【娛樂頭條】有個閨密叫祖藍丨碌爆人情卡請女性閨密 定「三不規條」唔怕激嬲老婆李亞男

由TVB首席創意官王祖藍擔任主持的全新綜藝節目《有個閨密叫祖藍》，將於本月31日（周日）起播映。出名異性朋友多多的祖藍，為了《閨密》可謂碌盡人情卡，先後請來老友、知心朋友及新認識的啱傾好友雲集新節目，且覆蓋年齡層甚廣，最年青有最近憑《聲生不息》人氣急升、17歲的炎明熹（Gigi），最資深代表則是與祖藍同走搞笑路線、58歲的苑瓊丹。

祖藍真係「美女磁石」，同圈中好多美女都成為閨密。

祖藍還邀請另外六位嘉賓蔡少芬、胡杏兒、薛凱琪、容祖兒、楊千嬅及陳松伶，眾人之間的共通點 ，就是與祖藍一樣「夠晒無聊」，小小事都可以玩到不亦樂乎。為了讓八位嘉賓傾得盡興、玩得過癮，祖藍刻意將拍攝日程安排得「有咁忙得咁忙」，每集嘉賓除了要完成指定的「閨密任務」，更要按節目組及祖藍「心情」額外被加碼其他小遊戲，當中有小學雞級別的、「互相傷害」Mode、「真情」Mode、烹飪鬥室及時光倒流情景題等，務求讓觀眾及嘉賓每一刻都有驚喜。祖藍受訪時笑言：「拍呢個節目真係好忙，都辛苦節目組度咗咁多嘢出嚟。最搞笑係，每個上完嚟嘅嘉賓，都同我投訴話：『乜唔係上嚟傾偈㗎咋咩？點解忙得咁緊要㗎？好攰呀！』」

祖藍話一直都唔知自己激嬲過蔡少芬。

同炎明熹係新認識、而且好啱傾嘅好朋友。

祖藍同苑瓊丹都係走搞笑路線，難怪咁啱傾。

談到宣傳片中與女嘉賓有不少親密接觸怕否激嬲太太李亞男，祖藍聞言笑笑口謂：「我老婆識咗我咁耐，都知我真係有唔少異性好友，但佢相信我係清白嘅。不過佢為咗安心起見，都喺節目一開始透過節目組同我約法三章，仲定埋『三不規條』，係咩就唔講住，大家睇第一集就知㗎喇，亞男同我囡囡都會周不時喺節目『客串』。」祖藍又謂拍攝過程最讓他驚喜的，是有些「閨密」的心事，也是透過這個節目才知曉：「好似第一集嘉賓蔡少芬咁，原來佢嬲過我嘅，但我當時真係完全唔知，我事後聽番都覺得自己好過份。」祖藍又透露由於節目拍攝期間撞正內地爆疫情，故邀約嘉賓及拍攝過程不無阻滯，幸好節目最終能順利完成，並希望能為觀眾帶來歡樂。

同薛凱琪食大餐。

祖藍話每集嘉賓都有「閨密任務」，其中有松松姐姐。

老婆李亞男一開始透過節目組同祖藍約法三章，仲定埋「三不規條」。

咁恩愛，梗係唔怕老婆嬲啦。

#王祖蓝[超话]#

搞个新置顶玩玩
- 苦逼医学生，期末周有事烧纸（。）
- 不听歌会死的ISFP/蛇院人
- i浓颜i猫系i修勾i郑迪i音乐剧
- 周深深妈粉，徐均朔女友粉，郑棋元一见钟情无条件偏爱粉，王晰你再不营业我就脱粉[彩虹屁]
- 郑棋元，我命中注定永远的老婆
- 深呼晰和元与均棋是ing
- 望周知，徐均朔是我老公和郑棋元是我老婆不影响他俩do
- 恐普男，男人离我远点
- 首页美女请来跟我贴贴[舔屏]
- wzry+哈皮马玩家【差生文具多。
- 在努力奔赴剧场的路上
- 大众雷点
- 对不起我担的记仇↓
刘/同/周/艺/轩/黄/子/弘/凡

演暖男Oppa入晒屋的男神#周柏豪#，突襲繽FUN星網節目《串椒3姊妹》，使盡渾身解數電暈「50+」姐姐#梅小惠#、#曾華倩#及#江欣燕#，他更自爆與梅小惠「姻緣」早注定，對方堪稱他生命中的「第一」；又曾獲曾華倩帶挈賺錢，當正她是貴人，口甜舌滑冧爆姐姐們！雖然氹女有一手，但他笑言始終難敵「前世情人」，被囡囡Sonya食住！
周柏豪憑劇集《#多功能老婆#》中暖男「浩田」一角冧盡萬千女生，同樣被迷倒的3姊妹為支持男神，特意自費買入其品牌的顏色Tee，着住錄製節目，令柏豪相當驚喜：「又感動又唔好意思！」並隨即送上品牌吉祥物、在《多》劇大受歡迎的「阿肥」貓星俠絕版公仔作回禮，非常有心。
柏豪雖然已為人父，但36歲的他面對一班「姐姐」即變「小鮮肉」，當中大他19年的曾華倩笑說：「我主持《430穿梭機》嗰陣，你都未出世呀！」但柏豪揚言對3位「姐姐」非常熟悉，當中與梅小惠最有淵緣，因早在童年已有一面之緣，他說：「細個有次去尖沙咀，媽咪拖住我，你就正面行過嚟，媽咪話你係我第一個見嘅明星，嗰時我大約4、5歲。」梅小惠即說：「重點係你媽咪當我係明星！」又搞笑說：「原來小惠姐姐喺你細細個已經種下我哋嘅姻緣！」柏豪又指入行初期曾與曾華倩合作，更被帶挈贏大錢：「我入行做過一個投資嘅綜藝節目，嗰陣我哋一組，贏咗成4萬幾蚊！」
被「前世情人」Head住
談及演暖男入型入格，現實中的他同樣是暖男一名，入行前已跟老婆拍拖的他，坦言老婆從未因其緋聞擔心：「反而係佢畀信心我，我做任何嘢，佢都會支持我。」又透露與老婆是在時裝店偶遇一見鍾情，後來在交友網相認，才發現是鄰居，非常有緣！雖然老婆給予無限空間，但他笑指女兒出世後已「還清」：「依家冇嘢代替到我個女，所有嘢都淨係諗佢，我老婆15年嚟都冇治過我，終於有個人治到我！」