གསོལ་འདེབས།
གནས་མཆོག་པོ་ཏཱ་ལ་ཡི་ཕོ་བྲང་ནས། །
སྤྱན་རས་གཟིགས་དབང་རྒྱལ་བ་རིན་པོ་ཆེ། །
ཇོ་བོ་ལོ་ཀེ་ཤྭ་ར་ལ་སོགས་པའི་། །
སྐུ་གསུང་ཐུགས་རྟེན་རྣམས་ལ་ཕྱག་འཚལ་ལོ། །

ཆོས་སྐུ་ཆེན་པོ་བཀྲ་ཤིས་ལྷུན་པོ་རུ། །
སྣང་བ་མཐའ་ཡས་པཎ་ཆེན་ཐམས་ཅད་མཁྱེན། །
དེར་བཞུགས་དགེ་འདུན་སྡེ་དང་སྐུ་གསུང་ཐུགས། །
སྐུ་གདུང་མཆོད་རྟེན་རྣམས་ལ་གསོལ་བ་འདེབས། །

ར་མོ་ཆེ་དང་ར་ས་འཕྲུལ་སྣང་དུ། །
བཞུགས་པའི་རྟེན་གཙོ་ཇོ་ཤཱཀ་རྣམ་པ་བདུན། །
རྗེ་བཙུན་ང་འདྲ་མ་དང་དཔལ་ལྷ་མོ། །
སྐུ་གསུང་ཐུགས་རྟེན་རྣམས་ལ་གསོལ་བ་འདེབས། །

གདན་ས་ཆེན་པོ་སེ་འབྲས་དགེ་གསུམ་དང་། །
རྒྱུད་གྲྭ་སྟོད་སྨད་རྣམ་རྒྱལ་གྲྭ་ཚང་སོགས། །
ལྷ་སའི་གླིང་བཞིར་བཞུགས་པའི་དགེ་འདུན་རྣམས། །
སྐུ་གསུང་ཐུགས་རྟེན་བཅས་ལ་གསོལ་བ་འདེབས། །

བྱུ་རུའི་ཚེ་དཔག་མེད་དང་གཡུའི་སྒྲོལ་མ། །
དུང་གི་ཐུགས་རྗེ་ཆེན་པོ་ལ་སོགས་པའི། །
དབུས་གཙང་རུ་བཞི་རྭ་སྒྲེང་སྟག་ལུང་སོགས། །
ཡེར་བ་ལྷ་རི་བསམ་ཡས་གཙུག་ལག་ཁང་། །
བཞུགས་པའི་སྐྱབས་གནས་རྣམས་ལ་གསོལ་བ་འདེབས། །

དེ་ལྟར་ཕྱག་འཚལ་གསོལ་བ་བཏབ་པའི་མཐུས། །
འཆི་ཁར་མནར་གཅོད་བར་དོའི་འཇིགས་སྐྲག་དང་། །
ཕྱི་མ་ངན་སོང་སྡུག་བསྔལ་མི་མྱོང་ཞིང་། །
ཞིང་མཆོག་བདེ་བ་ཅན་དུ་སྐྱེ་བར་ཤོག །
ཤཱཀྱའི་དགེ་སློང་སྐལ་བཟང་ཐབས་མཁས་རྒྱ་མཚོས་སྦྱར་བའོ།

༄།།གཙག་སྣུན་རེག་བྱས་ལྭ་བའི་སྲུབས་ཀ་བརྟོལ།།
ཐལ་རྡུལ་རླུང་བུས་འདྲེན་བྱེད་བདེ་བ་འཕྲོག །
འོན་ཏེ་བརྩེ་གྲོགས་དཔྱིད་དཔལ་རབ་འཛུམ་པས།།
ལུས་སེམས་དགའ་བའི་སེམས་ཚོར་གམ་ན་ཡོད།།

གློ་བུར་གྱིས་སྐད་ཆ་ཞིག་གི་འུ་ཚོ་འགྱུར་སྲིད་ལ་
​གློ་བུར་གྱིས་གཏན་ཁེལ་ཞིག་གི་འུ་ཚོའི་བསྐྱུར་ཡང་སྲིད་
​ཚོར་བའི་ཀློང་ན་གནས་ཡོད་པས་བྱ་བཞག་ལ་ལ་ཞིག་་སྐད་ཅིག་་ཉིད་ལ་མེད་འགྲོ་བ་ནི་མི་སེམས་ལ་འགྱུར་བ་མང་བས་སྐྱོན་ཡིན་པ་གསལ་བོ་ཤེས་དགོས་