རྫ་སྟོད་རྫོང་ཞིང་ཆེན་རིམ་པའི་མངོན་མིན་ཤུལ་བཞག་རིག་གནས———༈ ༈ གངས་ལྗོངས་ནང་བསྟན་ཟློས་གར་གྲགས་ཅན་གཟུ་རུ་འཁོར་འདས་ལྷ་འཆམ་ཆེན་མོ།འདི་ནི་ལོ་རྒྱུས་ཀྱི་དུས་ཡུན་རིང་ཞིང་རྒྱུ་འབྲས་ཆོས་ཉིད་ཀྱི་དོན་སྙིང་ལྡན་པའི་གར་འཆམ་རྨད་དུ་བྱུང་བ་ཞིག་ཡིན། དགེ་ཞིང་བཀྲ་ཤིས་པར་གྱུར་ཅིག།
省级非遗文化 斯日寺静猛生死轮回剧 https://t.cn/R2WxD6h

༈ རྫོང་སར་མཁྱེན་བརྩེ་མཆོག་གིས་དཔེ་ཀློག་སྐོར་ལ་འདི་ལྟར་གསུང་།

ང་ཚོས་དཔེ་ཆ་ཆ་ཚང་ཞིག་ཀློག་མི་ཐུབ་པའི་གནད་དོན་གཅིག་ནི་ཀློག་མགོ་བརྩམས་པའི་དཔེ་ཆའི་གྲངས་ཀ་མང་སོང་བས་རེད། འདི་སེལ་ཐབས་ནི། རང་གིས་དམ་བཅའ་བྱས་ནས་གཅིག་དང་གཉིས། ཡང་ན་གསུམ་བཞི་མན་ཆོད་ཀྱི་དཔེ་ཆ་དག་བཀླགས་མ་ཚར་བར་ངེས་པར་དཔེ་ཆ་གཞན་ཀློག་མགོ་མི་རྩོམ་རྒྱུ་དེ་རེད།
གཉིས་ནི་དུས་ཚོད་ངེས་གཏན་མེད་པ་ལས་བྱུང་བ་རེད། འདི་ལ་ཐབས་ལམ་ནི། ངེས་པར་རང་ཉིད་ལ་སྤྲོ་སྣང་འཕེལ་བའི་དུས་ཚོད་ཅིག་དཔེ་ཆ་ཀློག་པའི་བར་སྟོང་དུ་འཇོག་དགོས་པ་དེ་རེད། འདི་ལ་ཡུན་རིང་པོ་མི་དགོས་ཀྱང་ཉིན་རེའི་འཚོ་བའི་ནང་འཐུས་ཤོར་དུ་གཏན་མ་སོང་བ་ཞིག་ཅིས་ཀྱང་དགོས། གལ་ཏེ་ཁྱེད་ཀྱིས་དཔེ་ཆ་གཅིག་ལས་ཀློག་གིན་མེད་ཀྱང་ཁྱེད་ལ་དུས་ཚོད་ཀྱི་བཀོད་སྒྲིག་ཡག་པོ་ཞིག་མེད་ཚེ་དཔེ་ཆ་རེ་རེ་ཀློག་རྒྱུར་ལོ་དང་ཟླ་བ་མང་པོའི་དུས་ཚོད་ཀྱིས་ཀྱང་འདང་གིན་མེད་པས་ཕྱི་མ་འདི་དེ་བས་ཀྱང་གལ་ཆེ། དཔེ་ཆ་ཞིག་ཆ་ཚང་བར་ཀློག་དགོས་ན་ཐབས་ལམ་འདི་གཉིས་ཁ་མི་བྲལ་བར་ལག་ལེན་བྱེད་དགོས། དེས་ན་ཐབས་ལམ་འདི་གཉིས་རྒྱུན་པར་ཁྱེད་རང་གི་འཚོ་བའི་ཁྲོད་དུ་གོམས་འདྲིས་སུ་འགྱུར་བར་ཕྲན་གྱིས་རྟིང་སྐུལ་ཞིག་བྱེད་བཞིན་ཡོད།。

_____རྫོང་གསར་མཁྱེན་བརྩེ་མཆོག་གིས། https://t.cn/R2WxDVB

༈ མཁན་ཆེན་མཆོག་གིས་དཔེ་ཀློག་སྐོར་ལ་འདི་ལྟར་གསུང་།

བོད་མི་ཚང་མས་དཔེ་ཀློག་བྱས་ན་ཆོས་དང་འཇིག་རྟེན་གཉིས་ཀའི་ཐོག་ནས་དགེ་མཚན་ཧ་ཅང་ཆེན་པོ་འདུག དེར་བརྟེན་ཚང་མ་ལ་དཔེ་ཆ་ཀློག་པའི་གོམས་སྲོལ་ཡག་པོ་ཞིག་ཆགས་ཐུབ་པར་བྱ་དགོས།

ཁྱིམ་ཚང་གཅིག་གི་ནང་ནས་ཕ་མ་གང་རུང་ཞིག་གམ། ཁྱིམ་མི་མང་པོ་ལ་དཔེ་ཆ་བལྟ་རྒྱུའི་གོམས་སྲོལ་ཡོད་ན་ཕྲུ་གུ་ཆུང་ཆུང་ཚང་མས་དེ་ལ་མིག་དཔེ་བལྟས་ནས་ལོབས་འགྲོ་མ་རེད། ནམ་རྒྱུན་ཕྱི་ལ་འགྲོ་བའི་སྐབས་སུ་ཡང་ཁུག་མའི་ནང་དུ་དཔེ་དེབ་ཅིག་ཡོད་དགོས། ཁ་པར་སོགས་འཕྲུལ་ཆས་གཞན་གྱི་ཐོག་ནས་ཀྱང་དཔེ་ཆ་བལྟ་རྒྱུ་ཡོད་ཀྱང་ཤོག་བུའི་ངོས་ལ་བལྟས་པ་ལྟ་བུའི་ཚོར་བ་ཡོང་གི་མ་རེད།

མི་རིགས་ཞིག་ལ་བསམ་བློ་བཏང་ན་ཡང་ངེས་པར་དུ་དཔེ་ཆ་ཀློག་དགོས། དཔེ་ཆ་ནི་རིན་ཐང་ཅན་ཞིག་ལ་བརྩི་དགོས།མི་རིགས་ཀྱི་ཡུན་རིང་བའི་ལམ་ཁ་དང་དཔེ་ཆ་གཉིས་ལ་འབྲེལ་བ་ཧ་ཅང་ཆེ་བས།རང་གིས་བོད་ཡིག་གི་དཔེ་ཆ་མང་པོ་ཀློག་པ་དང་ཕྲུ་གུ་ཚོ་ལ་བོད་ཡིག་ཡག་པོ་ཤེས་སུ་འཇུག་དགོས།

#དཔེ་ཀློག་ཉིན་མོ་བསུ། ང་ཚོས་དཔེ་ཀློག་བྱེད། མི་ཚེར་འོད་སྣང་བསྐྲུན།#