༈ཕྱོགས་དུས་རྒྱལ་བ་ཀུན་གྱི་ཡེ་ཤེས་སྐུ།།
དཔལ་ལྡན་རྫོགས་པའི་སངས་རྒྱས་པདྨ་སྐྱེས།།
འཇམ་དཔལ་ཡིད་བཞིན་ནོར་བུར་གསོལ་བ་འདེབས།།
བཀྲ་ཤིས་དོན་ཀུན་འགྲུབ་པར་བྱིན་གྱིས་རློབས།།[合十][合十][合十]

༈ མཐོ་བོད་བཙན་པོས་མཐུ་སྟོབས་ཀྱིས་རྡོ་རྗེ་གུང་ལ་འཕྱར་དུས་

ཐོན་མི་ཨ་ནུས་རྣམ་དཔྱོད་ཀྱི་སྨྱུག་རྩེ་བོད་ལ་འཁྱུག་དུས་

བྷོ་ཊའི་སྐད་ཡིག་ལགས་

ཁྱེད་ཀྱི་ལྟེ་ཕྲག་གངས་དཀར་པོའི་བཞུར་རྒྱུན་དང་འགྲོགས་ཏེ་

ཁ་བ་རི་བའི་ཟུངས་ཁྲག་དུ་འདྲེས་

དེ་དུས་ཁྱེད་རང་

སོ་ནམ་པ་སྟོང་གི་བླ་སྲོག་འཁྲིལ་བའི་དཔྱིད་དུས་ཀྱི་ལྗང་བུ་བཞིན་

མཐོ་སྒང་གི་ཁྱིམ་གཞི་འདིའི་གསོན་ཤུགས་ཏུ་འགྱུར།

ལོ་ཙྭ་སྟོང་གི་བཅུ་ཕྲག་རིག་གནས་ཀྱི་ཉིང་བཅུད་ལེན་དུས་

མཁས་པ་འབུམ་གྱི་རྣམ་དཔྱོད་ཀྱི་པིར་རྩལ་ཕྱོགས་སུ་ངོམས་དུས་

བྷོ་ཊའི་སྐད་ཡིག་ལགས།

ཁྱེད་ནི་ལུས་སྟོབས་ཡོངས་སུ་རྫོགས་པའི་དཔའ་རྒོད་གཅིག་དང་གཉིས་སུ་མེད་

དེ་དུས་གསར་བུ་སྟོང་གི་མིག་ཀོང་ནང་

ཁྱོད་ལ་རིག་གནས་ཀྱི་རིན་ཐང་ལྡན་ལ་

བཅུ་ཕྲག་གར་ལ་རོལ་བའི་བླ་ཆེན་མི་ཆེན་ཚོའི་གར་སྟེགས་ཐོག་

ཁྱེད་ཀྱི་ལང་ཚོའི་སྟངས་སྟབས་དེ་བས་མཚར་དུ་མངར།

ད་སྐབས་

གོ་ལ་ཧྲིལ་པོར་ཉེར་གཉིས་དུས་རབས་ཀྱི་འཛུམ་ཞལ་ངོམས་དུས་

བྷོ་ཊའི་སྐད་ཡིག་ལགས།

ཁྱེད་ནི་ལོ་ན་བགྲེས་པའི་རྒས་མོ་བཞིན་

བུ་ཚ་བུ་མོ་རྣམས་ཀྱིས་བོར་ཤིང་ཚེ་སྲོག་གྱི་རྒྱུ་བ་ཆད་ལ་ཁད་

ཞེན་ཆགས་ཀྱི་ཕྱི་མིག་གྲྭ་རྐྱང་རེ་དང་སློབ་བུ་རེ་ལ་གཅེར་གྱིན་

སེམས་ནང་ན་ཟུག་གྲངས་མེད་ཡོད་ཀྱང་སྨྲ་མི་ཤེས་པའི་ཟོལ་དུ་ལུས།

སྐད་ཡིག་ལགས་

ཤར་རླུང་ཚུབ་མའི་ཐལ་རྡུལ་ཇི་འདྲའི་ངར་ཤུགས་ཆེ་ནའང་

བར་ཆད་ཀྱི་བུ་ཡུག་ཇི་ལྟར་འཚུབ་ཀྱང་

ཁྱེད་ཀྱི་བླ་སྲོག་རྡོ་རྗེའི་མཆོད་རྟེན་དུ་འགྲུབ་པར་སྨོན།

གལ་ཏེ། བྲང་གཞུང་གི་ཟབ་ས་རུ་འཕར་བའི་བློ་སྙིང་དྲོན་མོ་ཞིག་དགོས་ན་

ཕུང་པོའི་རྩ་ལམ་ན་རྒྱུ་བའི་ཟུངས་ཁྲག་དམར་པོ་ཞིག་དགོས་ན་

ངས་ཀྱང་ ལས་དབང་གི་ཁ་དན་བཅོལ་སའི་ཕ་གཞིས་འདིའི་ཆེད་དུ་

རང་ཉིད་ལ་དབང་བའི་ཚེ་སྲོག་གི་སྡོང་ལོ་འདི་

ཁྱེད་ཀྱི་ཆེད་དུ་རྒྱས་སྲིད་ལ་ཁྱེད་ཀྱི་ཆེད་དུ་འཐོར་ཡང་སྲིད། །

ཁལ་ཁ་བློ་བཟང་རྒྱལ་མཚན་གྱིས་༢༠༢༡ སྤྱི་ཟླ་༡༠པའི་ཚེས་༣༠ཉིན།

༈ ཕྱོགས་དུས་རྒྱལ་བའི་ཡེ་ཤེས་ཐུགས་རྗེའི་ཤུགས།།
时方诸佛智慧大悲力
བདུད་འདུལ་རྟགས་ཀྱི་ཕྱག་རྒྱར་ཡོངས་བཞེངས་པ།།
显为降魔表相大印尊
དྲན་པས་བགེགས་དཔུང་འཇོམས་མཛད་ཁྲོ་བོའི་རྒྱལ།།
念即摧伏魔众饮血王
དཔལ་ལྡན་མི་གཡོ་མགོན་ལ་ཕྱག་འཚལ་ལོ།།
具德不动明王我顶礼
ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊཱཿ
嗡 班匝 赞扎 玛哈若卡纳 吽呸
གྲངས་གསག(尽量念诵)