【On.cc】美食風景唔係重點　宣萱見到佢開心晒

藝人宣萱向來熱愛動物，佢唔止為動物權益發聲，仲不時身體力行參與慈善活動為小動物籌款，認真有愛心。近日佢去到外地旅行，估唔到令佢最開心嘅唔係當地嘅美食或者風景，而係酒店入面有狗狗「陪住」！佢喺社交網晒出同呢位新認識嘅「狗朋友」Archie嘅合照，仲留言指狗狗全日企喺接待處迎接客人，大讚Archie夠晒好客。而宣萱見到Archie之後都即刻心情大靚，仲特登留言多謝佢陪自己玩：「Thanks for spending time with me , Archie! 」睇嚟呢隻狗狗冧女都相當有一手！

新一個月, 開始讀d 興趣班 之前已經想整皮革手工& ukulele... 今次終於的起心肝去報名學 學左一堂ukulele, 好似好簡單得四條線... 不過我返到屋企望住份譜都磨左好耐先終於識得彈 好想好想快d學識呀！起碼可以彈到一首陳奕迅嘅歌都已經好滿足 遲d 學識都想彈比小肥芯聽下 琴日下晝又入左屯門探小肥芯, 原來佢上午又去左interview, 半夜兩點幾醒左之後到下晝都仲未瞓過 佢都同佢玩左一陣, 之後媽咪落街買餸, 佢就大喊到媽咪買完餸回來 喊得好慘 然後飲咗支奶就訓左 今日就約左呀樊食lunch, 同佢食生日飯, 間餐廳好靚食物都好靚 之後去咗$12店, 好耐未試過行$12店有咁好收穫 今日雙十一, 兩件或以上就每件$11 Good Good

【On.cc】滲少女味！阿佘同老友輪住慶生

藝人佘詩曼（阿佘）聽日（28號）就係佢43歲生日嘅大日子，向來人緣甚佳嘅佢，已獲唔少朋友同佢慶祝。阿佘甫咗唔少慶生相，仲開心話：「呢個月係我生日月，我接受所有嘅生日晚餐、午餐同蛋糕。」見到阿佘手捧住一個有馬卡龍喺上面嘅粉紅色蛋糕，好開心咁同好友慶祝，散發陣陣嘅少女味！

之後，阿佘再晒出收到好友髮型師Billy Choi、化妝師嘅蛋糕，仲大晒合照，其中一張相，阿佘又拎住另一個靚靚蛋糕，展露佢招牌甜美笑容！網友都話未到正日都已經食咗幾個蛋糕，搞笑話睇嚟佢今個月有排食，不過大家都話見到佢嘅幸福樣，都覺得好開心！

#佘诗曼#