བདེ་སྐྱིད་རེ་བའི་སྣེ་མོ་ཚུར་ཚུར་ལ་བསུ་ཞིང་། །
མི་ཚེའི་སྡུག་གི་རི་མོ་ཐག་རིང་ལ་བསྐྱུར་འདོད། །
ཕ་ཆེན་འུ་ཚོས་རེ་འདོད་དེ་འདྲ་ཞིག་ལགས་ན། །
རེ་བའི་རྗེས་སུ་སྐྱོ་བའི་སྣང་བ་ཞིག་འབྱུང་བ། །
སུས་ཀྱང་བསུབ་ཐབས་མེད་པ་འཁོར་ཡི་རང་མཚང་། །
མི་ཚེ་རྨི་ལམ་རི་མོ་དེ་ག་ཡིས་རྫོགས་འགྲོ། །

མི་འགྱུར་ཚིག་གི་ཨ་གསར་མནའ་ཚིག་ལ་བཅོལ་ཞིང་། །
འབྲལ་མེད་སྙིང་གི་དམ་བཅའ་རི་བྲག་ལ་བརྐོས་པ། །
ན་གཞོན་དར་མའི་བློ་སྣ་དེ་འདྲ་ཞིག་ལགས་ཀྱང་། །
འཛོམས་པའི་རྗེས་ལ་འབྲལ་པ་སྲིད་ཡི་ཆོས་ཉིད། །
མི་སེམས་སྙི་མོ་ལོ་དང་ཟླ་བཞིན་འགྱུར་འགྲོ། །

འཁོར་བའི་དགའ་སྐྱོ་མྱོང་བའི་སྙིང་སྟོབས་ཤིག་ཡོད་ན། །
མི་ཚེའི་བདེ་སྐྱིད་རང་གི་ཉེ་དྲུང་ལ་མཆིས་སྐད། །
རང་ཉིད་རང་གིས་འཚོལ་བའི་གོམས་གཤིས་ཤིག་ཡོད་ན། །
མགོན་དང་དཔུང་གཉེན་ཟེར་བ་རང་ཉིད་ལས་མི་འདུག །
དེའི་ཕྱིར་རང་ལ་གཅེས་དགོས་རང་ཉིད་ལ་བྱམས་དགོས། །

ཞོགས་སྤྲིན་པས། [月亮][睡]

ངང་བཞག་བློ་བྲལ་ཆོས་སྐུའི་ལྟ་བ་དག༵ །
离心清净法身见
མངོན་སུམ་ཚད་ཕེབས་ལོངས་སྐུའི་སྒོམ་པ་རྫོག༵ས། །
如量圆满报身修
དབྱིངས་རིག་དབྱེར་མེད་སྤྲུལ་སྐུའི་སྤྱོད་པ་སྨིན༵། །
界明成熟化身行
སྐུ་གསུམ་རྩོལ་མེད་འགྲུབ་པའི་བཀྲ་ཤིས་ཤོག །
成就三身愿吉祥

འདི་ནི་དམར་ལྕགས་བོང་གསུམ་སྟེ། དམར་པོ་རི་དང་། ལྕགས་པོ་རི། བོང་བ་རི་གསུམ་རེད། དམར་པོ་རིའི་དབྱིབས་ནི་གླང་པོ་ཆེ་བྲེས་ཀྱི་ནང་དུ་ཉལ་བ་ལྟ་བུར་ཡོད་པ་དང་། ལྕགས་པོ་རིའི་དབྱིབས་ནི་སེང་གེ་གནམ་དུ་མཆོང་བ་ལྟ་བུར་ཡོད་པ། བོང་བ་རིའི་དབྱིབས་ནི་སྟག་མོ་ཚང་ལ་འཛུལ་བ་ལྟ་བུར་གནས་ཤིང་། དམར་པོ་རི་ནི་སྤྱན་རས་གཟིགས་ཀྱི་བླ་རི་དང་། ལྕགས་པོ་རི་ནི་ཕྱག་ན་རྡོ་རྗེའི་བླ་རི། བོང་བ་རི་ནི་འཇམ་དཔལ་དབྱངས་ཀྱི་བླ་རིར་བཞེད་སྲོལ་ཡོད། ལོ་རྒྱུས་རྣམས་སུ་སྐྱིད་ཤོད་སྟག་མོ་རི་ལ་རི་དྭགས་གཉན་འདུག་པ་གཟིགས་པས་མཚན་ཡང་སྟག་རི་གཞན་གཟིགས་སུ་ཐོགས་ཞེས་བོང་བ་རི་འདི་ལ་སྟག་མོ་རི་ཞེས་བྱུང་བ་སྔ་ཤོས་དེ་ཉང་ཆོས་འབྱུང་ཡིན་འདྲ། དེ་རྗེས་ཤཱཀ་རིན་སོགས་མང་པོས་དེ་ལྟར་གླེངས་ཡོད། གང་ལྟར། སྔོན་བཙན་པོའི་སྐབས་སུ་རི་བོ་འདི་གསུམ་ག་ཕོ་བྲང་པོ་ཏ་ལའི་ལྕགས་རི་ཕྱི་མའི་ནང་དུ་ཁེལ་ཡོད་ཟེར་བ་ལྟར་ན། སྐབས་དེའི་ཕོ་བྲང་གི་ལྕགས་རི་ནི་ཤིན་ཏུ་རྒྱ་ཆེ་སྟེ། དེང་གི་གླིང་སྐོར་ལམ་དང་ཧ་ལམ་མཚུངས་པས། རྐང་ཐང་གིས་ལྕགས་རི་བསྐོར་དགོས་ན་ཆུ་ཚོད་ཁ་ཤས་འགོར་ས་རེད།