被港姐形象框住 向海嵐認難搵對象結婚

向海嵐（Anne）最近首次參與ViuTV真人騷《香港親善小姐》，同一班前港姐楊思琦、譚小環和李綺虹等，分別去到韓國及日本參觀，順道分享參選帶給她們的感受。Anne因節目仲初次去到韓國首爾，更試了多個第一次，譬如同Oppa約會。Anne坦言欣賞韓國男仔暖男一面，但論外型就並非她杯茶，她更坦承參選港姐確實有影響她的情路，令45歲的她到現在仍是單身。撰文：杜淑霞 攝影：李權威 髮型：Matt Chiu@Xenter 首飾：Legacy Lab 場地：Party Huh
首次踏足首爾，Anne除了跟楊思琦齊齊試着韓服同品嘗地道美食外，最難忘就是同當地Oppa約會，「韓國男仔高高大大眼矇矇，高大我都鍾意嘅，但眼矇矇唔係我嗰type，但係都幾窩心嘅，同我約會個男仔仲識少少普通話，都溝通到，有度我要着住短裙要坐喺樓梯度，佢即刻除咗件褸畀我遮住，真係幾gentleman㗎！」
揀對象重感覺
談到參選港姐，Anne認為這個絕對是影響一生的決定，「真係好大轉變，冇參加嘅話我可能仲喺加拿大，唔知打份咩工好悶咁，唔會好似家咁多姿多采，試到咁多唔同嘅嘢，好似拍劇咁，就好似經歷唔同人嘅人生，所以參選係我其中一個最好嘅決定。」

雖然港姐帶給Anne不一樣的人生，但同時亦影響了她的情路，「會諗人哋鍾意我係咪因為我藝人或者港姐嘅身份，就好似買個名牌手袋咁，定係真係鍾意我個人呢？我會多咗呢個顧慮。」不過，45歲的她仍唔心急搵另一半，「我又唔介意單身，又好enjoy喎！因為冇壓力，接咩工作、去邊度，都唔使同人交待，當然搵到個鍾意嘅對象，又唔會咁諗嘅。」一直有追求者的Ann坦承自己都幾「宅」，而揀對象就最重感覺，「最緊要大家相處到，感覺最緊要，對對象都會有要求，不過唔係條件嚟，譬如要對屋企人好、顧家、鍾意小動物，因為我鍾意狗仔，要有愛心。（靚仔？）冇所謂，合眼緣就得。」

藝人#鍾晴#（Karlie）近日與相識近20年的好姊妹到關島旅行，她一直喜歡陽光與海灘，故選擇到當地下水消暑，更帶備多套泳衣影靚相：「我鍾意水上活動，去到關島第一件事就睇吓有冇得滑水，點知當地係冇，都有少少可惜。不過我哋都有不停游水，感覺非常正呀！」Karlie此行亦有出海睇海豚，更想挑戰跳傘：「一直都想挑戰呢樣活動，不過都係太驚，唔夠膽玩，希望下次有機會可以成功挑戰。同埋關島係一個好熱嘅地方，行出街5分鐘已經成身濕晒，好似畀火燒咁，我同好姊妹個妝都溶晒，不過大家玩得好開心。」

之前觉得盆盆虽然不是我钟意的类型但也蛮清秀可爱的，但自从意识到他头大，完了完了[汗]深感盆这个花名起的精准绝妙毒辣[笑cry]，然后就出现了这种情况“笑得好好看哦，头好大...”
“这个发型露眉蛮帅的，就是显得头有点大...”
“这个帽子戴的好，又好看又显头小[good]”[闭嘴]
已经无法正视了，关注点总是会歪到头大上，我好南[衰]