#微博[超话]# ༄༅། །སང་ཉིན་ནི་བོད་ཀྱི་འཇམ་དབྱངས་རྣམ་གསུམ་གྱི་ཡ་གྱལ་འཇམ་མགོན་བླ་མ་ས་སྐྱ་པཎྜི་ཏ་ཆེན་པོ་ཀུན་དགའ་རྒྱལ་མཚན་དཔལ་བཟང་པོ་མཆོག་དགོངས་པ་ཆོས་དབྱིངས་སུ་འཐིམ་པའི་རྗེས་དྲན་གྱི་དུས་ཁྱད་པར་ཅན་ཞིག་ཡིན།
公元2022年1月16日，藏历11月14日是萨迦班智达·贡嘎坚赞圆寂日，贡嘎坚赞尊者是藏传佛教历史上第一位被誉为班智达者。由于智慧无比，开创了十明学科，造福雪域，为后世留下了无量的精神遗产，被公认为雪域三大文殊化身之一。

༄༅།།དབུ་མ་ཐལ་འགྱུར་བའི་ལུགས་ཀྱི་ལྟ་བ་སྒོམ་ཚུལ་

མདོར་བསྡུས་བཞུགས་སོ།།
______________________________________

༈ བླ་མ་དང་འཇམ་དཔལ་དབྱངས་ལ་ཕྱག་འཚལ་ལོ།།
གང་གི་རྟེན་ཅིང་འབྲེལ་འབྱུང་བས། །རང་བཞིན་གྱིས་ནི་སྟོང་པ་དང་། །
གཞི་དང་ལམ་དང་འབྲས་བུའི་ཚུལ། །ལེཌ་འདོམས་ཐུབ་པའི་དབང་པོར་འདུད།།
ཤེར་ཕྱིན་མདོ་སྡེའི་དངོས་བསྟན་དོན། །སྦས་དོན་ལམ་གྱི་རིམ་པ་རྣམས། །
ཇི་བཞིན་འགྲེལ་པར་ལུང་བསྟན་པའི། །ཤིང་རྟ་ཆེན་པོ་རྣམ་གཉིས་རྒྱལ། །
འཇམ་དབྱངས་མི་ཡི་གཟུཌ་སུ་ཤར། །ཡོད་མིན་མེད་མིན་ལ་སོགས་པའི། །
ལྟ་ངན་མཐའ་དག་འགོག་མཛད་པའི། །རྒྱལ་བ་བློ་བཟང་གྲགས་པར་འདུད། །
གྲངས་མེད་མང་པོའི་ཚོཌ་གཉིས་མཐུས། །འགྲོ་བའི་དོན་དུ་སྐུ་གཉིས་མངའ། །
ཐ་མལ་གར་གྱི་རྣམ་རོལ་བའི། །དཔལ་ལྡན་བླ་མ་རྣམས་ཀྱིས་སྐྱོངས། །

འདིར་དབུ་མ་ཐལ་འགྱུར་བའི་ལུགས་ཀྱི་ལྟ་ཁྲིད་སྒོམ་པའི་ཚུལ་ལ་གསུམ། སྔོན་འགྲོ་དང་། དངོས་གཞི། འཇུག་བསྡུ་བའོ། དང་པོ་ལ་གསུམ། ངེས་འབྱུང་ལ་སྒོམ་པ་བྱེད་ཚུལ་། བྱང་ཆུབ་ཀྱི་སེམས་ལ་སྒོམས་པ་བྱེད་ཚུལ། མཁས་པ་ལ་བརྟེན་ནས་དྲི་མ་མེད་པའི་གཞུང་མཉན་ཏེ་ཐོས་བསམ་གྱིས་སྟོང་ཉིད་གཏན་ལ་ཕབ་སྟེ་ཕན་ཡོན་དྲན་པའོ། ①ངེས་འབྱུང་ནི། ཚེ་འདིར་ཡུན་ཐུང་ཞིང་གནོག་ཆུང་ལ། བདེ་བ་ཇི་ཙམ་སྤྱད་ཀྱང་ངོམས་པ་མེད་ཅིང་། མཐར་སྡུག་བསྔལ་གྱིས་སྡུད་པ་དང