སྨག་གི་འོད་ལས་ཟེགས་པའི
ཁེར་རྐྱང་གི་ཆར་བ
ང་ཡི་མཚན་མོར་ཤག་ཤག་བབས
སྙིང་གཏམ་གྱི་ཆུ་བོ་རབ་ཏུ་བྲུག་པའི
མི་ཡུལ་གྱི་དབྱར་ཁ་དེ
ཁྱོད་ཀྱི་ལག་བརྡ་དང་འགྲོགས་ནས
ག་ལེར་བཞུད་ཀྱང
ངའི་ནང་སེམས་ཀྱི་འཇིག་རྟེན་ལ
བརྩེ་དུང་གི་འདབ་མ་ལྷུག་པོར་གྲོལ་བའི
འབྲས་ལྡན་གྱི་དུས་ཚིགས་ཤིག་སླེབས་ནས་ཡུན་རིང་འགོར

ངོ་མཚར་གྱི་འཕོ་འགྱུར། རླབས་ཆེན་གྱི་མཛད་རྗེས།
ཤར་ནས་ཉི་མ་ཤར་བས། སྨག་རུམ་མུན་པ་སེལ་སོང་།
གུང་ཁྲན་ཏང་གི་དྲིན་གྱིས། མང་ཚོགས་བདེ་ལ་འཁོད་སོང་།

ས་ལ་དྲོད་གཤེར་མེད་ན། རྩ་བ་ཚུགས་ས་མ་རེད།
གུང་ཁྲན་ཏང་དེ་མེད་ན། བདེ་སྐྱིད་ཐོབ་ས་མ་རེད།

གྲོས་མཐུན་དོན་ཚན་བཅུ་བདུན། བོད་ལ་ལག་བསྟར་བྱུང་སོང་།
ཞི་བའི་བཅིངས་འགྲོལ་བཏང་ནས། རང་ཁྱིམ་རང་བདག་བྱུང་སོང་།

བཤུ་གཞོག་རྩ་མེད་བཟོས་ནས། གྲལ་རིམ་གཉའ་གནོན་གཏོར་སོང་།
རང་ལུས་རང་དབང་ཐོབ་པས། མང་ཚོགས་འདྲ་མཉམ་བྱུང་སོང་།

ཨ་ཁུ་བཅིངས་འགྲོལ་དམག་མིས། ཕྱི་ཕྱོགས་བཙན་འཛུལ་དགྲ་ངན།
ཐལ་བའི་རྡུལ་དུ་བརླགས་ནས། མེས་རྒྱལ་མཐའ་མཚམས་སྲུང་ཡོད།

ཁྲིམས་མཐུན་བཅའ་ཁྲིམས་འོག་ལ། མི་བསད་རྟ་འཁྱེར་ཉེས་ཅན།
རྒྱལ་ཁྲིམས་གསེར་གཉས་གནོན་པས། བོད་ལྗོངས་ཞི་བདེར་འཁོད་སོང་།

ཤེས་རིག་ཡོན་ཏན་སྒོ་མོ། གངས་ལྗོངས་ཡུལ་ལ་ཕྱེ་སོང་།
རིག་གནས་མཁས་པའི་འབྱུང་གནས། བྷོ་ཊའི་ཡུལ་ནས་ཐོན་སོང་།

ཚན་རིག་དར་ཁྱབ་ཆེ་བས། ལག་རྩལ་ལྡེ་མིག་གནང་བྱུང་།
མཛོ་གླང་དོར་སྡེབས་ས་རྨོད། འཕྲུལ་ཆས་ཅན་ལ་འགྱུར་སོང་།

སྒྱུར་བཅོས་ཚ་རླབས་དྲག་པོས། ཕྱི་ཕྱོགས་སྒོ་མོ་ཕྱེ་སོང་།
གུ་དོག་མུན་ནག་ཁང་པ། ཐོག་བརྩེགས་ཁང་བཟང་འགྱུར་སོང་།

སྣུམ་བཞུའི་འོད་མདངས་འཚོ་བ། དཀར་གསལ་གློག་ལ་འགྱུར་སོང་།
ཇ་བསྲུབས་མདོང་མོ་ནག་རིལ། གཡག་མགོ་རྟགས་སུ་འགྱུར་སོང་།

ཡངས་པའི་ཞིང་ཐང་གྲུ་བཞི། དུད་ཚང་སྒེར་ལ་དབང་སོང་།
འབྲུ་རིགས་སྣ་ལྔའི་རྩིག་པ། ལྷུན་པོའི་རི་ལ་འགྲན་ནུས།

སྔོན་ཆད་ཁྲལ་འུ་བཤུ་གཞོག བུ་ལོན་གཅིག་འདེད་གཉིས་འདེད།
ད་ཆ་ཁྱིམ་དུད་མང་པོའི། བཅོལ་དངུལ་ཁྲི་ཕྲག་བརྒལ་སོང་།

