#微博[超话]# ༄༅། །གྲོང་ཁྱེར་ལྷ་སའི་མལ་གྲོ་གུང་དཀར་རྫོང་རྨམ་པ་ཤང་གི་ཁོངས་སུ་གནས་པའི་འབྲི་གུང་བཀའ་བརྒྱུད་པའི་མ་དགོན་འབྲི་གུང་འོག་མིན་བྱང་ཆུབ་གླིང་གི་ངོ་སྤྲོད་ཅུང་རྒྱས་ཙམ་ཞིག།
༼གསལ་བཤད། དེ་སྔོན་༢༠༡༤ལོར་དགོན་པ་འདིའི་ལོ་རྒྱུས་སྤེལ་བ་དེ་ཅུང་བསྡུས་དྲག་འདུག་པས་ད་ཐེངས་སླར་ཡང་རྒྱས་པ་འདི་སྤེལ་བ་ལགས།༽
较详细地介绍拉萨市墨竹贡嘎县门巴乡境内的直贡噶举祖寺直贡梯寺。 https://t.cn/A66nFHcK

བགྲེས་མོ་བློ་དཀར་མ་དྲན་པ། ཞེས་པའི་གུས་པ་རང་གི་དྲན་གཟོའི་རྩོམ་ཐུང་འདི་ཉིད། དགེ་སྦྱོང་འབྲོང་གནས་ཕྲིན་ལགས་ཀྱིས་གཙོ་སྒྲིག་བྱས་པའི་༼ ཨ་མའི་བྱམས་བརྩེ་༽ ཞེས་པའི་ཆེད་དེབ་ཏུ་བཀོད་འདུག་པས་ཁོང་ལ་ཐུགས་རྗེ་ཆེ་ཞུས་པ་དང་ལྷན་དུ་ཕྲན་ཆུང་བདག་གི་བརྩམས་ཆོས་ཀློག་པ་པོ་ཀུན་ལ་གུས་པས་ཕུལ།

རྩོམ་རིག་གི་འདུ་ཤེས་དང་རྩོམ་ཆོས་ཀྱི་མངོན་སྟངས་དེའང་དུས་ཀྱི་འཕོ་འགྱུར་དང་བསྟུན་ནས་འགྱུར་གྱིན་པའི་མིའི་ཤེས་རྟོགས་ཀྱི་ཚད་དང་དགོས་མཁོ།

དེ་མཐུན་གྱི་རེ་སྙེག་སོགས་ཀྱི་རྗེས་སུ་འགྲོ་ལྡོག་བྱེད་པས་རེད།

དེའི་དབང་གིས།

དུས་རབས་མི་འདྲ་བའམ་སྤྱི་ཚོགས་འཕེལ་རྒྱས་ཀྱི་གནས་སྐབས་མི་འདྲ་བར་རྩོམ་རིག་གི་མངོན་སྟངས་དང་སྣང་ཚུལ་མི་འདྲ་བ་བྱུང་ཡོད་པ་རེད།

གནའ་དེང་གི་བརྩམས་ཆོས་དང་གཞུང་ལུགས་གང་ཡིན་ཡང་དུས་རབས་ཀྱི་དགོས་མཁོ་དང་མི་ཚོགས་ཀྱི་ཡི་ག་དང་བསྟུན་ནས་འགྱུར་བ་འགྲོ་བཞིན་ཡོད་པས་བཟང་ངན་གཉིས་ཀྱི་ཆ་ཡོད་སྲིད་མོད། ད་སྐབས་རྩོམ་འབྲི་བ་མང་པོར་ཞིག་གིས་སྲོལ་རྒྱུན་གྱི་སྙན་ངག་མཐོང་ན་སྐྱུག་བྲོ་ཚུལ་ལབ་པའི་ཕྱོགས་ལྷུང་གི་ལྟ་ཚུལ་འདིས་སྙན་གཞུང་དང་རྩོམ་འབྲི་གཉིས་འབྲེལ་མེད་དུ་གླེང་བ་ནི་རང་ཉིད་ལོག་ལམ་དུ་འགྲོ་བའི་དབུ་ཁྱུད་བྲིས་པ་རེད།

