གནས་སྐབས་ཀྱི་བདེ་སྐྱིད།
ལྷ་ཡུལ་གྱི་སྤྱིར་བཏང་གི་སྤྲོ་སྣང་ཡང་གནས་སྐབས་ཙམ་རེད།
ག་ལེར་འཇོག་ཤེས་དགོས་།ཁྱོད་ལ་མི་གཏོགས་པའི་དལ་གྱིས་བཞག
རྒྱུ་མཚན་ནི་འདི་ལྟར་ནི་ཆེས་བཟང་བའི་འབྲས་བུ་ཡག་ཤོས།
བརྗེད་མི་རུང་།ཐོག་མའི་བསམ་འདུན་དུས་ནམ་ཡིན་ཡང་བརྗེད་མི་རུང་།
སེམས་ཀྱི་ཁས་ལེན་སོང་།
མིག་གིས་མཐོང་བཞིན་དུ་སེམས་ལ་བཞག་ན་འགྲིག་གི
You are still in my heart❤️ QRNM
ལྷ་ཡུལ་གྱི་སྤྱིར་བཏང་གི་སྤྲོ་སྣང་ཡང་གནས་སྐབས་ཙམ་རེད།
ག་ལེར་འཇོག་ཤེས་དགོས་།ཁྱོད་ལ་མི་གཏོགས་པའི་དལ་གྱིས་བཞག
རྒྱུ་མཚན་ནི་འདི་ལྟར་ནི་ཆེས་བཟང་བའི་འབྲས་བུ་ཡག་ཤོས།
བརྗེད་མི་རུང་།ཐོག་མའི་བསམ་འདུན་དུས་ནམ་ཡིན་ཡང་བརྗེད་མི་རུང་།
སེམས་ཀྱི་ཁས་ལེན་སོང་།
མིག་གིས་མཐོང་བཞིན་དུ་སེམས་ལ་བཞག་ན་འགྲིག་གི
You are still in my heart❤️ QRNM
༄༅། །མཉམ་མེད་པོ་ཏོ་བ་དང་དགེ་བཤེས་ཁ་རག་པ་རྣམ་གཉིས་ཀྱི་ཞལ་བརྡ།
སྔ་མོ་ཞིག་ལ་བོད་དུ་གྲོགས་པོ་གཉིས་ཡོད་པ་ལ། གཅིག་གི་མཚན་ལ་པོ་ཏོ་བ་ཞེས་ཞུ་ཞིང་། གཅིག་གི་མཚན་ལ་ཁ་རག་པ་ཞེས་ཞུ། གཉིས་པོ་དགུང་ལོ་གཞོན་དུས་ནས་གྲོགས་པོ་ཡིན་ཀྱང་རིམ་པས་ལམ་ཁ་སོ་སོར་གྱེས། འོན་ཀྱང་ལས་དབང་ཞིག་གིས་ས་ཆ་གཅིག་ལ་བཞུགས། པོ་ཏོ་བ་ནི་མཁས་པ་ཆེན་པོར་གྱུར་པས་ལུང་པའི་འདབ་ཏུ་དགོན་པ་བཏབ་ནས་གྲྭ་པ་སྟོང་ཕྲག་ཙམ་ལ་ཆོས་འཆད་ཅིང་བཞུགས། ཁ་རག་པ་ནི་སྒོམ་ཆེན་དུ་གྱུར་ཏེ་ལུང་པའི་ཕུ་དེར་གཅིག་པུར་སྒོམ་སྒྲུབ་མཛད་ཀྱིན་བཞུགས།
ཁ་རག་པས་བླ་མ་རེ་ཟུང་ལས་བསྟེན་མྱོང་མེད་ཅིང་། ཐོས་བསམ་ཡང་ཡུན་རིང་མཛད་མྱོང་མེད་པར་ཐད་ཀར་སྒོམ་སྒྲུབ་ལ་ཞུགས་པ་དེས་པོ་ཏོ་བས་ངའི་གྲོགས་པོ་དེས་ཐོས་པ་ཅུང་ཟད་མ་བྱས་པར་སྒོམ་བྱས་པ་འདི་ཡག་པོ་རང་བྱུང་མ་སོང་། དེ་ལས་ཀྱང་ང་ལ་ཆོས་ཤིག་ཉན་ནས་ད་གཟོད་སྒོམ་དུ་ཕྱིན་ན་ཕན་ཐོགས་ཆེ་། གཞན་དུ་ན་སྒོམ་ནོར་ཉེན་ཡང་ཆེ་སྙམ་ནས་ཐུགས་ཁྲལ་ལངས་ཤིང་། སྐབས་རེ་སློབ་མ་རྣམས་ལ་ཆོས་གསུང་སྐབས་ཀྱང་ཟུར་ཟའི་ཚུལ་དུ། ཁྱོད་ཚོས་ཤེས་སམ། ལུང་པ་ཡ་གི་ཕུ་ན་སྒོམ་ཆེན་ལྐུགས་པ་ཞིག་ཡོད་ཅེས་ཡང་ཡང་གསུངས།
