「仙氣女神」簡淑兒（Jessica）因去年底和經理人公司的合約問題被無綫雪藏，令她有份演出的《大帥哥》及《救妻同學會》在播出時冇得出席宣傳活動，當時她表示與經理人公司仍有半年合約，去向未定。近日Jessica終於約滿，更正式簽約無綫成為「親生女」。

其實Jessica過去在劇集表現不俗，深得無綫重用，一劇接一劇，一直有意羅致旗下，今次Timing剛剛好，現升格無綫「親生女」，有份演出的新劇《好日子》即將下周推出，可說是「仙氣女神」強勢回歸宣傳。而Jessica曾是女子組合「少女標本」出道，之後亦有單飛出歌，肥水不流別人田，相信好快會加入星夢，做吳若希和菊梓喬師妹。

【On.cc】火龍果惡搞祖兒爆紅！張敬軒：出場費貴過我

歌手張敬軒（軒仔）之前化身「火龍果」拍片惡搞容祖兒的MV，今日軒仔出席品牌活動時笑言品牌原想他以「火龍果」造型出現：「不過我唔想啲新人（火龍果）咁囂，佢以獨立角色出嚟，出場費仲貴過張敬軒。我尋日返我間餐廳，所有人都係叫我火龍果，而唔係張敬軒。係開心，可以創作到個話題。（生果店多謝你？）睇吓有冇人搵我做火龍果嘅代言人。（拍套電影？）火龍果大戰降兩度，簡稱降火。嚟緊火龍果會出單曲《Pretty Hungry》，同埋佢會做我澳門演唱會嘅嘉賓。依家嘅玩法唔同以前，同埋我怕悶，呢啲嘢無傷大雅，大家又開心。」

#张敬轩[超话]#

梁嘉琪行山考驗追求者

藝人梁嘉琪昨日出席慈善活動，曾經有800度大近視的她，讀書時戴着厚鏡片眼鏡，自覺樣子好蠢。幾年前拍劇因捱通宵，長戴隱形眼鏡出現嚴重眼乾，不能再戴隱形眼鏡，最終要做激光矯視。當可以清晰看到藍天時，令她開心到想喊！她有興趣籌辦義工團隊並到印度探訪，體驗前線救盲工作。

嘉琪熱愛行山，早前到花蓮行山剛好避過地震，頻呼好彩，問到有冇追求者陪行山，她說：「都好，可考驗佢追唔追到我，行山睇到佢毅力，都鍾意啲愛大自然嘅人。」