ཀྱག་ཀྱོག་ཐལ་རྡུལ་ལམ་བུར། ཉིན་ཞག་འགོར་བའི་འགྲུལ་པ།
སྣུམ་ནག་གཞུང་ལམ་ཆེན་མོར། ཆུ་ཚོད་ཙམ་ལ་བསྐྱལ་སོང་།

རྟ་བོང་ཤིང་རྟ་འཁོར་ལོར། བརྟེན་པའི་ཨ་ཁུ་ཞིང་པ།
དཔེ་གསར་ཅན་གྱི་མོ་ཊར། བློ་བདེའི་ངང་ལ་ཕེབས་སོང་།

ཕྱི་ཕྱོགས་སྒོ་མོ་ཕྱེ་ནས། ཕྱི་ཚོང་འབྲེལ་བ་བཙུགས་སོང་།
རྒྱ་བོད་མཛའ་མཐུན་འོག་ལ། ཚོང་རའི་དཔལ་འབྱོར་འཕེལ་སོང་།

ཚན་རིག་གོང་འཕེལ་ལྟ་བས། ལས་རིགས་སློབ་གྲྭ་བཙུགས་སོང་།
གངས་ཅན་ཡིག་རྨོངས་གཞོན་ནུའི། རིག་གཞུང་སྒོ་མོ་ཕྱེ་སོང་།

ལྷུག་གཏོང་སྲིད་ཇུས་འོག་ལ། མང་ཚོགས་འཚོ་བ་སྐྱིད་པ།
ཁྱིམ་གྱི་སྒྲིག་ཆས་ཡག་ལ། ཟས་གོས་སྣ་ཁ་འཛོམས་པ།

མི་རབས་ལྔ་ཡི་གཙོ་འཛིན། ང་ཚོའི་སེམས་ནང་བཅངས་ཡོད།
ཞི་ཅིན་ཕིང་གི་དགོངས་པ། མཛུབ་ཁྲིད་བསམ་བློར་བཟུང་ཡོད།

མའོ་ཀྲུའུ་ཞིའི་འོད་ཟེར། ཞིང་འབྲོག་ཀུན་ལ་འཕྲོས་སོང་།
ཞིང་བྲན་བཅིངས་འགྲོལ་གླུ་དབྱངས། གུང་ཁྲན་ཏང་ལ་ཕུལ་ཡོད།

བློ་མཐུན་ཞི་ཅིན་ཕིང་ནི། གུང་ཁྲན་ཏང་གི་སྲོག་ཤིང་།
དུས་རབས་གསར་པའི་དགོངས་པས། དབུལ་སྒྲོལ་ཕྱུག་འགྱུར་བྱུང་སོང་།

གསུམ་པའི་ཉེར་བརྒྱད་ཉིན་མོ། ང་ཚོའི་སེམས་ནང་བཅངས་ཡོད།
བོད་ལྗོངས་མི་དམངས་ཡོངས་ཀྱིས། སྐྱིད་པའི་གླུ་དབྱངས་ལེན་ཡོད།

དེ་རིང་དྲན་གསོའི་ཉིན་མོར། རྒན་དར་གཞོན་གསུམ་ཚང་མས།
བཀྲ་ཤིས་མཇལ་དར་བསྒྲོན་ནས། སྙན་ཚིག་བསྟོད་གླུ་ཕུལ་ཡོད།

སྐྱེས་མའི་བྱམས་བརྩེའི་པང་དུ། ང་ཚོ་འཚར་ལོངས་བྱུང་སོང་།
སྲིད་ཇུས་བཟང་པོའི་འོག་ལ། དེ་རིང་འཚོ་བ་ཡག་བྱུང་།

མ་བརྗེད་ཏང་གི་བཀའ་དྲིན། ང་ཚོའི་སེམས་ནང་བཅངས་ཡོད།
ཀྲུང་གོའི་ཕུགས་འདུན་ཆེད་དུ། མཉམ་དུ་འབད་བརྩོན་གནང་ཤོག https://t.cn/zR5pUNQ

དགེ་འདུན་ཆོས་འཕེལ་གྱིས།
སྡུག་གྲོགས་ཡིན་ཞེས་རྭ་ཅན་མི་འབྱུང་ཞིང་། །
གཅེས་ཤིང་ཕན་པའི་ཟོལ་གྱིས་འཛུམ་བསྟན་ནས། །
རྩེད་དགོད་གཡེང་བའི་གྲོགས་བྱེད་བག་མེད་ཀྱི། །
ལས་ལ་སྦྱོར་དེ་སྡིག་པའི་གྲོགས་ཡིན་པས། །
འགོ་བའི་ནད་བཞིན་རིང་དུ་སྤོངས་ཤིག་ཨང་། །