གང་ལྟར་ང་ཚོ་སྙན་ངག་པ་ཚད་ལྡན་ཞིག་དུ་འགྱུར་འདོད་ན་ངེས་པར་གཞུང་ལུགས་ཀྱི་རྒྱབ་རྟེན་ཡོད་དགོས་པར་འདོད། དེ་བཞིན་མཁས་པའི་མི་ཚེ་གཅིག་གི་རིག་གནས་ཀྱི་སྙིང་བཅུད་ལ་འུ་ཚོས་ཐེངས་གཅིག་ཙམ་ལའང་བཀླག་རིན་མེད་ཚུལ་གླེང་བ་ནི་རང་ཉིད་བླུན་པོ་ཡིན་པར་བཤད་པ་དང་གཅིག་རེད། དགེན་དཔལ་མོའི་དཔེ་ཁྲིད་ལ་ཉོན་ཞོར་༼ཚིག་རྒྱན་རིག་པའི་སྒོ་འབྱེད་༽ཐེངས་བཀླགས་པས་བློ་སྐྱེང་གང་མཚམས་ཤིག་ཐུབ་སོང་།

བོད་ཀྱི་རྩོམ་རིག་ཞིབ་འཇུག་པ་བྱ་གཞུང་དབྱངས་བྷ་ལགས་ཀྱི་བརྩམས་ཆོས་༼རྩོམ་རིག་དང་མི་༽ཞེས་པའི་དཔེ་དེབ་འདི་ནི་བོད་ཀྱི་གནའ་དེང་རྩོམ་རིག་དང་རྒྱ་ནག་གཙོས་འཛམ་གླིང་སྤྱི་ཡོངས་ཀྱི་རྩོམ་རིག་གི་དར་རྒུད་དང་རྩོམ་རིག་དང་སྤྱི་ཚོགས་བར་གྱི་འབྲེལ་བ་སོགས་རྩོམ་རིག་གིས་སྤྱི་ཚོགས་ལ་ཐེབས་པའི་ཤུགས་རྐྱེན་དང་།

རྩོམ་པ་པོའི་བློ་སྦྱོང་དང་འགན་འཁྲི་སོགས་ལྷག་པར་ད་སྐབས་བོད་ཀྱི་རྩོམ་པ་པོ་མི་རིགས་ཀྱི་འདུ་ཤེས་མེད་པ་དང་རྫུན་གཏམ་གྱི་ཚོན་རྩི་བྱུག་མཁན་ན་ཟུག་མེད་པའི་འཁུན་སྒྲ་སྒྲོག་མཁན།

རང་ཚུགས་མེད་པར་གཞན་རྐུབ་བལྡགས་མཁན་དང་གནས་ལུགས་མེད་པའི་འུར་སྒྲོག་མཁན་བྱེད་མཁན་དག་གི་གདོང་འབག་གནས་ལུགས་ཀྱིས་བཤུས་པའི་དཔེ་དེབ་གཅིག་རེད་འདུག

ལྷག་པར་དཔེ་དེབ་འདིའི་ནང་གི་རྩོམ་པ་པོའི་བློ་སྦྱོང་དང་འགན་འཁྲི་འཛམ་གླིང་དང་བོད་གནའ་དེང་རྩོམ་རིག་གི་གཤིབ་བསྡུར་བྱས་ནས་དཔྱད་བརྗོད་བྲིས་པ་ཤིན་ཏུ་ལེགས།

ཡིན་ན་ཡང་བརྗོད་བྱ་དང་རྗོད་བྱེད་ཡོད་ཚད་རང་གི་ཡི་ག་མཐུན་པར་བཤད་ནའང་ཅུང་ཐར་ཆེ་སོང་སྙམ། གང་ལྟག་རྩོམ་རིག་གི་ལམ་ཆེན་འགྲིམ་མཁན་ཞིག་ཡིན་ན་དཔེ་དེབ་འདི་བཀླག་ན་བློ་སྐྱེད་དང་རྩོམ་རིག་མཐོང་རྒྱ་སྔར་ལས་ཡངས་བར་འདོད་དོ།།