ཤེས་བྱ་ཀུན་མཁྱེན་འགྲོ་ལ་རྗེས་བརྩེའི་གཏེར༎
དྲི་མེད་འོད་ཟེར་ཡང་སྤྲུལ་ཐུགས་གཏེར་མཛོད༎
འོད་གསལ་ཀློང་ཆེན་ནམ་མཁའི་རྣལ་འབྱོར་པ༎
འཇིགས་མེད་གླིང་པའི་ཞབས་ལ་གསོལ་བ་འདེབས༎

གསོལ་བ་སྙིང་ནས་འདེབས་པའི་གང་ཟག་ལ།།
ཐུགས་རྗེ་རྒྱུན་ཆད་མེད་པ་ཞལ་བཞེས་ན།།
ཐོས་གྲོལ་གསུང་གི་དོན་འབྲས་མ་ལུས་པར།།
མངོན་སུམ་མིག་བདུད་རྩིར་སྩལ་དུ་གསོལ།།

གསོལ་བ་འདེབས་སོ་བླ་མ་རིན་པོ་ཆེ༎
གདུང་བས་འབོད་དོ་དྲིན་ཅན་ཆོས་ཀྱི་རྗེ༎
སྐལ་མེད་བདག་ལ་རེ་ས་ཁྱོད་ལས་མེད།།
ཐུགས་ཡིད་དབྱེར་མེད་འདྲེས་པར་བྱིན་གྱིས་རློབས༎

དུས་རབས་གསར་བའི་ཅོང་སྒྲ་བདག་གིས་དཀྲོལ། །
དབྱངས་ཅན་ལྷ་མོས་རྒྱུད་མང་སྙན་མགུར་བྱས། །
སྙིང་སྟོབས་མི་ཤིགས་འབྲོང་གི་སྙིང་རྩ་ཅན། །
ཕ་མེས་གངས་ཅན་པ་ཡི་བུ་ཚ་ཡིན། །

༢༠༢༣/ ༡༠/ ༡༨ ཉིན། ལྷོ་ཤིང་སྨྱུག་མོ་རྒྱལ་དེས།

“དགུན་ཁ།冬天”
མུན་ནག་གི་མགྲོན་ཁང་ནང་དུ་བྱིས་པ་ཞིག་གཉིད་འདུག 
ཕྱི་རོལ་དུ།  དགུན་ཁའི་མཚན་མོ།
མིག་ཟུང་བགྲད་པའི་ཤོ་རྡེའུ་འགྲིལ།

དོ་དགོང་གི་ཁ་བ་དང་སྨུག་པ།
ཟླ་འོད་ཀྱི་ཆུ་མོའི་མདུན་དུ་བསྐྱོད།
ང་ཚོའི་འཛུམ་མདངས། 
ཡུལ་ལ་ལོག་པའི་ལྗོན་གྲིབ་ལམ་བར་དུ་བགྲོད།

སུའེ་ཏེན་གྱི་སྙན་ངག་པ་ཋོ་མ་སྀ•ཋ་རན་སྀ་ཋོ་མེར་གྱི་སྙན་ངག ༼དགུན་ཁ༽