ན་ནིང་ལོ་འཇུག་ནས་གོ་ལ་ཡོངས་ལ་འཕྲུལ་མི་ཁ་བརྡ་བ་ Chat GPT དར་ཁྱབ་ཆེན་པོ་བྱུང་ཡོད།
ང་ཚོ་བོད་རང་གི་ཡིག་ཐོག་ནས་འཕྲུལ་མི་ཁ་བརྡ་བ་ཐོག་མ་༼ཁེ་པ་འཕྲུལ་མི་༽ཞེས་པ་ཞིག་ཡང་ཐོན་འདུག
#chatgpt#

ངུ་བཞིན་པའི་སྐར་བཟང་སྒྲོལ་མ་ལགས།

རྩོམ་པ་པོ། ཚ་བ་མདའ་སྨྱུག

མཛེས་མ་ཕལ་ཆེར་འཛུམ་པའི་ཚེ་ན་མཛེས།།
མཛེས་པའི་ཆེད་དུ་འགའ་ཞིག་བཙན་གྱིས་འཛུམ།།
མཛེས་མ་མེ་ཏོག་ངུ་བའི་ཚེ་ན་ཡང་།།
མཛེས་མ་གཞན་དག་འཛུམ་པ་ལས་ཀྱང་མཛེས།།

2007-8-19 11:14:00

ངས་ཁ་ཡག་བཤད་ལེ་མིན།

འཛམ་གླིང་ཕྱོགས་གཅིག་བཞག་པ་དང་།།
སྐལ་བཟང་ཕྱོགས་གཅིག་བཞག་པ་གཉིས།།
གལ་ཏེ་ང་ལ་གདམ་ཡོད་ན།།
སྐལ་བཟང་མེ་ཏོག་ལེན་པར་ངེས།།

2007-11-22 12:35:00

མེ་ཏོག་ལྟ་བུའི་མཛེས་མ་མེ་ཏོག

གང་ལ་ཕོག་པའི་མི་དེ་ཡི།།
གཟུགས་མེད་སེམས་ཀྱང་འཆིང་ནུས་པའི།།
ཁྱོད་ཀྱི་མིག་གིི་འོད་ཟེར་དེ།།
རྫུ་འཕྲུལ་ཞགས་པ་མ་ལགས་སམ།།

2008-1-12 12:59:00

མོས་ང་མི་ལོ་བཟོས་སོང་།

སྐལ་བཟང་མེ་ཏོག་ཟེར་བའི་འདྲེ་མོ་དེ།།
གལ་སྲིད་འཇིག་རྟེན་ཁམས་འདིར་མེད་གྱུར་ན།།
ངས་ནི་ཁམས་གསུམ་འཁོར་བའི་ཕུན་ཚོགས་ཀུན།།
མཆིལ་མའི་ཐལ་བ་བཞིན་དུ་འདོར་བར་ངེས།།

2008-1-14 14:27:00

སླར་ཡང་སྐལ་བཟང་མེ་ཏོག་དྲན་པ།

མཛེས་པ་ཚེ་སྐྱིད་གླེང་མཁན་མང་ཡང་མིག་གི་ནང་ལ་འོང་མྱོང་མེད།།
མཛངས་མ་ཆུ་ཆིག་སྐད་གྲགས་ཅེ་ཡང་སེམས་ཀྱི་ཟུར་ལ་འཁོར་མྱོང་མེད།།
གླུ་མ་མེ་ཏོག་རིག་ནས་བཟུང་སྟེ་འཁྱམ་པོའི་ལུས་ངག་ཡིད་གསུམ་ཀུན།།
གླུ་མ་མེ་ཏོག་རིག་ནས་བཟུང་སྟེ་འཁྱམ་པོའི་ལུས་ངག་ཡིད་གསུམ་ཀུན།།
བདེ་དང་ལྷོད་ལ་འབབ་རྒྱུ་མི་འདུག་ཀྱི་ཧུད་ད་ནི་དཀན་མཆོག་མཁྱེན།།

