དགའ་སྐྱོར་ཆགས་སྡང་ཚོར་བ་གསོན་པོ་ཞིག།
ཕལ་བའི་མྱི་ཀུན་སེམས་ཀྱི་གཤིས་ལ་ཐོགས།།
ཁེར་རྐྱང་སྒེ་ཡོལ་གསེང་ནས་བལྟས་པ་ཡང་།།
མྱོང་བ་དབང་ལྔའི་ཡུལ་དུ་འབྱོར་བའི་སླད།།

ལོ་ཟླའི་རྐང་རྗེས་དཔྲལ་བའི་ངོས་སུ་བབས། །
འདས་པའི་རྨི་ལམ་དྲན་པའི་ངོགས་ནས་ཡལ། །
སྐྱིད་སྡུག་ལམ་སྣེ་གང་ལ་གཏད་ཀྱང་རུང་། །
འགྱུར་མེད་ཡིད་ཀྱི་འཁེན་ས་གནས་མལ་འདི། །

༼ཁེར་རྐྱང་།༽
སྐྱ་རིང་དང་མཉམ་དུ་འཚོལ་བཞིན་པའི་བདག་གི་ཡིད་སེམས་ཁེར་རྐྱང་། །
སྙན་ངག་ལ་དགའ་ཞིང་ཁེར་རྐྱང་ལ་དགའ་བའི་ཡིད་སེམས་ཁེར་རྐྱང་། །
ས་སྟོང་དང་ལུང་སྟོང་འཚོལ་བཞིན་པའི་བདག་གི་ཡིད་སེམས་ཁེར་རྐྱང་། །
རྟགས་དཔྱད་ལ་དགའ་ཞིང་བསལ་བློ་ལ་དུང་བའི་ཡིད་སེམས་ཁེར་རྐྱང་། །

ཧ་ཅིང་རི་མཐོན་པོ་ཞིག་གི་སྟེང་བསྡད་པའི་བདག་ཉིད་ཁེར་རྐྱང་། །
ལྷིང་འཇག་ལ་དགའ་ཞིང་དགའ་ཕྱོཊ་ལ་འབད་པས་བདག་ཉིད་ཁེར་རྐྱང་། །
ཕུགས་མདུན་ལ་དགའ་ཞིང་བདག་སེམས་ལ་དུང་བའི་བདག་ཉིད་ཁེར་རྐྱང་། །
བསམ་བློ་དང་གུས་བཀུར་མེད་པའི་མི་ལ་སུན་པའི་བདག་ཁེར་རྐྱང་། །