「歲月留聲」九十年代艷星秦虹呻工作機會少
豔星秦虹到電台接受劉少君訪問，秦虹表示現在已很少到香港工作，多於大陸、東南亞及賭船登台。曾是成人雜誌封面女郎的秦虹笑言：「就係因為咁後生，依家先嫁唔出，其實我都好健康，平日鐘意運動行山，又唔煙唔酒。」她又講到之前溫州有廠商將她的寫真集照片印在「吹氣公仔」包裝上，結果鬧到上法庭，成功討得五位數字賠償。秦虹直言在香港沒太多朋友，更不要說工作機會：「其實我都好掛住香港，香港畀我感覺好自由。」仲話自己未結婚，又唔煙唔酒。言語間，似乎佢好想重返香港幕前。

今日送你走既時候感覺真係難以言喻
好多嘢想同你講
又怕醜 但係我最後都靜靜雞同你講左
你聽到嗎？
如果你知道我已經讀完大學
出黎做也都兩年了
你一定超開心！
其實我講過好多次比你知
可惜你自從我高一後就記性唔好
次次都唔記得[允悲]
今日我又特登講左幾次
希望你聽到啦！

仲有
今日我同你講話要等我幾年
係因為我諗我暫時未會感快結婚
唯有叫你再等等[笑cry][笑cry][笑cry]
我會努力找個好人家的了
等你做個精神同物質都富足既小朋友[doge]
到時我比翻你學琴

仲有仲有！
今日屋企人諗緊你最鍾意食咩也
阿婆竟然唔記得左
好彩我記得
係炆到好諗既黃豆花生豬腳
仲有番茄炒蛋
其實仲有鹹蝦蒸魚腸
但係太多程序啦
我覺得佢地都唔會識整
等我之後研究下
成功學識之後整比你食
可能係因為你以前成日煮比我食
我都唔知係你鍾意食定係我鍾意食
（可能係我鍾意食 所以第三張先咁肥腫難分）
不過唔怕
我知道你有煙有酒就會好滿足
到時會帶埋去探你

今日諗諗下
竟然發現帶漏底衫褲比你[允悲]
阿婆好粗心啊
但！我地燒左好多錢錢俾你
你自己買啲新架啦
唔夠再同我報夢

嗯 呢個六月都好多嘢做
所以呢 唔可以日日掛著你太多
嘻嘻 你多啲掛著我啦
得閒變成小鳥蝴蝶飛去搵我
睇下我做也有沒偷懶（我應承你 我會努力 帶比屋企人好啲既生活 如果恩恩想讀研 我盡量支持）
監督我

我估你而家應該見到四公公同阿伯啦
你份人一直都好堅強
好似從來都沒依賴過人感既
而家你又變翻最細哥個啦
可以嗲下啊哥同媽媽
我都算放心
嗯 ，好夜啦
今日我地就傾著咁多先
下次再傾[壞笑]

#我與公公
#阿倫
#努力做人
#好掛住好掛住你公公

【On.cc】劇接劇捱唔住！姜麗文生蛇似畀火燒

藝人姜麗文最近劇接劇忙過不停，剛完成拍攝《白色強人II》，又即將要為《雙生陌生人》開工，不過近日佢就自爆捱唔住，不幸病倒「生蛇」！佢喺社交網發文透露病況：「生蛇，好痛呀。雖然我嘅日常生活算係好健康，早睡早起，唔煙唔酒，經常做運動...但係今次（第一次）生蛇，令到我發現無論生活幾健康都好，如果有壓力真係必需要休息同對自己好啲，好彩今日睇咗醫生，希望食完藥快啲好番啦！真係好痛，好似被火燒嘅感覺...提提大家，忙還忙，繼續努力工作！但亦都要記住錫自己，同埋需要休息嘅時間就好好休息啦！」

姜麗文平時都好注重健康，不過都病倒了。

佢提醒大家，要注意休息。

姜麗文即將要為《雙生陌生人》開工。

#姜丽文[超话]#