ཉིན་ཞིག་ཆོས་ཀྱི་མཛད་སྒོ་ཞིག་ལ་ལོ་མང་མཇལ་འཕྲད་མ་བྱུང་བའི་གྲོགས་པོ་གཉིས་གློ་བུར་དུ་མཇལ་འཕྲད་བྱུང་བར་པོ་ཏོ་བས་སྨ་ཕབ་ཐབས་སུ་ཁ་རག་པ་ལ། སྒོམ་ཆེན་ལགས། ཁྱེད་ཀྱིས་ལོ་མང་པོའི་རིང་དུ་གཅིག་པུར་སྒོམ་སྒྲུབ་ལ་བཞུགས་ནས་ད་ཆ་ཉམས་རྟོགས་ཚད་མཐོན་པོ་སྐྱེས་ཡོད་ངེས། ཉམས་རྟོགས་ཟབ་མོ་དེ་དག་ང་ལ་ཡང་གསུང་ཙམ་གནང་ན་གང་འདྲ་འདུག་ཅེས་གསུངས་པ་ལ། ཁ་རག་པས་དེའི་ལན་དུ་གུས་པ་དང་བཅས་དགེ་བའི་བཤེས་གཉེན་ལགས། ང་ལ་བསམ་གྱིས་མི་ཁྱབ་པའི་ཉམས་རྟོགས་ཟབ་མོ་དེ་འདྲ་གང་ཡང་མ་སྐྱེས་ཞེས་གསུང།
དེ་ནས་ཁ་རག་པས་མུ་མཐུད་དེ། འོན་ཀྱང་དལ་འབྱོར་རྙེད་པར་དཀའ་བ་དང་འཆི་བ་མི་རྟག་པ་བསྒོམས་པས་ཚེ་འདི་ལ་བློ་ལྡོག་པ་བྱུང་། ལས་འབྲས་ལ་ཡིད་ཆེས་པས་འཇིག་རྟེན་གྱི་ལོངས་སྤྱོད་དང་བདེ་བ་ལ་འདོད་པ་མེད་པར་གྱུར། འཁོར་བ་འདིར་གང་དུ་སྐྱེས་ཀྱང་དོན་དམ་གྱི་བདེ་སྐྱིད་མེད་པར་བསྒོམས་པས་འཁོར་བ་འདིར་ཞེན་པ་གཏིང་ནས་ལོག་པ་བྱུང་། དེ་དང་མཉམ་དུ་བྱམས་སྙིང་རྗེ་བྱང་ཆུབ་གསུམ་གཙོ་བོར་བསྒོམས་པས་རང་ཉིད་གཅིག་པུའི་དོན་དུ་གནས་སྐབས་ཀྱི་བདེ་བ་དང་ཕུག་གི་ཐར་པ་འདོད་པའི་བསམ་བློ་དེ་མེད་པར་གྱུར། དེ་ནས་ཆོས་ཐམས་ཅད་རང་བཞིན་མེད་པ་དང་སྐྱེ་བ་མེད་པར་བསྒོམས་པས་གཟུང་འཛིན་གྱི་བློ་ལྡོག་དགོས་པ་ཞིག་གོ་ལགས་ཞེས་གསུངས།
དེ་གསན་རྗེས་པོ་ཏོ་བ་ངོ་མཚར་ཏེ། སངས་རྒྱས་ཀྱིས་གསུངས་པའི་མདོ་རྒྱུད་ཐམས་ཅད་ཀྱི་སྙིང་པོ་བསྡུས་ན་ཡང་ཚིག་འདི་དག་གི་ནང་དུ་འདུ་ཞིང་། ངས་མི་ཚེ་ཧྲིལ་པོར་འདི་རང་བཤད། ཁོང་གལ་སྲིད་ང་ཡི་སར་ཆོས་ཉན་དུ་ཕེབས་ན་ཡང་ང་ལ་འདི་ལས་ལྷག་པ་ཞིག་བཤད་རྒྱུ་མེད། འོན་ཀྱང་ངས་ད་ལྟའི་བར་ཁོང་ལ་མ་དད་པ་དང་མ་གུས་པའི་ལྟ་བ་ཤུགས་ཆེན་པོ་བཟུང་ཞིང་། ལྐོག་ནས་སློབ་མ་རྣམས་ཀྱི་མདུན་དུ་ཟུར་ཟ་ཡང་མང་དུ་ཞུས་པ་ནི་ཅི་འདྲའི་མ་རུང་བ་ཞིག་རེད་ཨང་དགོངས་ནས་དེ་མ་ཐག་དེའི་སྐོར་སྦས་གསང་མེད་པར་ཁ་རག་པ་ལ་གསུངས་ནས་འགྱོད་པ་དྲག་པོས་བཟོད་གསོལ་ཞུས་པ་ལ་ཁ་རག་པས་ཀྱང་དང་ལེན་གནང་། དེ་ནས་པོ་ཏོ་བས་ཁྱེད་ཀྱི་གདམས་ངག་ཟབ་མོ་ཡི་གེའི་ནང་དུ་བྲིས་པ་ཞིག་ཡོད་ན་ང་ལ་གནང་རོགས་ཞུས་པར་ཁ་རག་པས་འོ་ན་ང་སྡོད་སར་འགྲོ་གསུངས།
དེ་ནས་གྲོགས་པོ་གཉིས་ལྷན་དུ་བཀའ་མོལ་གནང་བཞིན་ཁ་རག་པ་བཞུགས་པའི་སར་ཕེབས་པ་ལ། ཁ་རག་པའི་བཞུགས་སའི་ཉེ་སྐོར་དུ་མི་འགྲོ་སྡོད་བྱ་མྱོང་ཡོད་པའི་རྗེས་ཤུལ་གཏན་ནས་མེད་པ་དེས་པོ་ཏོ་བ་འཇིགས་སྣང་ལྟ་བུའི་ཚོར་བ་བརྗོད་མི་ཤེས་པ་ཞིག་སྐྱེས་ཤིང་། ནང་དུ་ཕེབས་པ་ན་སྒྲུབ་ཁང་གི་ཕྱོགས་བཞིར་ཁ་རག་པས་ཐོ་བཞི་བཙུགས་ཤིང་། ཐོ་རེ་རེའི་ཐོག་ཏུ་གདམས་ངག་ཚིགས་སུ་བཅད་པ་རེ་བྲིས་གནང་ཡོད་པ་ཁ་རག་པས་པོ་ཏོ་བར་བསྟན་པས་པོ་ཏོ་བ་ཐུགས་རབ་ཏུ་འཕྲོགས། དེ་ནས་སྒྲུབ་ཁང་གི་ནང་དུ་བྱོན་པ་ལ་རི་དྭགས་ཕོ་མོ་དང་བུ་མང་པོ་ཞིག་ཡོད་པ་ལ་དེ་དག་གིས་ཁ་རག་པ་མཐོང་བ་ན་མཐའ་ནས་སྐོར་ཞིང་ལྕེ་ཡིས་ལྡག་པར་བྱེད་པ་དང་། པོ་ཏོ་བ་མཐོང་བ་ན་ཞེད་སྣང་གིས་བྲོས་པར་བྱེད། དེ་ལ་པོ་ཏོ་བས་དེ་འདྲ་གང་ཡིན་ནམ་དྲིས་པར་ཁ་རག་པས་ངས་སྐྱེ་བ་ལྔ་བརྒྱའི་རིང་དུ་ཤ་ཟ་མ་མྱོང་བས་རེད་ཅེས་གསུངས། པོ་ཏོ་བས་བྱམས་སྙིང་རྗེ་དེ་ཚོ་ངས་ཀྱང་གཞན་ལ་བཤད་པ་ཡིན་ལ་རང་གིས་ཀྱང་སྒོམ་ཁུལ་བྱས་པ་ཡིན་ཏེ། ཡིན་ན་ཡང་། ཞེས་ཞལ་ངོ་སྐྱེངས་བཞིན་དུ་ལྷག
དེ་ནས་ཁ་རག་པས་པོ་ཏོ་བ་ལ་ཨང་ཡིག་བདུན་ཅུ་མ་ཟེར་བ་སོགས་སྔར་མ་གྲགས་པའི་གདམས་ངག་འགའ་ཞིག་གནང་བ་ལ་པོ་ཏོ་བ་ཐུགས་རབ་ཏུ་དགྱེས་ཤིང་མི་ཕྱེད་པའི་དད་པ་བརྟན་པོ་འཁྲུངས། ད་ནས་བཟུང་སྔར་གྱི་གྲོགས་པོ་འདི་ཉིད་རང་གི་བླ་མ་ཡིན་པའི་འདུ་ཤེས་ལས་མ་གུས་པའི་བསམ་བློ་དང་གཏམ་ཅུང་ཟད་ཙམ་ཡང་མི་བྱེད་སྙམ་པའི་དམ་བཅའ་སྙིང་ནས་གནང་སྟེ་རང་གནས་སུ་ལོག