本港第5波疫情嚴峻，商台亦先後有多名員工及DJ確診，商台903DJ梁文禮於上月26日開始身體不適感，兩日後變本加厲勁唔舒服且有燒，但用快速測試卻繼續呈陰性。及至3月1日，他到順豐領取已訂的檢測包，途中經過檢測中心，於是付費$240檢測一吓才確診。昨天梁文禮在社交平台上載病容相，寫吓確診經歷。

他表示，今日用快速測試，見到「條線最深色」，但自覺精神較之前好，著大家放心。他說︰「我周圍咁多『確診KOL』當然知道要做咩、食啲咩飲啲咩啦~ 所以放心無大礙，雖然今日條線最深色，但係已經精神好好多，係一個好好俾自己同身體休息嘅機會。」

另外，由於森美身邊有朋友確診，為了家人健康著想，森美近日留在家中開咪做電台節目，並且將自己禁足在「柴房」(書房)過著隔離生活。

繼日前在房內砌模型車打發時間後，森美又貼出一條做運動短片，片中見他滿臉鬚根，穿上貼身運動上衣及短褲，做動作期間不經意凸點及呈現咗「士啤軚」，他寫道：「有人問我每日做咩運動(其實冇人問)，不如同大家分享下 ( 其實分享唔到)，好啦我拍低畀你睇啦(冇咩好睇啦)，就知辛苦啦(30分鐘咋喎)，毅力係成功嘅關鍵(又談唔上)，好去片(快D like 完就算) #柴房健身 #真正健心 #hiit」不少網民都紛紛留言笑指: 「士啤肽（胎）出晒嚟呀大哥」﹑「森美大哥有小肚腩」、「大哥你長咗肉」。

男團MIRROR人氣王姜濤依家要風得風，最近仲有巨星級待遇拍紀錄片，今次終於嚟到第三集最終章，揭示自己自卑嘅過去。向來一出街就會被「私追」嘅佢，今次終於都可以嘗試到冇被騷擾嘅情況下行商場、濕平，又去到大型廣告牌前打卡，全黑造型包到冚現身，仲同埋幾位工作人員齊齊搭港鐵、電車，搞到姜濤都對住鏡頭大嗌開心：「行商場喎，幾咁奢侈嘅事呀！」

之後佢亦重返母校探老師，除咗同校內師生合照，佢又去到第一次表演嘅學校禮堂，重溫姜濤當年表演時嘅青澀舊照，姜濤好感觸咁話：「呢間學校係帶畀我最嚴重自卑嘅地方，我所有嘅自卑所有嘅童年唔自信，都係來自呢間學校……喺呢度愈自卑愈唔懂事，大個先至愈嚟愈變得懂事。」佢又自爆當時太肥，每次上游水堂都唔敢除衫，就算每日跑步，望住其他同學都會覺得好自卑：「可能人哋睇我係好高峯嘅位置，但其實我真係跌得好低，可能你睇嘅嘢真係相反，可能你睇到嗰個人（表面）同嗰個人真心諗嘅嘢係完全相反。所以千祈唔好太容易定義一個人，冇人定義到。」

佢仲提到出新歌《鏡中鏡》係想反擊其他人：「唔好再咁樣睇我，但諗諗吓又覺得冇乜嘢意義，我出完又點呢？」佢就話要搵方法令自己堅強，承認自己內心有唔好嘅聲音：「其實個答案已經知係乜嘢，好似好多道理大家都知，但真正做到個道理要你做嘅事，都要經歷好長嘅時間，起碼我搵到個方向，知道邊條係啱嘅路，拍完呢個紀錄片，出完呢隻歌，都會有唔開心嘅時候，但起碼我知道有個方法。

据香港东网报道：#TVB# 小生#张振朗#为台庆剧《#拳王#》博到尽，花一年丧操出“筋肉人”爆肌Body，成功挨出头，强势进身台庆颁奖礼中嘅“最佳男主角”5强，随时有望首登视帝宝座。难得操出8旧腹肌，当然要影低留念啦，呢日佢就喺社交网大晒黑白爆肌写真，为争视造势！相中见佢胸肌、腹肌旧旧分明，而且手臂至腹部位置都布满青筋，简直系“力的表现”，男人味尽露！佢留言表示：“其实男人好简单，就系想七老八十嘅时候，可以畀到一张相个孙睇，好自豪咁讲你睇吓当年阿爷几fit，我得左啦，仲要唔止一张。”