༄༅།། ནོར་འཁྲུལ་ནོར་འཁྲུལ་དུ་ངོས་འཛིན་ཤེས་པ་ནི་མི་གཞིའི་སྙིང་སྟོབས་ཤིག་ཀྱང་ཅི་ལ་མིན། དེ་བས་ནོར་འཁྲུལ་དང་དུ་ལེན་ཐུབ་ཚེ་རང་རྒྱུད་ལ་ཤེས་རབ་འཕེལ་ཞིང་ནང་སེམས་ཀྱི་ཞིང་སའི་དཀྱིལ་སྔར་ལས་ཡངས་བར་ངེས་མོད། དེ་ཡང་རང་ཉིད་འཚར་ལོངས་ཡོང་བའི་མཐུན་རྐྱེན་ལེགས་པོ་ཞིག་ཡིན་པར་འདོད་པ་ལས་ཕ་རོལ་པོར་སྐྲག་པའི་སྡར་མའི་ལས་ཚུལ་ཞིག་ག་ལ་ཡིན།

#微博[超话]# ༄༅། །ནམ་ཟླ་སྟོན་ཟླ་མགོ་མར་རླུང་བུས་ལྡང་།།
འདབ་ཆགས་སྣ་ཚོགས་ནམ་མཁའི་དབྱིངས་སུ་སྙེག།
ལྗོན་ཤིང་ཡལ་འདབ་ས་ལ་ཟགས་པའི་དུས།།
སེམས་པའི་གཏིང་ལ་གྲང་བའི་བསིལ་སྣང་ཟུག།

ལྗང་སྐྱ་གསེར་མདོག་ངོམ་པའི་རྩྭ་ཐང་གི་ཁ་མདོག།
སྟོན་ཟླ་བར་མར་མཐོང་དུས་སྐྱོ་ཉམས་ཤིག་ངང་ནས།།
རྩི་ཤིང་འཇག་མ་ཀུན་གྱིས་སྡུག་གླུ་ཞིག་བླངས་ནས།།
ང་ལ་སྐྱེལ་མར་བྱེད་པའི་སྣང་བ་ཞིག་ཤར་བྱུང་།།

མཛེས་ཤིང་སྡུག་པའི་དབྱར་ཟླ་བདེ་མོ་བྱོས།།
དགའ་ཞིང་སྤྲོ་བའི་སྟོན་ཟླ་འཛུམ་གྱིས་བསུ།།
བསིལ་ཞིང་འཇམ་པའི་སྦྲང་ཆར་བདེ་མོ་བྱོས།།
གྲང་ངར་ལྡན་པའི་ཁ་བ་དལ་གྱིས་བསུ།།

༄༅།།

ཡོང་དགོས་པ་དག་རང་བཞིན་གྱིས་ཡོང་པ་དང་། འགྲོ་དགོས་པ་དག་རང་བཞིན་གྱིས་ཤོར་འགྲོ། སེམས་དང་མི་འགལ་བར་སེམས་ལ་ཡང་མི་འཛིན། དེ་ལ་དོ་སྣང་མི་བྱེད་པར་བདག་འཛིན་མེད་པར་བྱེད་པ་ནི་ཆེས་བཟང་བའི་འཚོ་བའོ།

-------སྐྱབས་རྗེ་རྫོང་སར་མཁྱེན་བརྩེ་རིན་པོ་ཆེས། https://t.cn/EXKxUWv