ꈚꉬꐤꁮ,ꂒꑌꃺꄧꂓꄷꀋꁧꃅꈎꈭꏝꇖꄮꐰꌠꃴꇁꆧꈨꒉꃅꎍꇬ ꎷ,ꑞꋯꃺꄧꐦꀞꅔꆚꀕꉜꀕꋯꀋꐛ、ꐦꐛꐦꌋꋽꌠꇬ꒔ꊭꇬꆏꏁ ꌯꀕ、ꏁꇅꀕꃅꎌꌦ,꒔ꊭꇬꆏꃴꍚꃴꆧꁏꃅꎌꌦꄹꃄꅉꀈꈥꃅꇧ ꎍꇁꀋꉆ,ꌞꃅꄷꃄꅉꁋꌙꅍ、ꆈꈥꆈꑣꅍꎍꇬ,ꄚꇬꆏꇣꋦꉘ ꁇꁉꇬꎷ,ꈜꀕꇈꑋꀊꌕꆪꂶꌠꇬꆏ,ꑞꋯꃺꄧꏭꊮꊫꃭꇤ꒔ꐯꋋ ꇉꃅꊪꐯꄀꄉꌠꃨꌊꏁꌯꀕꃅꎍꀐ。
ꊮꊫꃭꇤꃧꃨꅿꉗꌑꐩꀕꌠ꒔꒨ꇈ꒔꒨ꃅꄉꃅꆳꇱꌌꇁ,ꌌꇁ ꐛꑿꅳꁖꇬꃹ,ꐛꑿꇖꈭꀕꆏꒉꉢꇁꏍꃅꊮꊫꃭꇤꃧꃨꈬꇬꄉꃧꃨ ꍘ ; ꌌꇁꁯꆮꅳꁖꇬꊐ,ꁯꆮꅏꁏꅐꆗꄹꄉꊮꊫꃭꇤꃧꃨꈬꇬꏮꐺ ; ꌌꇁꐧꇁꃰꊿꅳꁖꇬꃹꇁ,ꐧꇁꃰꊿꅐꌊꊮꊫꃭꇤꃧꃨꆫꃨꐺ。ꋋ ꄮꇬꆏ,ꃰꊿꉌꐡꀋꅑꌠꑌꋌꎼꉌꐡꇁ,ꉌꐡꅑꌠꆏꀊꅰꃅꋌꇱꎼ ꉌꐡꑓꇗꇁ,ꋌꇱꎼꉌꐡꅲꇢꈻꇁ,꒧ꀕꉙꇢꌠ꒧ꀕꋍꊱꇈ꒔ꊱꃅ ꋌꉙꊮꊫꃧꃨꈬꇬꎭꇈ,꒧ꀕꉙꀋꇢꌠꂯꑵꉙꊱꋌꑵꇧꎭꇈ。ꄽꂫ ꆏ,ꈀꄸꑌꑟꄚꀱꀋꄚꃅꀱꁧꀐ。
ꂃꏂꂃꆧꅏꅉꑞꋯꃺꄧꊮꊫꃭꇤꏁꌯꀕꌠꆹꋌꐛꋌꐙꃅꑠꃅꐙꇁ ꌠꀋꉬ,ꑴꁱꎔꇁꃨꌠꋌꁬꆹꁱꑴꌧꃀꁱꑴꄉꌠꑌꀋꉬ,ꋋꆹꑞꋯ ꃺꄧꏭꀀꌠꋦꌠꉌꈲ、ꆈꌠ、ꀒꋤ、ꉇꉈꂿ꒧ꊿꉹꁌ꒔ꏅꌠꎭꇁ ꅧꃅꁱꑴꄉꌠ。ꀋꄸꄷꋋꆹꃶꐚꃅꎔꇁꃨꌠꑴꁱꁬꉬꄷꉉꑲꆏ,ꄚ ꇬꊮꊫꃭꇤꊪꌠꂿ꒧ꊾꂷꆏꁱꑴꌧꃀꂷꉬ,ꈀꄸꑌꐯꇯꑬꌋꏼ、ꇇ ꌋꂵꄉꃅꑽꐛꅹ,ꑴꁱꋽꇁꎔꌠꀉꒉꋌꁬꊿꊇꁱꑴꐯꄀꎼꇁꀐ,ꄷ ꀋꁧ꒔ꈓꆏꋍꁬꁱꑴ,ꊂꈎꆏꀒꈓꃤꒈꀋꋌꃅꁱꑴꎼꇁ,ꈩꅉꈩꅉ ꃅ,ꁱꑴꅷꇁꇬꆏꑞꋯꇁꄿꋋꇉꃅꊿꊇꁱꑴꐯꄀꄉꏽꀐ。
ꑞꋯꃺꄧꊮꊫꃭꇤꏁꌯꀕ,ꋋꆹꊮꊫꃭꇤꇬꇉꋌꀋꑌꂱꀯꋌꄀ ꌠꀋꉬ,ꃶꐚꇯꍝꃅꄉꇬꑌꊮꊫꃭꇤꇬꇉꑌꋌꑌꌠ,ꄷꀋꁧꇬꇉꇬ ꋌꈧꌠ“ꊮꑿ”ꄷꄡꇗꋇꅿꃧꃨꌟꃅꏁꇅꀕ、ꏁꌯꀕꉜꆏꎔ、ꅜ ꆏꂄ,ꃮꋌ、ꃬꋌ꒔ꑠꏭꀋꋌ,ꊮꂷꌌꊮꑿꅥꄉꊨꏦꅝꌠꅝ,ꀋ ꅝꌠꊮꂷꃷ、ꊮꑿꃷ,ꊮꊫꃭꇤꊪꂿ꒧ꊿꋌꇱꎼꐥꐨꄺꀱꉾꃪꀐ, ꎭꇔꈚꐛꊼꇅꌣꈚꌠꈝꃀꇬꍬꆹꀐ。