དུས་རྒྱུན་དུ་ཁ་རག་པས་དཀའ་ཐུབ་ཁོ་ན་ལ་བཞུགས་པ་ལས་ཟས་ཀྱང་དེ་ཙམ་མི་བཞེས་པ་ལ་ཉིན་དེར་དེ་རིང་ང་ཡི་སྡོད་གནས་ལ་དགེ་བའི་བཤེས་གཉེན་པོ་ཏོ་བ་སྐུ་དངོས་སུ་ཕེབས་པས་ངས་ཀྱང་སྟོན་མོ་ཞིག་བྱེད་པ་ཡིན་གསུངས་ནས་རྩམ་པ་པར་གང་ཞིག་དང་། ཤིང་གི་ལོ་མ་ཁ་ཤས་ཤིག་བཞེས།
ཕྱི་ཉིན་ནས་པོ་ཏོ་བས་ཆོས་གསུང་སྐབས་ནམ་རྒྱུན་དང་མི་འདྲ་བར་ཐུགས་དགྱེས་བཞིན་དུ་སློབ་མ་རྣམས་ལ། ཁྱོད་ཚོས་ཤེས་སམ། ང་ཚོའི་ལུང་པ་ཕུ་ཡ་གི་ན་བཞུགས་ཡོད་པའི་སྒོམ་ཆེན་དེ་ནི་སྒོམ་ཆེན་བཟང་ཤོས་ཤིག་རེད། ངས་བཤད་པའི་ཆོས་འདི་དག་ནི་ཁ་ནས་བཤད་པ་ཙམ་རེད། དེ་རེ་རེ་བཞིན་དུ་རྒྱུད་ལ་ཉམས་སུ་ལེན་མཁན་ནི་ཁོང་རེད་ཅེས་བསྔགས་བརྗོད་ཁོ་ན་མཛད་ཀྱིན་བཞུགས་པར་གྲགས། ཕྱིས་སུ་ཁ་རག་པ་ནི་དེབ་ཐེར་སྔོན་པོ་ལས་གངས་ཅན་གྱི་ལྗོངས་འདི་ན་རྣ་བའི་རྒྱན་གཉིས་ཡོད་པ་ལས་གཅིག་ནི་ཁ་རག་པ་དང་གཅིག་ནི་མི་ལ་རས་པའོ་ཞེས་གསུངས་པའི་རྩོད་མེད་ཀྱི་སྒོམ་ཆེན་དེ་ཉིད་ཡིན་པ་དང་། པོ་ཏོ་བ་ནི་བཀའ་གདམས་ཀྱི་བསྟན་པའི་ཆུ་མགོ་གཅིག་ཏུ་གྱུར་པས་ཞིབ་ཕྲ་སྨོས་ཅི་ལ་དགོས།
རྣམ་ཐར་འདི་ཉིད་མུས་ཆེན་སངས་རྒྱས་རྒྱལ་མཚན་དགུང་ལོ་དོན་གསུམ་དུ་ཕེབས་སྐབས་བོད་ཀྱི་མཚན་ཉིད་ཀྱི་གྲྭ་ས་གྲགས་ཅན་བདེ་བ་ཅན་དུ་གསུང་པའི་སྐབས་སུ། སྐབས་དེར་དགུང་ལོ་བཅོ་བརྒྱད་ལ་ཕེབས་པའི་ས་སྐྱའི་མཁས་པ་ཆེན་པོ་འཇམ་མགོན་ཨ་མྱེས་ཞབས་ཀྱང་དེར་ཆོས་གྲལ་དུ་བཞུགས་ཡོད་པ་ལ་ཕྱིས་སུ་ཨ་མེས་ཞབས་ཀྱིས་ཟིན་བྲིས་བཀོད་གནང་བ་ལ་དེ་རིང་གུས་ལེགས་མཐོང་གིས་མཇལ་བ་ན་སེམས་འགུལ་ཟབ་མོ་ཞིག་ཐེབས་པའི་རྐྱེན་གྱིས་དོན་ལ་བཟོ་བཅོས་མེད་པར་ཚིག་གི་སྦྱོར་བ་དེང་རབས་དང་བསྟུན་ཅིང་གསོན་ཉམས་ཅུང་ཟད་འདོན་ཁུལ་གྱིས་འབྲི་གུང་སྲོང་བཙན་དཔེ་མཛོད་ཁང་དུ་སྦྱར་བའོ། །
