༄༅། །བྲམ་ཟེ་པཱ་ཎི་ནི(Pāṇini)འི་པཱ་ཎི་བྱཱ་ཀ་ར་ཎ་ནི་རྒྱ་གར་གྱི་སཾསྐྲྀཏ་བསླབ་པ་ལ་རྩ་བའི་གཞི་འཛིན་ས་དང་། དེས་ཧིན་ཡོབ་སྐད་ཁྱིམ་དུ་སྐད་བརྡ་གཤིབ་བསྡུར་རིག་པ་འབྱུང་བར་སྐུལ་འདེད་བྱས་ཞེས་རྒན་ཅིན་ཞན་ལིན་ལགས་ཀྱི་གསུང་འབུམ་དུ་བཞུགས་སོ། །ཀཱ་ལ་པའི་མདོའི་རྣམ་བཤད་སོགས་སུ། བྲམ་ཟེ་པཱ་ཎི་ནི་ཡིས་སྤྱན་རས་གཟིགས་དབང་ཕྱུག་བསྒྲུབས་ནས་ཞལ་གཟིགས་ཞེས་དང་། གཞན་དུ་ཤི་ཝ་སྟེ་ཞི་བའམ་ལྷ་དབང་ཕྱུག་བསྒྲུབས་ནས་ཞལ་གཟིགས་ཞེས་པ་འབྱུང་བས། ཁོ་བོས་སྔ་མ་ནི་ནང་བས་ཤན་ཞུགས་དང་ཕྱི་མ་ནི་འཐད་ལྡན་དུ་ཁས་ལེན་པར་འོས་སྙམ་མོ། །

__འབྲོམ་རྡོར་གྱིས།[咖啡][干杯][鲜花]

༄༅། །ཨ་རིག་དགེ་བཤེས་ཆེན་མོ་རྒྱལ་མཚན་འོད་ཟེར་གྱི་
གསུང་བཏུས་ཐོར་བུ་བཞུགས་སོ། །

     བླ་མ་ལས་ཆོས་ཐོས་པའི་ཚད་ཀྱང་ཆོས་ཐུན་རེ་རེ་ཙམ་ཉན་ནས་བློ་ལ་གང་ཡང་འཛིན་རྒྱུ་མེད་པར་སོང་བ་ལ་མི་བྱེད། དེ་ཡང་དང་པོ་ཚིག་བཟུང་བ་ལ་བརྟེན་ནས་སྒྲ་སྤྱི་བློ་ཡུལ་དུ་འཆར། དེ་གོམས་པར་བྱས་པས་དོན་སྤྱི་བློ་ཡུལ་དུ་ཤར་བ་ལ་བརྟེན་ནས་ངེས་ཤེས་དྲངས་པ་ན་ཆོས་དེ་ཤེས་པར་འཇོག ཐོས་པ་བྱས་པའི་དོན་བླ་མའི་ཞལ་ནས་གང་གཟུང་རྒྱུའི་མདོ་རྒྱུད་དམ་དགོངས་འགྲེལ་གྱི་ཚིག་ཟུར་ཙམ་ཡང་མ་ཉམས་ཤིང་། དེ་དང་པོ་རྩོམ་མཁན་གང་ཡིན་དེས་ཇི་ལྟར་བརྩམས་པའི་སྡེབ་སྦྱོར་མ་ཉམས་པར་ཚིག་བློ་ལ་བཟུང་བ་དེ་ལ་ལུང་བླངས་པ་ཟེར་བ་ཡིན། ཇི་ལྟར་བཟུང་བའི་ཆོས་དེའི་དོན་ཐོས་པ་ཙམ་ནས་གོ་བའམ་རྟོགས་པས་མ་མཐའ་ནའང་ཚིག་སྤྱིའི་གོ་བ་ལེགས་པར་ཆགས་ནས་ཚིག་ཁ་ནས་བསྐྱོར་རྒྱུ་ཡོད་དོན་བསམ་རྒྱུ་ཡོད་པ་དེ་ལ་ཐོས་པ་བྱས་པ་ཟེར་བ་ཡིན།
     དཔེ་མེད་མཁས་པ་ཡིན་སྙམ་པ་གང་ཡང་མི་ཤེས་པའི་རྟགས་ཡིན། དབུ་མའི་ཐལ་བཟློག་དང་། དྲང་ངེས་རྣམ་འབྱེད་ཀྱི་སྔོན་འགྲོའི་ཐད་ནས་དཔེ་ཆ་ཁ་ཕྱེ་ལ་ཚིག་རེ་རེ་ཁ་ནས་བསམ་བློ་ཐོངས་དང་དེ་གས་གསལ།
     ས་སྐྱ་པཎ་ཆེན་གྱིས་བོད་འདི་ལ་སོ་ཐར་ལ་གཟུགས་བརྙན་ཙམ་ཞིག་འདུག སྔགས་བྱང་སེམས་གཉིས་ལ་གཟུགས་བརྙན་ཙམ་ཡང་མི་འདུག་གསུངས། དེ་དུས་སུ་དགེ་སློང་གིས་མི་བསད་ན་ཁོས་མི་བསད་པས་དགེ་སློང་མིན་ཞེས་པའི་ཐ་སྙད་ཡོད། ད་ལྟ་ང་རང་ཚོས་ཡུལ་འདིར་དགེ་སློང་གིས་མི་བསད་ན་དེ་ལ་ཆོ་ལོ་ཆེན་པོ་ཞིག་བཏགས་ནས་གྲལ་མགོ་ནས་ཁ་ཐུར་འཁོར་ནས་དཔེ་མེད་ཅིག་ཡིན་སྙམ་པ་མ་གཏོགས་དགེ་སློང་མིན་སྙམ་པ་མི་སྐྱེ་བ་དེ་ཡུལ་འདི་ལ་བསྟན་པའི་གཟུགས་བརྙན་ཡང་མེད་པའི་རྟགས་རེད།མུ་འགོད།

