ཞེན་ཕྱོགས་སུ་བཤད་ན་བོད་ལྭ་གྱོན་ཞིང་བོད་ཡིག

首页发布

ཞེན་ཕྱོགས་སུ་བཤད་ན་བོད་ལྭ་གྱོན་ཞིང་བོད་ཡིག་ལག་ཏུ་ཐོག་པའི་རྒྱལ་ཁ་ནི་གོ་ལའི་ཁྲོད་ཀྱི་ཆེས་དཀོན་པའི་རྒྱལ་ཁ་ཡིན་པས། ཁྱེད་ཅག་དེ་དབང་བ་ནི་ཆེས་བསམ་ཡུལ་ལས་འདས་པའི་རྒྱལ་ཁ་ཞིག་ཅི་ལ་མིན། རྟེན་འབྲེལ་ཞུ།

ད་ཐེངས་ཀྱི་སྤོ་ལོའི་འགྲན་སྡུར་ཚང་མ་ལྟས་པ་ཡིན། ཆབ་མདོ་བས་ཡག་མོ་རྒྱབ་ཐལ། མི་འགའ་རེས་ངས་ཕྱོགས་ཞེན་གྱི་སྐད་ཆ་བཤད་ཀྱིན་འདུག་དྲན་སྲིད་མོད། འགྲན་སྡུར་གྱི་རྒྱུད་རིམ་ཚང་མ་ལྟས་ཚར་མཁན་ཞིག་ཡིན་ཕྱིན་གཏན་གཏན་ཏོག་ཙམ་ཧ་གོ་རྒྱུ་རེད། རྩེད་དཔང་（裁判）མི་དེ་དྲང་བདེན་ཞིག་རེད་མི་འདུག དོན་མེད་ཆབ་མདོ་ལ་གནད་སྐྱེལ་ཐལ།

གང་ལྟར་ཀྱང་ད་ཐེངས་“གངས་དཀར་བུམ་པ།”ཡི་རྐང་རྩེད་སྤོ་ལོའི་འགྲན་སྡུར་ཁྲོད་ཀན་ལྷོ་ལ་རྒྱལ་ཁ་ཨང་དང་པོ་རག་པར་བརྟེན་འབྲེལ་ཞུ། རྒྱལ་ཁ་ལོན་འདུག བོད་ལྭ་མཛེས་འདུག ཚུགས་གཙང་དེར་ངོ་བསོ་བསྟོད། ཁམས་པའི་ཕོ་རྒོད་ཚོའི་རུས་རྐང་དེ་ཀི་སྒྲ་ལས་ཆེ་ཙམ་ཞིག་བྱུང་ན་ཅི་མ་རུང་ཨཱ། ཨ་མདོའི་གསར་བུ་ངོ་མ་ངར་གིས། དུས་རྒྱུན་དུ་མིས་ཁམས་པའི་ཕོ་རྒོད་ཚོ་ཀུ་སྒྲ་ཆེ་རུང་དོན་རྩ་ཆུང་ཙམ་འདུག་ཟེར་གྱིན་འདུག ཅིས་མ་བདེན།

ཀཿཐོག་མཁན་རྒན་དམ་པ་སྐུ་ཞི་བར་གཤེགས་ནས་ལོ་འཁོར་དྲུག་ལོན་པའི་རྗེས་དྲན་དུ།

ཀ་མ་ལ་བཞིན་སྐུ༵་བཙུན་པ་ཞི་ཞིང་དུལ་བའི་ཚུལ་ཁྲིམས་ཀྱི་དྲི་བཟང་པོ་ནི་ཕྱོགས་དང་ཕྱོགས་སུ་འཐོར།
ཁ་གསལ་ཞིང་གསུང༵་བཙུན་པ་ཉོན་མོངས་དང་བྲལ་བའི་ཆོས་ཀྱི་གཏམ་བཟང་པོ་ནི་འཁོར་དང་སློབ་མར་སྨྲ།
ག་བུར་འཛིན་བཞིན་ཐུགས༵་བཙུན་པ་མུན་པ་མེད་ཅིང་ཤེས་རབ་འོད་ཀྱི་ཐུགས་རྗེས་ནི་སྐབས་དང་ཀུན་ཏུ་གཟིགས།
ང་བདག་ཞེན་འཛིན་གྱི་རྟོགས་པ་ངན་པ་དང་བྲལ་ཞིང་མ་རིག་མུན་པའི་དྲྭ་བ་སྟུག་པོ་ནི་སྔོན་མ་སྔོན་མ་ནས་བཅད།

ཅ་དག་ཅིང་ཐོས༵་པའི་ཤེས་རབ་བཟང་པོས་རྗོད་བྱེད་ཀྱི་ངག་རྣམ་པར་དག་པས་ཐེ་ཚོམ་མུན་པའི་དྲྭ་བ་ནི་རལ་གྲི་གནོན་པོས་རྩ་བ་དྲུང་ནས་བཅད།
ཆ་ཚང་བའི་བསམ༵་བྱུང་གི་ཤེས་རབ་བཟང་པོས་བརྗོད་བྱ་དོན་གྱི་སྙིང་པོ་གཏན་ལ་དབབ་པ་ལ་དོན་རྣམ་པར་ངེས་པའི་ཤེས་རབ་ནི་དང་པོ་དང་པོ་ནས་ཐོབ།
ཇ་བཟང་བཞིན་བསྒོམ༵་པའི་ཤེས་རབ་བཟང་པོས་དོན་ཉམས་སུ་ལེན་པ་གཟུང་འཛིན་འཁྲུལ་བའི་རྣམ་རྟོག་ཡོངས་སུ་སྤོང་བའི་རྟོགས་པ་ནི་ཐུགས་དང་རྒྱུད་ལ་འཁྲུངས།
ཉ་གང་བཞིན་ཐོས་བསམ་བསྒོམ་པའི་འབྲས་རྟགས་སུ་འཁོར་ལོ་གསུམ་གྱི་མཛད་པ་བཟང་པོ་བསྟན་དང་འགྲོ་བའི་དོན་ལ་ཆོས་འཁོར་ནི་རབ་དང་མཆོག་ཏུ་བསྐོར།