ཉི་ཟླ་གླིང་བཞིའི་ཁྲོད་ནས་རྒྱུ་བ་དང་།།
རི་དབང་ཆུ་གཏེར་གོས་དང་མ་བྲལ་བར།།
ཁོར་ཡུག་ས་འཛིན་གནས་པ་དེ་སྲིད་དུ།།
བདག་གི་བླ་མའི་སྐུ་ཚེ་བརྟན་གྱུར་ཅིག །

——— མཁས་གྲུབ་རྗེས།

བྱིས་པའི་དུས་ཆེན་བསུ།

ཀ་ཁ་མགྲིན་གླུ་སྙན་མོ་ངག་ནས་གྱེར་བཞིན།།
རྒྱུད་འཛིན་ཕ་སྐད་མ་ཡིག་མི་ཉམས་འཛིན་མཁན།།
ཕ་མའི་དྲིན་ཆེན་རྣམས་ཀྱིས་སྙིང་གི་གཅེས་ཕྲུག །
མི་ཚེ་འོད་སྟོང་འབར་བའི་དུས་ཆེན་བཀྲ་ཤིས།།

ཆུ་སྐྱེས་གསར་པ་འདྲ་པའི་བྱིས་པ་ཆུང་ཆུང་།།
ཡོན་ཏན་གསར་དུ་སྨིན་པའི་སློབ་ཕྲུག་བྱིས་པ།།
མ་འོང་ཕུགས་བསམ་དོན་དུ་སློབ་གྲྭ་ཉུལ་བའི།།
དབྱངས་གསལ་སྐད་ཡིག་མ་བརྗེད་ཕ་མའི་གཅེས་ཕྲུག།

ཕ་མའི་སྙིང་གི་ནོར་བུ་གཅེས་ཕྲུག་ཕོ་མོ།།
དྲུག་གཅིག་བྱིས་པའི་དུས་ཆེན་བཀྲ་ཤིས་བདེ་ལེགས།།
ཕ་མའི་ལྷན་འཛོམ་དུས་ཆེན་གང་བསམ་ལྷུན་འགྲུབ།།
གང་འདོད་ཡིད་བཞིན་འགྲུབ་པའི་སྨོན་ལམ་འདེབས་སོ།། https://t.cn/RJ7Tpqr

འབྲི་གུང་དཔལ་འཛིན་གྱིས།

གཡོ་སྒྱུ་ཅན་གྱི་བླ་མ་དང་། །
བླུན་དད་ཅན་གྱི་སློབ་མ་འདུས། །
ཆོས་སུ་བཅོས་པའི་མི་གིས་འཁྲུལ། །
ཆོས་མིན་སྟོང་གི་འཆད་ཉན་དར། །
ཇི་ལྟར་ཆོས་ལོག་དར་གྱུར་པ། །
དེ་ལྟར་ཡང་དག་དམ་ཆོས་ནུབ། །
དེ་ཕྱིར་བསྟན་པའི་བྱ་ར་བ། །
ཡོད་ན་ཆོས་ལ་བརྟག་པར་བ། ཞེས་གསུངས།