འཆི་མེད་ཀྱི་ལྷུག་རྩོམ་ནི་སྐབས་རེར་གསོས་སྨན་དང་འདྲ་ལ་ལན་རེར་ཉལ་ཐ་དང་མཚུངས།ངའི་འཚོ་བར་འོད་སྣང་སྦྱིན་པ་མི་ཉུང་ཞིང་ནང་སེམས་རབ་ཏུ་རྨས་པའང་ལན་གཅིག་མིན།
མུན་ནག་གི་རླབས་རིས།
མགོ་ལོག ཨ་ལགས་ཆོབ་ཚེ།
རླབས་ཕྲེང་སྐྱོམས་པའི་རྒྱ་མཚོ་ལ།།
ཀོ་གྲུ་གཏོང་བར་སྤོབས་མིན་ཡང་།།
ལས་ཀྱི་གཟུགས་མེད་ཨ་ལོང་དུ།།
ངེད་ཅག་དམ་ལ་བཅིང་བ་ལགས།།
གཏམ་ཞིག་ལུད་དེ་སྙིང་ལ་ཕོག།
རི་ཆུ་འགུལ་ཙམ་བྱུང་བ་འདྲ།།
དུས་ཀྱི་མུན་པའི་མེ་ལོང་དུ།།
ངེད་ཅག་ཉེས་མེད་བཙོན་པ་ལགས།།
ཀྱེ་ཧུད་འཁོར་བའི་ལན་པོ་ཆེ།།
ཆོས་ཉིད་རྒྱལ་མོའི་སྡང་མིག་དག།
མེ་སྟག་ལས་ཀྱང་མེ་སྟག་སྟེ།།
བརྗོད་དུ་མ་སོང་ཐབས་མ་བྱུང་།།
ཟད་དུ་མེད་པའི་འཁོར་བའི་རླབས།།
རྟག་ཏུ་མེད་པའི་སྣང་བའི་ཁམས།།
སུ་ལ་མ་ངེས་ཀློང་ན་འཕྱུར།།
དགའ་སྡུག་བར་མའི་ལྷས་ན་འགུལ།།
དངོས་སམ་ཤུགས་སུ་གཏོང་བྱེད་པའི།།
ཁྲོ་འཛུམ་དཀར་ནག་གདོང་གི་ཉམས།།
ང་ལ་ཡོད་དེ་ཁྱེད་ལ་ཡོད།།
ཀུན་ལ་ཐུན་མིན་ཆོས་སུ་འགྲུབ།།
བོད་རྒྱལ་ལོ་༢༡༥༡-༢-༡༩ཉིན་ཁང་རྙིང་དུ།
མགོ་ལོག ཨ་ལགས་ཆོབ་ཚེ།
རླབས་ཕྲེང་སྐྱོམས་པའི་རྒྱ་མཚོ་ལ།།
ཀོ་གྲུ་གཏོང་བར་སྤོབས་མིན་ཡང་།།
ལས་ཀྱི་གཟུགས་མེད་ཨ་ལོང་དུ།།
ངེད་ཅག་དམ་ལ་བཅིང་བ་ལགས།།
གཏམ་ཞིག་ལུད་དེ་སྙིང་ལ་ཕོག།
རི་ཆུ་འགུལ་ཙམ་བྱུང་བ་འདྲ།།
དུས་ཀྱི་མུན་པའི་མེ་ལོང་དུ།།
ངེད་ཅག་ཉེས་མེད་བཙོན་པ་ལགས།།
ཀྱེ་ཧུད་འཁོར་བའི་ལན་པོ་ཆེ།།
ཆོས་ཉིད་རྒྱལ་མོའི་སྡང་མིག་དག།
མེ་སྟག་ལས་ཀྱང་མེ་སྟག་སྟེ།།
བརྗོད་དུ་མ་སོང་ཐབས་མ་བྱུང་།།
ཟད་དུ་མེད་པའི་འཁོར་བའི་རླབས།།
རྟག་ཏུ་མེད་པའི་སྣང་བའི་ཁམས།།
སུ་ལ་མ་ངེས་ཀློང་ན་འཕྱུར།།
དགའ་སྡུག་བར་མའི་ལྷས་ན་འགུལ།།
དངོས་སམ་ཤུགས་སུ་གཏོང་བྱེད་པའི།།
ཁྲོ་འཛུམ་དཀར་ནག་གདོང་གི་ཉམས།།
ང་ལ་ཡོད་དེ་ཁྱེད་ལ་ཡོད།།
ཀུན་ལ་ཐུན་མིན་ཆོས་སུ་འགྲུབ།།
བོད་རྒྱལ་ལོ་༢༡༥༡-༢-༡༩ཉིན་ཁང་རྙིང་དུ།
མདང་ང་ཚོ་ཡུལ་ཉག་རོང་ཡུལ་གྱི་མཁས་པ་ཆེན་པོ་ཚེ་རིང་རྒྱ་མཚོའམ་བྱ་ཚེ་རིང་མཆོག་ཞལ་མཇལ་བྱུང་སྟེ། བཀའ་མོལ་རིན་ཐང་བྲལ་བ་དུ་མ་གནང་བྱུང་བར་སྙིང་ནས་དགའ་བ་ཞིག་བྱུང་། ཁོང་གིས་ཕ་ཡུལ་ཉག་རོང་གི་སའི་ཆགས་ཚུལ་སོགས་ས་ཁམས་རིག་པ་དང་། མདོ་ཁམས་སྒང་དྲུག་གི་དབྱེ་བ་ཕྱེ་ཚུལ་སྐད་བརྡ་རིག་པ་དང་བསྟུན་ཏེ་ཡིད་དྲངས་པ་ཞིག་གསུང་བྱུང་བས་ཡིད་སྨོན་གཏིང་ནས་སྐྱེས། མཚམས་མཚམས་སུ་ལོ་སྣེ་ཟླ་སྣེ་མཐུད་དེ་ཤོག་མཐའ་ཞིག་མཉེས་པ་ལས་མཁས་པ་ཁོང་འདྲ་བ་དག་དང་ལྷུན་དུ་བཀའ་མོལ་དུས་ཚོད་ཕྱེད་ཙམ་གྱི་བློ་སྐྱེད་ཆེ་བ་འདུག་སྙམ་པའི་ངེས་ཤེས་ཤིག་ཀྱང་སྐྱེས། མ་ཟད་བདག་གི་ཡུན་རིང་དུ་སེམས་ལ་བཅང་ནས་བསྒྲུབ་འདོད་པའི་བྱ་བ་རེ་ཟུང་ལའང་སྐུལ་ཅག་དང་རོགས་དན་རྒྱ་ཆེན་གནང་ཆོག་ཅེས་གསུང་གི་དབུགས་དབྱུང་བླ་མེད་གནང་སོང་། [合十]
✋热门推荐