རི་ལིར་བསྡད་དེ་ཡུལ་དབུས་ཀྱི་འགྲུལ་སྐྱོད་ལ་ཞུགས་ཐེངས་ཐོག་མ། 第一次乘坐绿皮火车去Lhasa. ཉལ་སའི་ནང་འུར་ཆེའང་ཟ་ཁང་ནང་སྐྱིད་པོ་འདུག འདི་ནི་གུས་པ་ལྷ་སར་འགྲོ་ཐེངས་ལྔ་པ་ཡིན་པ་འདྲ། https://t.cn/RxR3GoB

འཇའ་བཟུང་བ།

གློ་བུར་དགའ་བའི་མི་ལ་སྡང་ཡང་སྲིད། །
འཆར་ཡན་རི་བོའི་གཏོས་བཞིན་འཐིབ་ཀྱང་སྲིད། །
རང་གིས་རང་ལ་འཇའ་ཚོན་འབྲི་བ་འདི། །
ལན་རེར་སྤྲོ་ལ་ལན་རེར་དངངས་པའི་རྒྱུ། །

ཁྱེད་ཀྱི་ཞལ་ན་རྒྱ་གར་རྨ་བྱ་ཡོད། །
ངས་ཀྱང་ཁྱེད་ཀྱི་རྨ་བྱ་མཛེས་ཞེས་ཐལ། །
མི་རྟག་སེམས་འགྱུའི་སྣང་བ་ཐན་ཐུན་གྱི། །
སྐབས་ཚོར་སྐྱེན་པོ་འདི་ལ་ཆ་འཇོག་ཅི། །

རྨི་ལམ་གྱི་ངོ་གདོང་བཙན་པོ

མི་ཚོགས་ཀྱིས་དཔྱད་བརྗོད་མང་སར
མཁས་པ་ཡིས་གསུང་གླེང་མང་སར
གཟུར་གནས་ཀྱི་སྐད་ཆ་མང་སར
བདེན་པ་ཡི་ཞལ་འཛུམ་མང་སར

ངས་མྱུ་གུ་ཞིག་ལག་ཏུ་ཐོགས་ནས་
ངོས་གཙང་གི་ཤོག་ལྷེའི་སྟེང་ལ
མེས་པོ་རྣམས་ཀྱིས་ཟུངས་ཁྲག་གིས
བརླན་པའི་ཤེས་རིག་གི་སྙིང་བཅུད་འབྲི་ན་འདོད

ངས་ཤེས་རབ་ཀྱི་སྣེ་མོ་ལ་འཐམ་ནས
ལྷོད་ཆགས་པའི་མེ་ལོང་ངོས་ལ
མི་རིགས་ཀྱི་རུས་གསེང་ལ་འདྲེས་པའི
སྙིང་སྟོབས་དང་ཆོད་སེམས་གླེང་ན་འདོད

ངས་བྱམས་བརྩེ་ཡི་གཤོག་ཟུང་ལ་འཇུ་ནས
རིས་ཆད་ཀྱི་བསམ་བློའི་ཞིང་ས་ལ
ཆོས་ལུགས་ཀྱི་ར་བ་ལས་འདས་པའི
བརྩེ་བ་དང་སྙིང་རྗེ་ཡི་འོད་སྣང་སྒྲོན་ན་འདོད

ངས་མཐུན་སྒྲིལ་གྱི་ཚིག་རིས་ལ་ཆགས་ནས
སྡང་སེམས་ཀྱིས་བཅིངས་པའི་རྒྱལ་བོ་ལ
ཤེས་རབ་ཀྱི་འོད་སྣང་ལས་མཆེད་པའི
འཚེ་མེད་ཀྱི་སྤྱོད་པའི་དགེ་མཚན་བརྗོད་ན་འདོད

༢༠༢༣-༨-༢༢-ཉིན།