སྔ་མོ་ཞིག་ལ་བོད་དུ་གྲོགས་པོ་གཉིས་ཡོད་པ་ལ། གཅིག་གི་མཚན་ལ་པོ་ཏོ་བ་ཞེས་ཞུ་ཞིང་། གཅིག་གི་མཚན་ལ་ཁ་རག་པ་ཞེས་ཞུ། གཉིས་པོ་དགུང་ལོ་གཞོན་དུས་ནས་གྲོགས་པོ་ཡིན་ཀྱང་རིམ་པས་ལམ་ཁ་སོ་སོར་གྱེས། འོན་ཀྱང་ལས་དབང་ཞིག་གིས་ས་ཆ་གཅིག་ལ་བཞུགས། པོ་ཏོ་བ་ནི་མཁས་པ་ཆེན་པོར་གྱུར་པས་ལུང་པའི་འདབ་ཏུ་དགོན་པ་བཏབ་ནས་གྲྭ་པ་སྟོང་ཕྲག་ཙམ་ལ་ཆོས་འཆད་ཅིང་བཞུགས། ཁ་རག་པ་ནི་སྒོམ་ཆེན་དུ་གྱུར་ཏེ་ལུང་པའི་ཕུ་དེར་གཅིག་པུར་སྒོམ་སྒྲུབ་མཛད་ཀྱིན་བཞུགས།
ཁ་རག་པས་བླ་མ་རེ་ཟུང་ལས་བསྟེན་མྱོང་མེད་ཅིང་། ཐོས་བསམ་ཡང་ཡུན་རིང་མཛད་མྱོང་མེད་པར་ཐད་ཀར་སྒོམ་སྒྲུབ་ལ་ཞུགས་པ་དེས་པོ་ཏོ་བས་ངའི་གྲོགས་པོ་དེས་ཐོས་པ་ཅུང་ཟད་མ་བྱས་པར་སྒོམ་བྱས་པ་འདི་ཡག་པོ་རང་བྱུང་མ་སོང་། དེ་ལས་ཀྱང་ང་ལ་ཆོས་ཤིག་ཉན་ནས་ད་གཟོད་སྒོམ་དུ་ཕྱིན་ན་ཕན་ཐོགས་ཆེ་། གཞན་དུ་ན་སྒོམ་ནོར་ཉེན་ཡང་ཆེ་སྙམ་ནས་ཐུགས་ཁྲལ་ལངས་ཤིང་། སྐབས་རེ་སློབ་མ་རྣམས་ལ་ཆོས་གསུང་སྐབས་ཀྱང་ཟུར་ཟའི་ཚུལ་དུ། ཁྱོད་ཚོས་ཤེས་སམ། ལུང་པ་ཡ་གི་ཕུ་ན་སྒོམ་ཆེན་ལྐུགས་པ་ཞིག་ཡོད་ཅེས་ཡང་ཡང་གསུངས།
ཉིན་ཞིག་ཆོས་ཀྱི་མཛད་སྒོ་ཞིག་ལ་ལོ་མང་མཇལ་འཕྲད་མ་བྱུང་བའི་གྲོགས་པོ་གཉིས་གློ་བུར་དུ་མཇལ་འཕྲད་བྱུང་བར་པོ་ཏོ་བས་སྨ་ཕབ་ཐབས་སུ་ཁ་རག་པ་ལ། སྒོམ་ཆེན་ལགས། ཁྱེད་ཀྱིས་ལོ་མང་པོའི་རིང་དུ་གཅིག་པུར་སྒོམ་སྒྲུབ་ལ་བཞུགས་ནས་ད་ཆ་ཉམས་རྟོགས་ཚད་མཐོན་པོ་སྐྱེས་ཡོད་ངེས། ཉམས་རྟོགས་ཟབ་མོ་དེ་དག་ང་ལ་ཡང་གསུང་ཙམ་གནང་ན་གང་འདྲ་འདུག་ཅེས་གསུངས་པ་ལ། ཁ་རག་པས་དེའི་ལན་དུ་གུས་པ་དང་བཅས་དགེ་བའི་བཤེས་གཉེན་ལགས། ང་ལ་བསམ་གྱིས་མི་ཁྱབ་པའི་ཉམས་རྟོགས་ཟབ་མོ་དེ་འདྲ་གང་ཡང་མ་སྐྱེས་ཞེས་གསུང།