ꀋꃋꋋꈍꑋꈓꆏ,ꑞꋯꃺꄧꑋꋚꐛꉻꋊꐽꌠꊮꊫꃭꇤꆏꀨꇬꄉ ꌠꐛ。ꊮꊫꃭꇤꆹꃺꄧꊇꁧꉾꐋꀋꌡꐨꐥꌠꂿ꒧ꅐꇐꀉꒉꃘꑵꌠꈐ ꏭ꒔ꑵꉬ。ꀋꂿ꒧ꃅꊪꌠꍔꀕꆏꄓꒀ 5 ꉼ,ꄓꒀꏜ 1 ꉼ,ꃀꒀ 14、15、17 ꉼ,ꆆꒀ 10 ꉼꋋꈨꐥ。2008 ꈓ,ꃺꄧꊮꊫꃭꇤ ꌜꍣꌠ 50 ꈎꑠꋒꀋꋺꌠꃰꐻꉮꌸ。ꊮꊫꃭꇤꁮꑋꌠꎼꊨꒊꂿꄷꐛ ꅹ,ꑤꂿ꒧ꏳꈆꑪꇮꇐꌊꉮꌸꊨꒊꌠꏁꁈꏤꄻ,ꂿ꒧ꈆꑪꇮꇐꌧꊿ 40 ꎖꑻꁆꄻꌊꀏꊮꊫꃭꇤꌜꍣꌠꑣꍔꈧꌠꇬꄉꉮꄙꊨꏦꈭꋏ,ꀋ ꉬꀋꉆꌠꈆꑪꇮꇐꌊꉮꌸꊨꒊꐻꄴꏮꏁꁈꃄꌬꇈ,ꊮꊫꃭꇤ꒔ꃢꀕ ꌠ、ꑍꃢꀕꌠꐝꇤꌠꄹꎆꀐ,ꅐꐨꁮꑋꌠꅋꑣꀐ。ꏓꌗꎼꇁꇬ, ꑤꑭꊂꊮꊫꃭꇤꌜꍣꌠꑣꍔ 27 ꂷꐥ,ꊮꊫꃭꇤꃅꊂ 2008 ꈓꀻꎆ ꅷ 4.1 ꃪꂿꇬꑟ,ꌌ 2007 ꈓꋓꉚꇬ 1.6 ꃪꂿꁦꎆ,64% ꉀꎆ ; ꃴꍚꀕꌠꃅꄷ ꊮꂷꈁꅐꐨ 6095 ꄓꇬꑟ,ꌌ 2007 ꈓꋓꉚꇬ 2513 ꄓꁦꎆꃅꅐ,
70% ꉀꎆ。2008 ꈓꃷꎏꁌꏤ꒔ꉻꏣꌠ 5 ꂷꃅꌗꇬ,ꀉꌃꎳꎆ 1256.5 ꃪꂷꁦꎆ。
ꉪꊇꆈꌠꅇꂷꑠꇬꐥ :“ꉘꀋꇉꋚꊿꇿ,ꉘꀋꇉꅇꊾꃚ。”ꋋ ꑌꇐꀳꐮꇬꉬꑴꇬ,ꉘꀋꇉꅇꄹꁆꑌꊿꇿꑵꉬꅊꇈ。ꀊꉗꀋꐛꂾꈿ ꌠꃺꄧꑤꊰꑋꈭꏓꄊꌕꃢꀕꌠꃀꈿꅉꇬꄉꅉꐚꅜꇬ,ꑞꋯꃺꄧꆏꇤ ꐳꃅꇩꏤꊐꌠꋍꉻꉮꐪꀋꐥꌠꊮꊫꃭꇤꌜꍣꅉꃀꑤꋈꄻ,2009 ꈎ ꊮꊫꃭꇤ 5 ꃪꂿꊪꌠꃅꇫꑟ,ꄾꌦꋩꊮꂷꅐꐨ 7433 ꄓꈍꉐꑟ, ꄷꀋꁧꑋꅐꑋꈌꁏ、ꑋꈌꉙꏦꀕꑋꀊꌕꆪꊮꊫꃭꇤꃨꌊꏁꌯꀕꇄꌠ ꇬꆏꉘꃀꃢꌠ“ꊮꊫꃭꇤꃧꃨꋩꑍ”ꀞꄻꄷ。
ꀊꋨꄮꇬꑟꇬꆏ, ꍏꈐꍏꉈꐋꀨꉌꊸꅑꌠꑞꋯꃺꄧꈩꀋꇁꇂ?ꑞꋯꃺꄧꊮꊫꃭꇤꃧꃨ ꏁꌯꀕꃅꃨꄉꅽꋨꏦꎂꀕ!ꆏꑴꌠꑞꋯꃺꄧꊮꊫꃭꇤꏁꌯꀕꌠꑓꆫ ꑓꃨꇁꅊꇈ!ꑞꋯꃺꄧꊮꊫꃭꇤꃧꃨꏁꌯꀕꌠꂿꇬꉌꐡꑓꇗꌊꉌꐡ ꑓꇗꑓꁴꎴꆏꅐꇧꎭꑌꌬꀋꄿ,꒧ꀕꊱꆏꉙꇧꎭꑌꌬꀋꉆ,ꀋꄿꇬ ꂯꑵꉙꊱꆹꆏꑵꇧꎭꌠꉬ。
✋热门推荐