2007-12-27 17:50:00

ས་འཇིག་རྟེན་སྟེང་གི་བུ་མོ། སྐལ་བཟང་མེ་ཏོག

མཁའ་ལ་འཕུར་བའི་སྤྲིན་དཀར་འདི་ནི་ཁྱེད་ཀྱི་འཛུམ་ཆུང་ཨེ་ཡིན་ལགས།།
ས་ལ་འབབ་པའི་ཆུ་གཙང་འདི་ནི་ཁྱེད་ཀྱི་སྤྱན་ཆབ་ཨེ་ཡིན་ལགས།།
རྨི་ལམ་ནང་གི་མེ་ཏོག་དེ་ནི་ཁྱེད་ཀྱི་ཞབས་རྗེས་ཨེ་ཡིན་ལགས།།
སྙན་ངག་ཁྲོད་ཀྱི་རོལ་དབྱངས་དེ་ཡང་ཁྱེད་ཀྱི་ལང་ཚོ་ཨེ་ཡིན་ལགས།།

2007-12-1 12:29:00

གླུ་མ་སྐལ་བཟང་མེ་ཏོག་ལ་ཕུལ།

ཁྱོད་ནི་ནམ་མཁའི་ལྷ་མོ་ལགས་པས་མཇལ་བའི་སྐུ་བསོད་བདག་ལ་མེད།།
ཁྱོད་ནི་སྤང་གི་འཇའ་ཚོན་ལགས་པས་ཟིན་པའི་རེ་བ་བདག་ལ་མེད།།
ཁྱོད་ནི་སྲས་མོ་སྐུ་ཞབས་ལགས་པས་འགྲོགས་པའི་ཆ་རྐྱེན་བདག་ལ་མེད།།
འོན་ཀྱང་ལྐོག་ལྐོག་ཞབས་ཞབས་འདི་ནས་ཁྱོད་ལ་དགའ་ན་ཨེ་ཆོག་ལགས།།

ཁྱོད་རང་བཞུགས་སའི་ས་ཆ་ཡིན་ན་ས་ཆ་གཞན་ལས་སྐྱིད་པས་ཁྱབ།།
ཁྱོད་ཀྱིས་མཆོད་པའི་ན་བཟའ་ཡིན་ན་ན་བཟའ་གཞན་ལས་མཛེས་པས་ཁྱབ།།
ཁྱོད་ཀྱིས་བླངས་པའི་གླུ་དབྱངས་ཡིན་ན་གླུ་དབྱངས་གཞན་ལས་སྙན་པས་ཁྱབ།།
ཁྱོད་ཀྱིས་བཏང་བའི་རྟུག་དྲི་ཡིན་ན་རྟུག་དྲི་གཞན་ལས་ཞིམ་པས་ཁྱབ།།

མི་རྐྱང་ང་ལ་ཁྱོད་རང་མ་གཏོགས་དྲན་རྒྱུ་གླེང་རྒྱུ་སུ་ཡང་མེད།།
དྲན་ཚད་གླེང་ཚད་སྟོང་པ་ཡིན་པར་ཧ་ཅང་གསལ་བོར་ཤེས་བཞིན་ཡོད།།
ཤེས་བཞིན་ཤེས་བཞིན་དྲན་ནས་གླེང་བའི་ལྐུགས་པ་ཨི་ཚུགས་བྱེད་མཁན་ང་།།
ང་རང་ང་རང་ཚིག་པ་ཟ་ནས་མགོ་བོ་རྡོ་ལ་རྡུང་དགོས་བྱུང་།།

2008-3-5

14:17:00

࿐སྔ་འགྱུར་བསྟན་པའི་གཙོ་འཛིན་ཁྲི་རབས་གསུམ་པ ༧ སྐྱབས་རྗེ་ཉེ་བའི་རིགས་བདག་གྲུབ་དབང་པདྨ་ནོར་བུའི་གདན་ས་རྒྱ་གར་རྣམ་གྲོལ་གླིང་ནས་མཁན་པོ་དང་མཁན་མོ ༢༨༠ མངའ་གསོལ་གྱི་མཛད་སྒོ་གནང་བ། 贝诺法王在印度南部创办白玉“南卓林佛学院” 今年毕业堪布堪母280位分布不同四个国籍人员『尼泊尔不丹印度西藏』等地[玫瑰][玫瑰][合十][合十][合十]