དེ་ནས་ཁ་རག་པས་མུ་མཐུད་དེ། འོན་ཀྱང་དལ་འབྱོར་རྙེད་པར་དཀའ་བ་དང་འཆི་བ་མི་རྟག་པ་བསྒོམས་པས་ཚེ་འདི་ལ་བློ་ལྡོག་པ་བྱུང་། ལས་འབྲས་ལ་ཡིད་ཆེས་པས་འཇིག་རྟེན་གྱི་ལོངས་སྤྱོད་དང་བདེ་བ་ལ་འདོད་པ་མེད་པར་གྱུར། འཁོར་བ་འདིར་གང་དུ་སྐྱེས་ཀྱང་དོན་དམ་གྱི་བདེ་སྐྱིད་མེད་པར་བསྒོམས་པས་འཁོར་བ་འདིར་ཞེན་པ་གཏིང་ནས་ལོག་པ་བྱུང་། དེ་དང་མཉམ་དུ་བྱམས་སྙིང་རྗེ་བྱང་ཆུབ་གསུམ་གཙོ་བོར་བསྒོམས་པས་རང་ཉིད་གཅིག་པུའི་དོན་དུ་གནས་སྐབས་ཀྱི་བདེ་བ་དང་ཕུག་གི་ཐར་པ་འདོད་པའི་བསམ་བློ་དེ་མེད་པར་གྱུར། དེ་ནས་ཆོས་ཐམས་ཅད་རང་བཞིན་མེད་པ་དང་སྐྱེ་བ་མེད་པར་བསྒོམས་པས་གཟུང་འཛིན་གྱི་བློ་ལྡོག་དགོས་པ་ཞིག་གོ་ལགས་ཞེས་གསུངས།
དེ་གསན་རྗེས་པོ་ཏོ་བ་ངོ་མཚར་ཏེ། སངས་རྒྱས་ཀྱིས་གསུངས་པའི་མདོ་རྒྱུད་ཐམས་ཅད་ཀྱི་སྙིང་པོ་བསྡུས་ན་ཡང་ཚིག་འདི་དག་གི་ནང་དུ་འདུ་ཞིང་། ངས་མི་ཚེ་ཧྲིལ་པོར་འདི་རང་བཤད། ཁོང་གལ་སྲིད་ང་ཡི་སར་ཆོས་ཉན་དུ་ཕེབས་ན་ཡང་ང་ལ་འདི་ལས་ལྷག་པ་ཞིག་བཤད་རྒྱུ་མེད། འོན་ཀྱང་ངས་ད་ལྟའི་བར་ཁོང་ལ་མ་དད་པ་དང་མ་གུས་པའི་ལྟ་བ་ཤུགས་ཆེན་པོ་བཟུང་ཞིང་། ལྐོག་ནས་སློབ་མ་རྣམས་ཀྱི་མདུན་དུ་ཟུར་ཟ་ཡང་མང་དུ་ཞུས་པ་ནི་ཅི་འདྲའི་མ་རུང་བ་ཞིག་རེད་ཨང་དགོངས་ནས་དེ་མ་ཐག་དེའི་སྐོར་སྦས་གསང་མེད་པར་ཁ་རག་པ་ལ་གསུངས་ནས་འགྱོད་པ་དྲག་པོས་བཟོད་གསོལ་ཞུས་པ་ལ་ཁ་རག་པས་ཀྱང་དང་ལེན་གནང་། དེ་ནས་པོ་ཏོ་བས་ཁྱེད་ཀྱི་གདམས་ངག་ཟབ་མོ་ཡི་གེའི་ནང་དུ་བྲིས་པ་ཞིག་ཡོད་ན་ང་ལ་གནང་རོགས་ཞུས་པར་ཁ་རག་པས་འོ་ན་ང་སྡོད་སར་འགྲོ་གསུངས།
དེ་ནས་གྲོགས་པོ་གཉིས་ལྷན་དུ་བཀའ་མོལ་གནང་བཞིན་ཁ་རག་པ་བཞུགས་པའི་སར་ཕེབས་པ་ལ། ཁ་རག་པའི་བཞུགས་སའི་ཉེ་སྐོར་དུ་མི་འགྲོ་སྡོད་བྱ་མྱོང་ཡོད་པའི་རྗེས་ཤུལ་གཏན་ནས་མེད་པ་དེས་པོ་ཏོ་བ་འཇིགས་སྣང་ལྟ་བུའི་ཚོར་བ་བརྗོད་མི་ཤེས་པ་ཞིག་སྐྱེས་ཤིང་། ནང་དུ་ཕེབས་པ་ན་སྒྲུབ་ཁང་གི་ཕྱོགས་བཞིར་ཁ་རག་པས་ཐོ་བཞི་བཙུགས་ཤིང་། ཐོ་རེ་རེའི་ཐོག་ཏུ་གདམས་ངག་ཚིགས་སུ་བཅད་པ་རེ་བྲིས་གནང་ཡོད་པ་ཁ་རག་པས་པོ་ཏོ་བར་བསྟན་པས་པོ་ཏོ་བ་ཐུགས་རབ་ཏུ་འཕྲོགས། དེ་ནས་སྒྲུབ་ཁང་གི་ནང་དུ་བྱོན་པ་ལ་རི་དྭགས་ཕོ་མོ་དང་བུ་མང་པོ་ཞིག་ཡོད་པ་ལ་དེ་དག་གིས་ཁ་རག་པ་མཐོང་བ་ན་མཐའ་ནས་སྐོར་ཞིང་ལྕེ་ཡིས་ལྡག་པར་བྱེད་པ་དང་། པོ་ཏོ་བ་མཐོང་བ་ན་ཞེད་སྣང་གིས་བྲོས་པར་བྱེད། དེ་ལ་པོ་ཏོ་བས་དེ་འདྲ་གང་ཡིན་ནམ་དྲིས་པར་ཁ་རག་པས་ངས་སྐྱེ་བ་ལྔ་བརྒྱའི་རིང་དུ་ཤ་ཟ་མ་མྱོང་བས་རེད་ཅེས་གསུངས། པོ་ཏོ་བས་བྱམས་སྙིང་རྗེ་དེ་ཚོ་ངས་ཀྱང་གཞན་ལ་བཤད་པ་ཡིན་ལ་རང་གིས་ཀྱང་སྒོམ་ཁུལ་བྱས་པ་ཡིན་ཏེ། ཡིན་ན་ཡང་། ཞེས་ཞལ་ངོ་སྐྱེངས་བཞིན་དུ་ལྷག
དེ་ནས་ཁ་རག་པས་པོ་ཏོ་བ་ལ་ཨང་ཡིག་བདུན་ཅུ་མ་ཟེར་བ་སོགས་སྔར་མ་གྲགས་པའི་གདམས་ངག་འགའ་ཞིག་གནང་བ་ལ་པོ་ཏོ་བ་ཐུགས་རབ་ཏུ་དགྱེས་ཤིང་མི་ཕྱེད་པའི་དད་པ་བརྟན་པོ་འཁྲུངས། ད་ནས་བཟུང་སྔར་གྱི་གྲོགས་པོ་འདི་ཉིད་རང་གི་བླ་མ་ཡིན་པའི་འདུ་ཤེས་ལས་མ་གུས་པའི་བསམ་བློ་དང་གཏམ་ཅུང་ཟད་ཙམ་ཡང་མི་བྱེད་སྙམ་པའི་དམ་བཅའ་སྙིང་ནས་གནང་སྟེ་རང་གནས་སུ་ལོག དུས་རྒྱུན་དུ་ཁ་རག་པས་དཀའ་ཐུབ་ཁོ་ན་ལ་བཞུགས་པ་ལས་ཟས་ཀྱང་དེ་ཙམ་མི་བཞེས་པ་ལ་ཉིན་དེར་དེ་རིང་ང་ཡི་སྡོད་གནས་ལ་དགེ་བའི་བཤེས་གཉེན་པོ་ཏོ་བ་སྐུ་དངོས་སུ་ཕེབས་པས་ངས་ཀྱང་སྟོན་མོ་ཞིག་བྱེད་པ་ཡིན་གསུངས་ནས་རྩམ་པ་པར་གང་ཞིག་དང་། ཤིང་གི་ལོ་མ་ཁ་ཤས་ཤིག་བཞེས།
ཕྱི་ཉིན་ནས་པོ་ཏོ་བས་ཆོས་གསུང་སྐབས་ནམ་རྒྱུན་དང་མི་འདྲ་བར་ཐུགས་དགྱེས་བཞིན་དུ་སློབ་མ་རྣམས་ལ། ཁྱོད་ཚོས་ཤེས་སམ། ང་ཚོའི་ལུང་པ་ཕུ་ཡ་གི་ན་བཞུགས་ཡོད་པའི་སྒོམ་ཆེན་དེ་ནི་སྒོམ་ཆེན་བཟང་ཤོས་ཤིག་རེད། ངས་བཤད་པའི་ཆོས་འདི་དག་ནི་ཁ་ནས་བཤད་པ་ཙམ་རེད། དེ་རེ་རེ་བཞིན་དུ་རྒྱུད་ལ་ཉམས་སུ་ལེན་མཁན་ནི་ཁོང་རེད་ཅེས་བསྔགས་བརྗོད་ཁོ་ན་མཛད་ཀྱིན་བཞུགས་པར་གྲགས། ཕྱིས་སུ་ཁ་རག་པ་ནི་དེབ་ཐེར་སྔོན་པོ་ལས་གངས་ཅན་གྱི་ལྗོངས་འདི་ན་རྣ་བའི་རྒྱན་གཉིས་ཡོད་པ་ལས་གཅིག་ནི་ཁ་རག་པ་དང་གཅིག་ནི་མི་ལ་རས་པའོ་ཞེས་གསུངས་པའི་རྩོད་མེད་ཀྱི་སྒོམ་ཆེན་དེ་ཉིད་ཡིན་པ་དང་། པོ་ཏོ་བ་ནི་བཀའ་གདམས་ཀྱི་བསྟན་པའི་ཆུ་མགོ་གཅིག་ཏུ་གྱུར་པས་ཞིབ་ཕྲ་སྨོས་ཅི་ལ་དགོས།
