࿐གསང་ཉིན་ནི་བོད་ཟླ་༡༡ པའི་ཚེ་༥ དང་སྤྱི་ཟླ་12 པའི་ཚེས་17ཉིན་༧ འདྲེན་མཆོག་བླ་མ་ཀུན་འདུས་ སྐྱབས་གསུམ་འདུས་པའི་བདག་ཉིད་ འདུལ་འཛིན་ཡོངས་ཀྱི་རྒྱལ་པོ་དཔལ་མགོན་བླ་མ་དམ་པ་ངོར་༧ཤར་ཆེན་ཀླུ་ལྡིང་མཁན་རྒན་རྡོ་རྗེ་འཆང་མཆོག་ཞིང་ཁམས་གཞན་དུ་གཤེགས་པས་དུས་དྲན་ལགས་སོ་[合十][合十][合十]

ཐ་སྙད་ཚད་གྲུབ།
དཀར་ནག་སོ་སོར་སྣང་བ་བདེན་མོད་ཀྱི།།
རང་གཞན་གཉིས་ཀྱི་སྣང་ཚུལ་ཙམ་ལས་འདས།།
འགྲོ་བ་འདྲ་མིན་སྣང་ཚུལ་འགའ་མཐོང་བས།།
ཐ་སྙད་ཚད་གྲུབ་འཇོག་ལ་རེ་ཞིག་དོགས།།

མ་བརྟག་མ་དཔྱད་འཇིག་རྟེན་ཡོད་ཡོད་འདྲ།།
བརྟགས་ཤིང་དཔྱད་པའི་ལས་འབྲས་མེད་མེད་འདྲ།།
བདེན་རྫུན་ཡུལ་ལ་ལྟོས་པའི་ཡོད་མེད་གཉིས།།
ཐ་སྙད་ཚད་གྲུབ་འཇོག་ལ་རེ་ཞིག་དོགས།།

འགྲོ་བ་གསུམ་གྱིས་ལྟོས་པའི་ཆུ་ཕོར་གང་།།
སྣང་ཚུལ་མི་འདྲ་སོ་སོར་ལས་ལས་གྲུབ།།
གསུངས་ཀྱང་འགལ་བ་མི་འཁྲུལ་ཚད་མ་ཐལ།།
ཐ་སྙད་ཚད་གྲུབ་འཇོག་ལ་རེ་ཞིག་དོགས།།

མངོན་སུམ་ཞེས་པའི་ཐ་སྙད་ཚད་མ་ནི།།
འཇིག་རྟེན་གཞན་ངོར་ལྟོས་ནས་འཇོག་པའི་ཕྱིར།།
མངོན་སུམ་རིགས་པ་འགལ་བས་སྣང་ཚུལ་འགའ།།
ཐ་སྙད་ཚད་གྲུབ་འཇོག་ལ་རེ་ཞིག་དོགས།།

ཡོད་མེད་ཡིན་མིན་ཆེ་ཆུང་བཟང་ངན་སོགས།།
ཕན་ཚུན་འགལ་བར་མངོན་སུམ་མིག་གིས་གྲུབ།།
ཕྲ་རབ་ཆུང་བས་འཇིག་རྟེན་ཤོང་དཀའ་བས།།
ཐ་སྙད་ཚད་གྲུབ་འཇོག་ལ་རེ་ཞིག་དོགས།།

ཞལ་རས་འཆར་སའི་མེ་ལོང་ཆེ་ཆུང་གཉིས།།
གང་ཟག་གཅིག་ལ་མི་མཐུན་ཚད་མ་གཉིས།།
གཅིག་གི་གོལ་ས་གཅིག་གིས་གནོད་མཐོང་བས།།
ཐ་སྙད་ཚད་གྲུབ་འཇོག་ལ་རེ་ཞིག་དོགས།།

མི་ལ་གཡག་རྭའི་བཞུགས་པའི་ངང་ཚུལ་དང་།།
ཟླ་གྲགས་བ་དྲུས་བཞོས་པས་ངང་ཚུལ་གཉིས།།
བསམ་བཞིན་བསམ་བཞིན་དོགས་པ་ཇེ་ཆེ་བས།།
ཐ་སྙད་ཚད་གྲུབ་འཇོག་ལ་རེ་ཞིག་དོགས།།
࿐ལྷ་སའི་བྱམས་པས།

࿐ད་སྔོན་zhengfa电子书ལ་རྒྱལ་ནང་གི་དཔེ་ཀློག་པ་རྣམས་ཐད་ཀར་ཞུགས་མི་ཐུབ་པའི་དཀའ་ངལ་ཡོད་རྐྱེན། ལོ་གཅིག་ཙམ་གྱི་དུས་ཚོད་སྤྱད་དེ་རྒྱལ་ནང་གི་དཔེ་ཀློག་པ་རྣམས་ལ་ཆེད་དུ་观自在(སྤྱན་རས་གཟིགས་)ཞེས་པའི་དཔེ་ཀློག་མཉེན་ཆས་འདི་བཟོས་གནང་འདུག། འདི་ལས་zhengfa电子书ནང་གི་དཔེ་ཆ་རྣམས་རིས་མེད་ངང་ཕབ་ལེན་དང་དཔེ་ཀློག་ནུས་པ་རེད།

#ཡོང་ཁུངས། སྐྱབས་རྗེ་དཔའ་བོའི་འཕྲིན་སྟེགས།# https://t.cn/z822Mu0