བྱང་ཆུབ་སེམས་དཔའ་སེམས་དཔའ་ཆེན་པོ་ས་ཡི་སྙིང་པོ་ལ་ཕྱག་འཚལ་ལོ།། མཆོད་དོ།། སྐྱབས་སུ་མཆིའོ།། 今日地藏菩萨节日："香且森华森华钦波萨耶酿波拉 香擦洛 窍多嘉森且奥！"顶礼供养皈依地藏菩萨摩诃萨 ​​​

 ࿇ 
སྡུག་བསྔལ་མྱང་མི་འདོད་ན་ངེས་པར་དུ་དགེ་བའི་ཚོགས་གསོག་དགོས།
སྡུག་བསྔལ་མེད་པའི་རྒྱུ་སྒྲུབ་དགོས། དགེ་བའི་ལས་སྒྲུབ་དགོས་པ་ནི་རྒྱུ་འབྲས་ཀྱི་རང་བྱུང་ཆོས་ཉིད་ཡིན།
-མཁན་ཚུལ་ཁྲིམས་བློ་གྲོས་ཀྱིས།
不想接受痛苦， 就一定要积累福德， 制造不痛苦的因 ——行善， 这是因果的自然规律。 
—慈诚罗珠堪布

#རྒྱང་རིང་དང་གཙང་པོ།

༣༡

རྒྱང་རིང་།
ཁྱེད་ནི་མེ་ཏོག་ལྟ་བུའི་ཕྱི་ནས་མཛེས་པ་ཡིན་ལ།
སྒྲོན་མེ་ལྟ་བུའི་ནང་ནས་གསལ་བ་ཡང་ཡིན་པས།
ངའི་ཞེ་མདངས་ཀྱི་སྨུག་སྤྲིན་ལང་ལོང་ཁྱེད་སར་ཤོར་སོང་།

༣༢

རྒྱང་རིང་།
འགའ་རེས་བཤད་ན།
ཁྱེད་ནི་སྟོན་ཟླའི་ནམ་མཁའ་རེེད་ཟེར།
རེས་འགས་བཤད་ན།
ཁྱེེད་ནི་དགུན་གྱི་ཁ་བ་རེེད་ཟེར།
འོན་ཀྱང་ཁྱེད་ཀྱི་རྣམ་འགྱུར་ཡག་བཙོག་ཙམ་གྱིས།
ངའི་སེམས་ལ་དགའ་སྐྱོའི་རི་མོ་མངོན་གསལ་དུ་དོད་བྱུང་བས།
ངའི་སྣང་ངོར་ཁྱེད་ནི་དགའ་སྡུག་གི་བྱེད་པོ་དང་འདྲའོ།

༣༣

རྒྱང་རིང་།
མདང་དགོང་ཁྱེད་ཉིད་ཁོ་བོའི་རྨི་ལམ་དུ་འཁོར་ཞིང་།
ཁྱེད་ཞལ་འཛུམ་ཙམ་བྱས་པས།
མེ་ཏོག་པདྨ་ཁ་ཕྱེ་བ་ལྟར་ཤིན་ཏུ་མཛེས་སྡུག་ལྡན།

༣༤

རྒྱང་རིང་།
མཚན་མོ་ལྟ་བུའི་ལོ་ཟླ་ལ་ཐུགས་ཁྲལ་མ་གནང་རོགས།
ངས་དཀོན་མཆོག་ལ་གསོལ་འདེབས་བྱས་ཏེ།
ཁྱེད་རང་སྐྱིད་པའི་སྨོན་ལམ་འདེབས་བཞིན།
ཉིན་དང་མཚན་དུ་མེལ་ཚེ་བྱེད་བཞིན་ཡོད།

༣༥

རྒྱང་རིང་།
སྨུག་སྤྲིན་ལྟ་བུའི་ནམ་ཟླ་ལ་ཡིད་སུན་མ་གནང་རོགས།
ང་ཡི་གསོལ་འདེབས་རེ་རེ་ཁྱོད་དང་འབྲེལ་ཡོད།
འཚོ་བ་ཡང་དེ་བཞིན།

༣༦

རྒྱང་རིང་།
ཁྱེད་ཉིད་ལྷ་ཡིས་སྤྲུལ་པའི་གཞིས་ཁྱིམ་ཡིན་ནམ།
སྐྱོ་བ་སངས་སོང་།
ཁྱེད་ཉིད་གནམ་གྱིས་བསྐོས་པའི་ཉི་ཟླ་ཡིན་ནམ།
མུན་པ་གསལ་སོང་།

༣༧

རྒྱང་རིང་།
དེ་རིང་གི་ཉི་མ་ཤིན་ཏུ་གྲང་བས།
ཁྱེད་ལ་སུན་སྣང་དང་སེམས་ངལ་རེ་བྱུང་ངམ་ལགས།

༣༨

རྒྱང་རིང་།
རྨི་ལམ་དེ་མངོན་སུམ་ཡིན་ན།
ཁྱེད་རང་མཇལ་བའི་ལས་སྐལ་བདག་ལ་སྨིན་བྱུང་།

༣༩

རྒྱང་རིང་།
ཟླ་བ་དགུ་པ་བསླེབས་འདུག
ཟླ་བ་དགུ་པ་ནང་གི་ཁྱེད་ཀྱི་གནས་ཚུལ་ཤེས་ན་བསམས།
ཟླ་དགུ་པ་ནང་གི་ང་ཡི་ནང་སེམས་ཁྱོད་ཀྱིས་བཀླག་ན་བསམས།

༤༠

རྒྱང་རིང་།
ཁྱེད་ཉིད་ཞི་བདེའི་ངང་དུ་བདེ་བར་གནས་ན།
ང་ཡི་ཐ་སྙད་མང་པོས་ཅི་ཞིག་མཚོན་ཏེ།
བདག་གི་སྨོན་འདུན་ནི་དེ་ཁོ་ནའོ། །