ཕལ་པའི་ཁྱིམ་ཚང་གི་སྐྱིད་སྡུག་ཞེས་པའི་དེབ་འདི་ནི་ང་ཉེ་ལམ་ཆེས་དགའ་བའི་དཔེ་ཆ་ཡིན། དེའི་ནང་གི་ཐ་སྙད་དང་བརྡ་སྤྲོད་ལས་སླ་པོ་་ཡོད་པ་དང་བོད་ཡིག་ལོ་ཁ་ཤས་སྦྱངས་ནའང་མང་ཆེ་བ་ཤེས་ཀྱི་རེད། ཞི་འཇམ་གྱི་མཚོ་རླུང་ཁྲོད་ནས་དཔེ་ཆར་བལྟས་ན་ཧ་ཅང་སྐྱིད། https://t.cn/RI40TNG
ཁྱེད་ཐུགས་མཁྱེན་པའི་རལ་ཀླུང་མཚོ་ཆེན་ཕལ་བའི་ཡིད་ཀྱི་བགྲོད་བྱེད་ཀྱིས།།ཅི་ཙམ་གཞལ་ཀྱང་གཞལ་བར་མ་སྤོབས་ངལ་བའི་ཁུར་ཆེན་ཕྲག་ཏུ་བླངས།།མདོ་སྔགས་གཞུང་ལུགས་ཀུན་གསལ་མཁའ་ལ་སྔོན་མེད་ལེགས་བཤད་གསར་བ་ཡི།། སྔོན་མེད་ཟླ་བའི་གཟུགས་རིས་བྲིས་ཞེས་གྲགས་པ་དྲི་བཞོན་མཛའ་བོར་བསྡེབས།། https://t.cn/A6lQFnHU
དེ་ཙམ་རང་དབང་མིན།
དཔྱད་འཚོལ་བ། #དཔྱད་འཚོལ་བའི་རྩོམ་རིག#
འབྲོང་ཁྱུ་རྫ་ལུང་འགྲིམ་པ་རང་དབང་མིན། །
བྱ་རྒོད་ནམ་འཕང་བསྟད་པ་རང་དབང་མིན། །
སྐྱ་མེད་གྲུ་གཟིངས་སྟེང་གི་ཁོ་བོ་ཡི། །
སེམས་པ་གང་སར་འཁྱམ་པ་རང་དབང་མིན། །
ཕྱུག་པོས་རྒྱུ་དོན་གཉེར་བ་རང་དབང་མིན། །
དབུལ་བོས་ཟ་གོས་བཙལ་བ་རང་དབང་མིན། །
གངས་རིའི་འདབས་ནས་སྐྱེས་པའི་ཁོ་བོ་ཡི། །
བསམ་བློ་གཡོ་འགུལ་ཕྱིན་པ་རང་དབང་མིན། །
ངང་བ་འདམ་ལ་ཆགས་པ་རང་དབང་མིན། །
ཁུ་བྱུག་ལྷོ་ལ་འཕུར་བ་རང་དབང་མིན། །
ཁང་མིག་ཕྲན་བུ་ནང་གི་བོད་པ་ང་། །
ལུང་ཁུག་ཀྱག་ཀྱོག་འགྲིམ་པ་རང་དབང་མིན། །
གླུ་བས་སྐད་ངག་འགྲན་པ་རང་དབང་མིན། །
གར་བས་སྟངས་སྟབས་ངོམས་པ་རང་དབང་མིན། །
སྙན་ངག་རྩོམ་ལ་དགའ་བའི་བོད་པ་ངས། །
སྙན་ངག་ཅུང་ཙམ་འབྲི་བ་རང་དབང་མིན། །
ཆུ་བོ་ཐུར་དུ་བཞུར་བ་རང་དབང་མིན། །
མེ་ཕུང་གྱེན་དུ་འབར་བ་རང་དབང་མིན། །
ས་ཡི་གཙུག་ཏུ་འཁོད་པའི་བོད་པ་ང་། །
དབུགས་རིང་ཅུང་ཙམ་འཐེན་པ་རང་དབང་མིན། །
རྒན་པོས་ཕྱག་སྐོར་བྱེད་པ་རང་དབང་མིན། །
དར་མས་དགའ་རོགས་བཙལ་བ་རང་དབང་མིན། །
རྒྱབ་རི་བདེན་ལ་སྔས་པའི་བོད་པ་ང་། །
དྲང་སྲོང་ལམ་དུ་ཞུགས་པ་རང་དབང་མིན། །
སྟག་གིས་ངར་སྒྲ་སྒྲོག་པ་རང་དབང་མིན། །
འབྲི་མོས་ངུར་སྐད་འཐེན་པ་རང་དབང་མིན། །
སྣོད་བཅུད་གཙང་སར་འཁོད་པའི་བོད་པ་ངས། །
ཕ་སྐད་གཙང་མ་བརྗོད་པ་རང་དབང་མིན། །
ཡུགས་མོས་ཁྱོ་ག་དྲན་པ་རང་དབང་མིན། །
ཕྲུ་གུས་ཨ་མ་དྲན་པ་རང་དབང་མིན། །
དྲན་གདུང་སྒྲོགས་ཀྱིས་བསྡམས་པའི་བོད་པ་ངས། །
རྒྱང་གི་གྲོགས་པོ་དྲན་པ་རང་དབང་མིན། །
ལུག་གིས་རི་རྩྭ་ཟ་བ་རང་དབང་མིན། །