་། ཕུན་ཚོགས་ཐམས་ཅད་ཀྱིས་བསླུ་བ་ཡང་ཡང་བསམ་སྟེ་ཚེ་འདིའི་སྣང་ཤས་ཟློག་པ་དང་། ཕྱི་མར་ཡང་སྲིད་པའི་བདེ་འབྱོར་ལ་མེ་མུར་གྱི་འོབས་ལྟར་སྒོམ་སྟེ་འཁོར་བ་ལ་ཞེན་ལོག་ཡིད་འགྱུར་གྱི་མྱོང་བ་ཐོན་གྱི་བར་ལ་འབད་དགོས། ②དེ་ནས་བྱང་ཆུབ་སེམས་ལ་བློ་སྦྱོང་སྟེ། བདག་པས་གཞན་གཅེས་ཀྱི་བསམ་པས་དྲངས་པའི་སེམས་ཅན་ཡིད་ལ་དྲན་པ་ཙམ་གྱིས་བྱང་ཆུབ་དོན་གཉེར་གྱི་བློ་ངང་གིས་འབྱུང་གི་བར་དུ་སྦྱངས། དེ་ལྟར་ངེས་འབྱུང་དང་བྱང་ཆུབ་ཀྱི་སེམས་ལ་སྔོན་དུ་སྦྱངས་ནས། ཡང་དག་པའི་ལྟ་བ་འཚོལ་བ་ན་བསོད་ནམས་ཀྱི་སྟོབས་ཀྱིས་གོ་བ་གནད་དུ་འགྲོ་བ་ཡིན་གྱི། བྱང་ཆུབ་ཀྱི་སེམས་མ་སྦྱངས་པར་སསཏིང་ཉིད་མ་རྟོགས་པ་མ་ཡིན། ③ལྟ་བའི་ཕན་ཡོན་དྲན་པ་ནི། བཞི་བརྒྱ་པ་ལས། བསོད་ནམས་ཆུང་ངུས་ཆོས་འདི་ལ། ། ཐེ་ཚོམ་ཟ་བ་ཙམ་མི་འབྱུང་། །ཐེ་ཚོམ་ཟ་བ་ཙམ་གྱི་ནི། །སྲིད་པ་ཧྲུལ་པོར་བྱེད་པར་འགྱུར། །ཞེས་དང་། མདོ་དང་རྒྱུད་སྡེ་ཐམས་ཅད་ལས་སྟོང་ཉིད་མ་རྟོགས་པར་ཐར་པ་དང་། ཐམས་ཅད་མཁྱེན་པ་གང་ཡང་མི་འཐོབ་པར་གསུངས་པ་ཡང་ཡང་བསམས་ཏེ་ལྟ་བ་འཚོལ་འདོད་ཤུགས་དྲག་པོ་དགོས། འཚོལ་ཚུལ་ཡང་ཀླུ་སྒྲུབ་ཡབ་སྲས་ཀྱི་རྗེས་སུ་འབྲངས་ཏེ། དབུ་མའི་གཞུང་ལས་བཙལ་དགོས་སོ། ༒གཉིས་པ་དངོས་གཞི་ལ་གསུམ། དགག་བྱའི་བདག་ཏུ་གྲུབ་ཚད་ངོས་བཟུང་བ་དང་། དེ་ཇི་ལྟར་འགོག་པའི་ཚུལ། བཀག་པ་ལ་བྱ་བྱེད་ཀུན་འཐད་ཚུལ་ལོ། ༡ དང་པོ་ནི། སྤྱོད་འཇུག་ལས། བརྟག་པའི་དངོས་ལ་མ་རེག་པར། །དེ་ཡི་དངོས་མེད་འཛིན་མ་ཡིན། །ཞེས་གསུངས་པ་ལྟར་བཏགས་པའི་དངོས་པོ་བདེན་གྲུབ་ངོས་མ་ཟིན་པར་དེའི་དངོས་མེད་བདེན་མེད་རྟོགས་མི་ནུས་ལ། དེ་ངོས་ཟིན་པ་རྟོག་པས་བཏགས་པ་ཙམ་གྱི་འདོག་ཚུལ་ཤེས་དགོས་པས། དེ་ཡང་བཞི་བརྒྱ་པ་ལས། རྟོག་པ་མེད་པར་འདོད་ཆགས་ལ་སོགས་ལ་ཡོད་ཉིད་ཡོད་མིན་ན། ཡང་དག་དོན་དེ་རྟོག་པ་ཞེས། བློ་དང་ལྡན་པ་སུ་ཞིག་འཛིན། ཞེས་དང་། མཉམ་མེད་ཙོང་ཁ་པ་ཆེན་པོས། ལུགས་འདི་ལ་ཆོས་རྣམས་རྟོག་པའི་དབང་གིས་བཞག་པ་ཙམ་གྱི་འཇོག་ཚུལ་ཤེས་ན། དེ་ལྡོག་སྟེ་འཛིན་པའི་བདེན་འཛིན་བདེ་བླག་ཏུ་ཤེས་པར་འགྱུར་བས། ཞེས་གསུངས་པ་ལྟར་ཆོས་རྣམས་རྟོག་པའི་དབང་གིས་འཇོག་ཚུལ་ཤེས་དགོས། དེ་ཡང་རང་འདོགས་བྱེད་ཀྱི་རྟོག་པས་ཕར་བཏགས་ཙམ་མ་གཏོགས། འདི་ལ་འདོགས་སུ་རུང་ལ་འདི་ལ་འདོགས་སུ་མི་རུང་ཟེར་བ་རྡུལ་ཙམ་ཡང་མེད་དེ། རྟོག་པའི་དབང་གིས་བཞག་པ་ཙམ་ཡིན་པའི་ཕྱིར། འོ་ན་རྟོག་པས་གང་བཏགས་ཐམས་ཅད་དོར་བྱར་གྱུར་རོ་སྙམ་ན། དེ་ནི་མ་ཡིན་ཏེ། འཇིག་རྟེན་སྤྱིའི་ཐ་སྙད་ཀྱིས་བཏགས་མ་བཏགས་ཀྱི་དབང་གིས་ཡིན་པའི་ཕྱིར་རོ། མཁས་གྲུབ་རིན་པོ་ཆེའི་ལྟ་ཁྲིད་ལས། ནོག་སོགས་འདུས་པ་མཐོང་བ་ན། བ་ལང་ངོ་སྙམ་པའི་བློ་སྐྱེ་ལ། ཁྱིའི་བློ་མི་སྐྱེ་བ་ནི། གདགས་གཞི་དེ་ལ་དེ་ལྟར་བཏགས་མ་བཏགས་ཀྱི་ཁྱད་པར་ཡིན་པ་དེ་བཞིན་དུ། ཞེས་གསུངས་ཞིང་། མདོ་ལས། མིང་དུ་བཏགས་པ་ནི་བློ་བུར་བའོ། ཞེས་སོགས་མདོ་དང་དགོངས་འགྲེལ་ཚད་ལྡན་གྱི་ལུང་མཐའ་ཡས་པ་དང་། རིགས་པས་ཀྱང་གྲུབ་སྟེ། དཔེར་ན་མི་ཞིག་ལ་དང་པོ་བློན་པོ་ཞེས་བཏགས་ལ། རྗེས་སུ་མིང་བསྒྱུར་ནས་སངས་རྒྱས་ཞེས་བཏགས་ན། དང་པོ་མི་དེ་མཐོང་བའི་ཚེ་བླུན་པོའོ་སྙམ་པའི་བློ་སྐྱེ་ལ། ཕྱེས་སངས་རྒྱས་ཞེས་མིང་བསྒྱུར་ནས་མི་དེ་མཐོང་བའི་ཚེ་སངས་རྒྱས་སོ་སྙམ་པའི་བློ་སྐྱེ་ཞིང་། མི་དེ་ཡང་སངས་རྒྱས་ཡིན་པའི་ཕྱིར་རོ། འོ་ན་མི་དེ་སྒྲིབ་གཉིས་སྤངས་པའི་སངས་རྒྱས་སུ་འགྱུར་སྙམ་ན། མ་ཡིན་ཏེ། སྒྲིབ་གཉིས་སྤངས་པའི་སངས་རྒྱས་ནི་གསུང་རབས་ལ་གྲགས་པ་ཡིན་པས་དེ་ཡིན་ཟེར་བ་མ་ཡིན། འོ་ན་གང་ཡིན་ཟེར་ན། གང་གིས་མི་དེ་ལམ་ལ་འགྲོ་བ་ལ། སངས་རྒྱས