རྣམ་ཐར་འདི་ཉིད་མུས་ཆེན་སངས་རྒྱས་རྒྱལ་མཚན་དགུང་ལོ་དོན་གསུམ་དུ་ཕེབས་སྐབས་བོད་ཀྱི་མཚན་ཉིད་ཀྱི་གྲྭ་ས་གྲགས་ཅན་བདེ་བ་ཅན་དུ་གསུང་པའི་སྐབས་སུ། སྐབས་དེར་དགུང་ལོ་བཅོ་བརྒྱད་ལ་ཕེབས་པའི་ས་སྐྱའི་མཁས་པ་ཆེན་པོ་འཇམ་མགོན་ཨ་མྱེས་ཞབས་ཀྱང་དེར་ཆོས་གྲལ་དུ་བཞུགས་ཡོད་པ་ལ་ཕྱིས་སུ་ཨ་མེས་ཞབས་ཀྱིས་ཟིན་བྲིས་བཀོད་གནང་བ་ལ་དེ་རིང་གུས་ལེགས་མཐོང་གིས་མཇལ་བ་ན་སེམས་འགུལ་ཟབ་མོ་ཞིག་ཐེབས་པའི་རྐྱེན་གྱིས་དོན་ལ་བཟོ་བཅོས་མེད་པར་ཚིག་གི་སྦྱོར་བ་དེང་རབས་དང་བསྟུན་ཅིང་གསོན་ཉམས་ཅུང་ཟད་འདོན་ཁུལ་གྱིས་འབྲི་གུང་སྲོང་བཙན་དཔེ་མཛོད་ཁང་དུ་སྦྱར་བའོ། །
#旅行故事# 浊时的时候,追随莲花生大师的修行人依然渴望着解脱。
卡贡圣地朝拜时,有一位禅定的闭关者,我们安住了一会儿后起身离开时,他依然面朝山谷安住着。
特别感动的一幕。
发自内心地随喜了他的修行。
སྙིགས་མའི་དུས་འདིར་གུ་རུའི་རྗེས་སུ་འཇུག་པ་དག་གིས་སྔར་བཞིན་ད་དུང་དབེན་རི་ན་འགྱུར་མེད་ཀྱི་བཙན་ས་འཛིན་གྱིན་འདུགམཁར་གོང་གྲུབ་གནས་སུ་མཇལ་སྐབས་ཐུན་ལ་ཅུང་ཟད་བསྡད་ནས་འགྲོ་སྐབས་དབེན་པར་སྒོམ་ལ་བཞུགས་མཁན་གྱི་རྣལ་འབྱོར་དེ་ཁུ་སིམ་མེར་ལྷིང་འཇགས་ངང་། གདོང་ཕར་ཀའི་རི་བོ་ལ་ཕྱོགས་བཞིན་བཞུགས་པ་མཐོང་རྗེས་ཡིད་འགུལ་ཐེབས་སྟེ་ཁོང་ལ་རྗེས་སུ་ཡི་རངས་སྐྱེས།
卡贡圣地朝拜时,有一位禅定的闭关者,我们安住了一会儿后起身离开时,他依然面朝山谷安住着。
特别感动的一幕。
发自内心地随喜了他的修行。
སྙིགས་མའི་དུས་འདིར་གུ་རུའི་རྗེས་སུ་འཇུག་པ་དག་གིས་སྔར་བཞིན་ད་དུང་དབེན་རི་ན་འགྱུར་མེད་ཀྱི་བཙན་ས་འཛིན་གྱིན་འདུགམཁར་གོང་གྲུབ་གནས་སུ་མཇལ་སྐབས་ཐུན་ལ་ཅུང་ཟད་བསྡད་ནས་འགྲོ་སྐབས་དབེན་པར་སྒོམ་ལ་བཞུགས་མཁན་གྱི་རྣལ་འབྱོར་དེ་ཁུ་སིམ་མེར་ལྷིང་འཇགས་ངང་། གདོང་ཕར་ཀའི་རི་བོ་ལ་ཕྱོགས་བཞིན་བཞུགས་པ་མཐོང་རྗེས་ཡིད་འགུལ་ཐེབས་སྟེ་ཁོང་ལ་རྗེས་སུ་ཡི་རངས་སྐྱེས།
✋热门推荐