ནོར་གྱིས་གཞུང་ཆུ་འཐུང་བ་རང་དབང་མིན།
བསམ་ཕྱོགས་གཟུགས་སུ་བཀོད་པའི་བོད་པ་ངས། །
མ་ཟས་རྩམ་པ་ཟ་བ་རང་དབང་མིན། །
མཛེས་མས་དཀར་རྩི་བྱུག་པ་རང་དབང་མིན། །
སྐྱེས་པས་ཁྱིམ་ཚང་བསྐྱངས་བ་རང་དབང་མིན། །
དོན་གྱི་བདེ་སྐྱིད་འཚོལ་བའི་བོད་པ་ངས། །
མགོ་བོའི་སྐྲ་ལོ་བཞར་བ་རང་དབང་མིན། །
དཔྱད་འཚོལ་བ། #དཔྱད་འཚོལ་བའི་རྩོམ་རིག#
འབྲོང་ཁྱུ་རྫ་ལུང་འགྲིམ་པ་རང་དབང་མིན། །
བྱ་རྒོད་ནམ་འཕང་བསྟད་པ་རང་དབང་མིན། །
སྐྱ་མེད་གྲུ་གཟིངས་སྟེང་གི་ཁོ་བོ་ཡི། །
སེམས་པ་གང་སར་འཁྱམ་པ་རང་དབང་མིན། །
ཕྱུག་པོས་རྒྱུ་དོན་གཉེར་བ་རང་དབང་མིན། །
དབུལ་བོས་ཟ་གོས་བཙལ་བ་རང་དབང་མིན། །
གངས་རིའི་འདབས་ནས་སྐྱེས་པའི་ཁོ་བོ་ཡི། །
བསམ་བློ་གཡོ་འགུལ་ཕྱིན་པ་རང་དབང་མིན། །
ངང་བ་འདམ་ལ་ཆགས་པ་རང་དབང་མིན། །
ཁུ་བྱུག་ལྷོ་ལ་འཕུར་བ་རང་དབང་མིན། །
ཁང་མིག་ཕྲན་བུ་ནང་གི་བོད་པ་ང་། །
ལུང་ཁུག་ཀྱག་ཀྱོག་འགྲིམ་པ་རང་དབང་མིན། །
གླུ་བས་སྐད་ངག་འགྲན་པ་རང་དབང་མིན། །
གར་བས་སྟངས་སྟབས་ངོམས་པ་རང་དབང་མིན། །
སྙན་ངག་རྩོམ་ལ་དགའ་བའི་བོད་པ་ངས། །
སྙན་ངག་ཅུང་ཙམ་འབྲི་བ་རང་དབང་མིན། །
ཆུ་བོ་ཐུར་དུ་བཞུར་བ་རང་དབང་མིན། །
མེ་ཕུང་གྱེན་དུ་འབར་བ་རང་དབང་མིན། །
ས་ཡི་གཙུག་ཏུ་འཁོད་པའི་བོད་པ་ང་། །
དབུགས་རིང་ཅུང་ཙམ་འཐེན་པ་རང་དབང་མིན། །
རྒན་པོས་ཕྱག་སྐོར་བྱེད་པ་རང་དབང་མིན། །
དར་མས་དགའ་རོགས་བཙལ་བ་རང་དབང་མིན། །
རྒྱབ་རི་བདེན་ལ་སྔས་པའི་བོད་པ་ང་། །
དྲང་སྲོང་ལམ་དུ་ཞུགས་པ་རང་དབང་མིན། །
སྟག་གིས་ངར་སྒྲ་སྒྲོག་པ་རང་དབང་མིན། །
འབྲི་མོས་ངུར་སྐད་འཐེན་པ་རང་དབང་མིན། །
སྣོད་བཅུད་གཙང་སར་འཁོད་པའི་བོད་པ་ངས། །
ཕ་སྐད་གཙང་མ་བརྗོད་པ་རང་དབང་མིན། །
ཡུགས་མོས་ཁྱོ་ག་དྲན་པ་རང་དབང་མིན། །
ཕྲུ་གུས་ཨ་མ་དྲན་པ་རང་དབང་མིན། །
དྲན་གདུང་སྒྲོགས་ཀྱིས་བསྡམས་པའི་བོད་པ་ངས། །
རྒྱང་གི་གྲོགས་པོ་དྲན་པ་རང་དབང་མིན། །
ལུག་གིས་རི་རྩྭ་ཟ་བ་རང་དབང་མིན། །
ནོར་གྱིས་གཞུང་ཆུ་འཐུང་བ་རང་དབང་མིན།
བསམ་ཕྱོགས་གཟུགས་སུ་བཀོད་པའི་བོད་པ་ངས། །
མ་ཟས་རྩམ་པ་ཟ་བ་རང་དབང་མིན། །
མཛེས་མས་དཀར་རྩི་བྱུག་པ་རང་དབང་མིན། །
སྐྱེས་པས་ཁྱིམ་ཚང་བསྐྱངས་བ་རང་དབང་མིན། །
དོན་གྱི་བདེ་སྐྱིད་འཚོལ་བའི་བོད་པ་ངས། །
མགོ་བོའི་སྐྲ་ལོ་བཞར་བ་རང་དབང་མིན། །
✋热门推荐