སྐབས་རེར་དཔེ་ཆའི་བྲན་དུ་གྱུར་བ་ལས་དཔེ་ཀློག་དང་རིང་དུ་བཀྱེད་དེ་ལས་གཞན་ཞིག་ལ་ཕྱོགས་ན་དྲན་མོད།ཡང་འཚོ་བའི་རྒྱུན་གོམས་སུ་གྱུར་འདུག་པས་བློས་གཏོང་མི་བྲ་བ་ལྟ་བུ་རེད།

[干杯]

སེམས་གསོའི་ངག

ཟླ་བ་ཁྱོད་ནི་སྐྱོ་སྐྱོའི་ཡོལ་བ་བགོས།།
འུག་སྐད་གཉོམ་པོ་དེ་ཡང་བོར་སོང་བས།།
མི་ཚོགས་ངོ་གདོང་གཡོལ་བའི་རི་སུལ་ན།།
ཤིན་ཏུ་རྙིད་པའི་ཐ་སྙད་སྙིམ་པ་གང་།།
ངས་ནི་འཆར་ཡན་འཐོར་བའི་མེ་ཏོག་ཅིག།
ཡིན་ནོ་སྐད་དུ་ཁེར་རྐྱང་སེམས་པ་གསོས།།

༡༧ ཆུ་སྟག ༢ ༤
༢༠༢༢ ༥ ༤

• ཚོར་བའི་ཧང་གཏམ།

ཞིབ་ཏུ་བསམས་ན།
ངས་ཕྱི་ནང་ག་ལའང་ལེ་བདའ་མི་ཕོད།
བཟང་ངན་ཡོད་ཚད་རང་གི་སེམས་ཀྱིས་བྱས་པ་འདྲ།

ག་རེར་སེམས་ན།
ངས་གཞན་ལ་སྐྱོན་བརྗོད་མི་ཕོད།
གཞན་གྱི་སྐྱོན་ཆ་ཐམས་ཅད་རང་ལ་ཡོད་པ་འདྲ།

འདང་རེ་བརྒྱབས་ན།
ངས་སུ་ལའང་ཚུལ་འཆོས་ཆེན་པོ་བྱེད་མི་ཕོད།
མཇུག་འབྲས་ཀྱིས་འཁྲབ་སྟོན་མི་བྱེད་པ་འདྲ།

ལན་རེར་བསམས་ན།
ངས་གཞན་ལ་ཕྲག་དོག་ཆེར་མི་ཕོད།
ཕྲ་དོག་གིས་རང་ཉིད་ཕུང་བཞིན་ཡོད་པ་འདྲ།

ལྷོད་ཀྱིས་བལྟས་ན།
ངས་གཞན་ལ་ངོ་བསྟོད་ཆེ་ཆེར་མི་ཕོད།
ངོ་བསྟོད་ཀྱིས་རང་ཉིད་ལད་བཞིན་ཡོད་པ་འདྲ།

བསམ་ཞིང་བསམས་ན།
ངས་འཇིག་རྟེན་ལ་བདེན་རྫུན་གང་ཡང་མི་ཕོད།
ད་དུང་རང་སེམས་རང་གིས་བདག་བྱེད་མི་ཐུབ་པ་འདྲའོ། །