#微博[超话]# ༄༅། །མུ་མཐའ་བྲལ་བ་དེ་མཚོ་མོ་མ་ཡིན་པར་མཚོ་ཁའི་ངང་པ་འདིའི་གྱེས་གདུང་རེད།སྟོན་རླུང་བསིལ་བུས་མཚོ་ངོགས་སུ་གཉེར་རིས་སྣ་ཚོགས་གཅིག་རྗེས་གཉིས་མཐུད་དུ་དེད་ཡོང་བ་ནི་ངང་པའི་ཁྲེང་ཞེན་གྱི་ཕྱིར་མིག་དང་མཚུངས་ལ། བདག་གིས་འཚོལ་བཞིན་པའི་སྔར་སོང་ཕྱིར་དྲན་དེ་ཡང་དེ་དང་མཚུངས།

#微博[超话]# ༄༅། །གནས་གངས་ཅན་ལྗོངས་ཀྱི་ཡུལ་འདི་ན།།
རི་མཐོན་པོ་གནམ་གྱི་ཀ་བ་ཡོད།།
མཚོ་དམའ་མོ་གཡུ་ཡི་མཎྜལ་ཡོད།།
གངས་དཀར་པོ་ཤེལ་གྱི་མཆོད་རྟེན་ཡོད།།
སྤང་སེར་པོ་གསེར་གྱི་ལྷུན་པོ་ཡོད།།
དྲི་ཞིམ་པོ་སྨན་གྱི་བདུག་སྤོས་ཡོད་།།
ཚོན་བཀྲ་བ་གསེར་གྱི་མེ་ཏོག་ཡོད།།
དབྱར་བཀྲ་བ་གཡུ་ཡི་མེ་ཏོག་ཡོད།།
དུས་དགུན་གསུམ་དཀར་པོ་ཤེལ་གྱི་མདོག།
དུས་དབྱར་གསུམ་སྔོན་པོ་གཡུ་ཡི་མདོག།
དུས་སྟོན་གསུམ་སེར་པོ་གསེར་གྱི་མདོག།
དུས་དཔྱིད་གསུམ་ཁྲ་བོ་གཟི་ཡི་མདོག།
མདོག་ཕུན་སུམ་ཚོགས་པའི་རི་བོ་ལ།།
དུས་རྟག་ཏུ་བལྟས་ཀྱང་ངོམ་པ་མེད།།

༄༅། །ཁྱོད་ཀྱི་ལྷག་བསམ་ཁྱོགས་ལ་མ་བླངས་པའི། །

ལུས་ཅན་ཕན་བདེའི་ཁུར་ནི་ཅང་མ་མཆིས། །

རླབས་ཆེན་སྤྱོད་པ་ཀུན་གྱི་མཐར་སོན་པ། །

སྙིང་སྟོབས་རྨད་དུ་བྱུང་ལ་གསོལ་བ་འདེབས། །