རི་བོང་འཛིན་པ་སྒྱུ་སྐར་ཕྲེང་བ་ཅན། །
མཚན་མོ་མཁའ་ལ་རྒྱུ་བ་མ་མཐོང་ནས། །
དྭངས་བའི་མཚོ་ནང་འདི་ན་ཟླ་བ་ཞིག །
གཟུགས་བརྙན་ཟླ་རུ་འཛིན་པ་བྱིས་པའི་བློ། །

———ཇོ་བོ་སྨིརྟིས། https://t.cn/ELBWvRK

ངེད་༼ལྷོ་སྤྲིན་རིག་གཞུང་ཞབས་ཞུས༽་རེབ་འདིར་ཀུན་མཁྱེན་རྣམ་གཉིས་ཀྱི་སྙན་རྩོམ་ཆེད་བཏུས་ཀྱིས་དེབ་ཅིག་བཟོས་ཡོད། འདི་ཡང་ཀུན་མཁྱེན་རིན་པོ་ཆེའི་མཛད་འཕྲིན་གྱི་ཆ་ཤས་ལ་སྲིད་ཞུ་ཙམ་དུ་འགྱུར་བའི་གསོལ་སྨོན་དང་བཅས། [合十][合十][合十]

དབང་བསྐུར།

ཀ་སྨྱོན་ནས།

སྔོན་མའི་གསང་སྔགས་སློབ་མ་ཉུང་ལ་སྟོད།།
ད་ལྟའི་གསང་སྔགས་མི་ཚོགས་མང་ལ་བསྐུར།།
བྱིན་རླབས་དངོས་གྲུབ་ཟེར་བ་མ་གོ་ཡང་།།
དད་ལྡན་དད་མེད་སྒྱུར་པའི་རྐྱེན་དུ་འགྱུར།།

སྒོར་མོ་ཡོད་ན་ཕྱག་རྫོགས་དབུ་གསུམ་ཐོབ།།
སྔོན་འགྲོ་མེད་པས་དད་ལོག་རྒྱུ་རུ་སོང་།།
མཐའ་མ་རང་གཞན་གཉིས་ཀ་དམྱལ་བ་ནས།།
དབང་གི་ལན་ཆགས་མྱོང་ན་ཅི་འདྲ་རེད།།

དེང་དུས་དགོན་པས་སྔོན་འགྲོ་བཤད་པ་ཉུང་།།
དབང་དང་གསང་སྔགས་སྟོན་ལ་མཆོག་ཏུ་མཁས།།
སྟོན་པས་མ་སྟོན་ཆོས་ཞིག་དར་བ་འདི།།
རང་གཞན་དམྱལ་བ་འགྲོ་བའི་ལས་མིན་ནམ།།

མདོ་ན་གོ་རིམ་མེད་པའི་ཆོས་ལུགས་ཞིག།
དེ་དུས་གངས་ཅན་ལྗོངས་ལ་དར་ཁྱབ་ཆེ།།
འདི་ཕྱི་ཕན་པའི་དམ་ཆོས་ཡིན་གྱི་ན།།
དམན་པ་བདག་ཀྱང་དེ་ལ་འཇུག་པ་སྤྲོ།།