图片
༄༅། །ལ་མོ་ཡོངས་འཛིན་རིན་པོ་ཆེའི་
གསུང་བཏུས་ཐོར་བུ་
བཞུགས་སོ། །
ཡིག་ཕབ་པ། ཤེས་རབ་བསྟན་དར།

སྐྱབས་འགྲོ་རྣམ་དག་ཅིག་སྐྱེ་བ་ལ་གཞུང་ལུགས་ལ་ཐོས་བསམ་རྣམ་དག་བྱས་ན་གལ་ཆེ་སྟེ་སྐྱབས་འགྲོ་རྣམ་དག་ནི་སྐྱབས་འགྲོའི་ངོ་བོ་ཤེས་པ་ལ་བརྟེན་ནས་བྱུང་བས་དེ་ལ་མདའ་འཕེན་པ་ལ་ཐོག་མར་འབེན་ངོས་ཟིན་དགོས་པ་ལྟར་དཀོན་མཆོག་གསུམ་གྱི་ངོ་བོ་དང་ཁྱད་པར་ཤེས་ནས་ཕྱི་རོལ་བའི་སྟོན་པ་སོགས་སྐྱབས་མིན་པར་ངོས་ཟིན་དགོས་པར་སྐྱབས་ཁྲིད་བྱ་དགོས་པའང་དེ་འདྲ་རེད།

སྐྱབས་འགྲོ་རྒྱ་ཆེ་ཞིང་འདིར་མ་འདུས་པའི་ཆོས་མེད། ཆོས་ཀྱི་ཕུང་བོ་བརྒྱད་ཁྲི་བཞི་སྟོང་ཡང་སྐྱབས་འགྲོར་འདུས་ཤིང་སྔོན་ཇོ་བོ་རྗེ་བོད་དུ་ཕེབས་དུས་བོད་ཚོས་ཇོ་བོ་ལས་ཉིན་བསྒོམ་ན་ཉིན་འཚང་རྒྱ། ནུབ་བསྒོམ་ནུབ་འཚང་རྒྱ་བའི་ཆོས་ཤིག་བསམ་ནའང་ཇོ་བོས་སྐྱབས་འགྲོ་དང་ལས་འབྲས་སྐོར་ཡང་ཡང་གསུངས་པས་བླ་མ་སྐྱབས་འགྲོ་བར་ཐོགས་པ་འདིའི་སྟེང་ན་མདོ་སྔགས་ཀྱི་གནད་འདུས་ཤིང་སྐྱབས་འགྲོ་ནི་ཤིན་ཏུ་གལ་ཆེ།