་ལམ་ལ་འགྲོ་བ་དང་། དེས་དགེ་བ་སྒྲུབ་པ་ལ་སངས་རྒྱས་ཀྱིས་དགེ་བ་སྒྲུབ་པ་ཡིན་ཞེས་འཇིག་རྟེན་ལ་གྲགས་པ་ལྟར་འཐད་པའི་ཕྱིར། དེ་ལྟར་ཆོས་ཀུན་རྟོག་པས་བཞག་པ་ཙམ་ཡིན་ནོ། རྟོག་པས་བཏགས་པ་ཙམ་མ་ཡིན་པའི་ཡོད་པ་ནི་དགག་བྱའི་ངོ་བོ་ཡིན་ཏེ། བཞི་བརྒྱ་པའི་འགྲེལ་པ་ལས། དེ་ལ་བདག་ཅེས་བྱ་བ་ནི། གང་ཞིག་དངོས་པོ་རྣམས་ཀྱི་གཞན་ལ་རག་མ་ལས་པའི་ངོ་བོ་རང་བཞིན་ཏེ། དེ་མེད་པ་ནི་བདག་མེད་པའོ། ཞེས་དང་། རྗེ་རིན་པོ་ཆེའི་ལེགས་བཤད་སྙིང་པོ་ལས། རག་མ་ལས་ཀྱི་ངོ་བོ་ནི་མིང་དུ་བཏགས་པ་ཙམ་མིན་པར་དོན་གྱི་ངོས་ནས་སྡོད་ལུགས་ཡོད་པ་རང་དབང་བའི་ངོ་བོའོ། ཞེས་གསུངས།

༄། །རྭ་རྒྱའི་བཀའ་འགྱུར་ཁྲོད་དུ་བཞུགས་པའི་དཔའ་བར་འགྲོ་བའི་མདོ།

མདོ་སྡེ་འདི་བཙན་པོའི་རྒྱལ་རབས་སྐབས་བོད་འགྱུར་ཞིག་ཡོད་པ་དེ་གོང་མ་ཆན་ལུང་གིས་དཔའ་བར་འགྲོ་བའི་མདོའི་བསྒྱུར་བྱུང་དུ་གསུངས་མོད། ལོ་ཙཱ་བ་དང་ག་དུས་འགྱུར་བ་བཀོད་མེད། ཁྲི་དར་མའི་སྐབས་སུ་དེ་ཡང་ཁ་འཐོར་ནས་མེད་པར་གྱུར་པར། བུ་སྟོན་གྱིས་གསུང་རབ་འདི་ལོ་ངོ་ལྔ་བརྒྱ་སོང་བའི་རྗེས་སུ་ཡུལ་དབུས་ཉིད་དུ་མངོན་པར་དར་བར་འོང་ཞེས་པའི་ལུང་བསྟན་ཡོད་པ་ལྕང་སྐྱ་ཧུ་ཐོག་ཐོས་བསྟན་བཅོས་ལས་མཐོང་སྟེ་གོང་མ་ཆན་ལུང་ལ་ཞུས། དུས་རབས་བཅོ་བརྒྱད་པའི་དཀྱིལ་དུ་གནམ་སྐྱོང་གོང་མ་ཆན་ལུང་གིས་གོང་མའི་དབུ་བླ་ལྕང་སྐྱ་ཧོ་ཐོག་ཐུ་སོགས་ལ་བཀས་སྐུལ་ཏེ་རྒྱ་ནག་སྐད་ནས་བོད་སྐད་དུ་བསྒྱུར་ཞིང་སྤྱན་འབེབས་ཞུས། གོང་མ་ཆན་ལུང་སྐུ་གཤེགས་ནས་ལོ་བཅོ་ལྔ་བ་སྟེ་སྤྱི་ལོ༡༨༡༤ལོར་ཤིང་བཟའ་པཎྚི་ཏ་བློ་བཟང་རྒྱ་མཚོས（1759-1824）རྭ་རྒྱའི་བཀའ་འགྱུར་པར་བརྐོས་ཀྱི་དབུ་བཙུགས་ནས་དཔའ་བར་འགྲོ་བའི་མདོ་འདི་བོད་ཀྱི་བཀའ་འགྱུར་པར་གཞིའི་ཁྲོད་དུ་ཐོག་མར་བཀོད། https://t.cn/R2WxDVJ