࿑ ཟུ་ཙེའི་མགུར།

མོན་ཀའི་སྟག་ཆིག་པ། །
སྟག་བཀུམ་ནི་ཟུ་ཙེས་བཀུམ། །
གུང་བཀྲོང་ནི་ཕྱག་ཏུ་ཕུལ། །
སླ་ལྭོ་ནི་ལྷོ་རྔེགས་སྩལད། །
རྩང་བྲང་ནི་ཡ་སྟོད་ཀྱི། །
ཐང་ཕྲོམ་ནི་རྒོད་ལྡིང་བའ། །
རྒོད་བཀུམ་ནི་ཟུ་ཙེས་བཀུམ། །
རྒོད་གཤོག་ནི་ཕྱག་ཏུ་ཕུལ། །
གསབ་གསོབ་ནི་ལྷོ་རྔེགས་སྩལད། །
ན་ནིང་ནི་གྱེ་ནིང་སྔ། །
ཏི་སེ་ནི་གངས་དྲུང་ནས། །
ཤ་དང་ནི་རྒྱང་བྱེར་བའ། །
ཤམ་པོ་ནི་རྩྭ་ལ་བྱེར། །
དེ་རིང་ནི་སང་ལྟ་ན། །
ཤམ་པོའི་ནི་གཉན་གྱི་རྩ། །
ཤ་རྐྱང་ནི་ཚས་མ་ངན། །
ཤ་རྒྱང་ནི་ཚས་ངན་ན། །
ཏི་སེ་ནི་གངས་ཀྱི་དྲན། །
ན་ནིང་ནི་བཞེས་ནིང་སྔོན། །
མ་པང་ནི་མཚོ་འགྲམ་ནི། །
ངང་དང་ནི་ངུར་བྱེར་བ། །
དང་ཀོ་ནི་མཚོ་ལ་བྱེར། །
དེ་རིང་ནི་སང་ལྟ་ན། །
དང་ཀོ་ནི་ལྷའི་མཚོ། །
ངང་ངུར་ནི་ཚས་མ་ངན། །
ངང་ངུར་ནི་ཚས་ངན་ན། །
མ་པང་ནི་མཚོའིས་བྲུན། །
ལྷོ་རྔེགས་ནི་འཕན་གྱི་སྣོན། །
སེ་ཁྱུང་ནི་འཕན་གྱིས་བཏབ། །
སྔ་ན་ནི་འཕན་པ་ལ། །
ད་ཙམ་ནི་སྤྱན་ཡང་ཡས། །
དབུ་པྱིང་ནི་གྲོ་བོ་ལ། །
ཐ་མ་ནི་གཡག་གི་བསྐྲོད། །
ཟུ་ཙེ་ནི་སྩལ་ལགས་གྲང་། །

བཙན་པོའི་མགུར་ལས་ཁོལ་དུ་བྱུང་། https://t.cn/R2Wx1wn

࿑

འཇིག་རྟེན་གྱི་ངོ་བོ་འདི་མཛེས་སྡུག་ཞིག་ལ་ངོས་བཟུང་ན་དེ་ནི་ལྗང་མདོག་གི་དབྱར་ཁ་ཞིག

འཇིག་རྟེན་གྱི་ངོ་བོ་འདི་སྡུག་བསྔལ་ཞིག་ལ་ངོས་བཟུང་ན་དེ་ནི་དགུན་ཁའི་གྲང་ངར་ཆེ་བའི་ཁ་བ་ལས་ཀྱང་འཁྱགས།

࿐ མཚོ
༡༡. ༢ https://t.cn/R2WxDIR

࿑ཇོ་བོ་བཀའ་གདམས་པའི་དགེ་བཤེས་ཚོའི་གདན་ས་སྙན་ཆེ་བ་ཀུན་འཕན་ཡུལ་ལུང་པ་འདིའི་མགོ་མཇུག་ཏུ་ཡོད་པས། སྔ་ཚུད་ནས་གནས་འདིར་ཤིན་ཏུ་འགྲོ་སྙིང་འདོད་པ་ཞིག་ཡོད་པ་ལ། ད་ལན་ཡུལ་གྲོགས་ཤིག་གིས་རླངས་འཁོར་གྱི་མཐུན་རྐྱེན་སྦྱར་བ་དང་། གཟའ་མཇུག་གི་ངལ་གསོའི་སྐབས་དང་བསྟུན་འཕན་ཡུལ་ཕྱོགས་སུ་ལྗོངས་རྒྱུ་རུ་འགྲོ་བའི་གོ་སྐབས་རྙེད། ཉིན་ཅིག་གི་ལྗོངས་རྒྱུ་དེ་ནན་ཏར་སྐྱིད་ལ་སེམས་ཀྱི་རྒྱགས་ཆེ་ཡང་སྙིང་ཚིམས་པ་ཞིག་བྱུང་། འོ་ན་ལུང་པ་འདིར་ཕྱིན་ཙ་ན། ཅི་ཞིག་སྣང་། གང་ཞིག་ཐོས་ཤེ་ན། མདོར་དྲིལ་ན་སྐད་ཆ་ཚིག་ཅིག་གིས་མཚོན་པར་ནུས་ཏེ། དེ་ཡང་ཁོ་བོ་དེ་རིང་གཉིད་ལས་སད་དུས་ད་དུང་ཡང་མིག་ལམ་དུ་མཆོད་རྟེན་ཁོ་ནར་འཆར་བ་ཞིག་ཡོང་གིན་འདུག [玫瑰] https://t.cn/z8KMELS