དཔལ་ལྡན་རྩ་བའི་བླ་མ་རིན་པོ་ཆེ། །

具德根本无上大宝师

བདག་གི་སྙིང་ཁར་པད་ཟླའི་སྟེང་བཞུགས་ལ། །

安住于我顶尖莲月轮

བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། །

大恩难得门中随摄引

སྐུ་གསུང་ཐུགས་ཀྱི་དངོས་གྲུབ་བརྩལ་ཏུ་གསོལ། །

身语意三悉地使我成

སྐྱབས་གསུམ་ཀུན་འདུས་གྱི་ངོ་བོ་བཀའ་དྲིན་གསུམ་ལྡན་གྱི་བླ་མ་རྡོ་རྗེ་འཆང་ཚེ་རབས་ཐམས་ཅད་དུ་འབྲལ་བ་མེད་པར་བདག་རྗེས་དུ་གཟུང་དུ་གསོལ།
总摄三皈依之体性 具三恩的上师金刚持 祈祷您于一切世 慈悲摄受不离我等诸众生

སྤྱིར་ན་ད་ལྟའི་རྒྱུད་འགྱུར་པྲོག་གསར་གློ་ཚད་ཀྱི་ཆམ་ནད་ནི་སྐྲག་དགོས་པ་ཞིག་མིན་ཡང་། རྫུན་འཆལ་བཀག་སྡོམ་ཟུར་བཀར་ཉེན་བརྡ་སོགས་ཀྱི་འཁྲབ་སྟོན་གྱིས་འཇིགས་འཇིགས་འདྲ་ཞིག་ཏུ་བསྒྱུར། རང་གི་ཁོར་ཡུག་ཏུ་ནད་པ་མང་པོ་རྩྭ་སྐྱ་མེ་ལ་ཤོར་བ་བཞིན་བྱུང་དུས། རྒྱ་སྟག་ཡིན་སྐད་པ་དག་ཚང་དུ་ཡིབ། འཕྱི་བ་དག་ཁུང་དུ་འཛུལ། གཡུང་མོ་ལུག་དག་རླུང་ཁར་འགྲེང་། བྱིའུ་མ་དག་ཚང་མལ་གྱི་ཁར་རུབ་རུབ་བྱེད། གནད་འགག་གི་སྐབས་འདིར། དཔའ་བོ་ངོ་མ་ནི་བྱེའུ་མ་དག་རེད།

༈ སྒོམ་བྱུང་རྟོག་བྲལ་མ་འཁྲུལ་བ།། རྣལ་འབྱོར་མངོན་སུམ་མཚན་ཉིད་ཡིན།།

༼༡གཞུང་གང་ལས་བསྟན། མདོ་ལས། རྣལ་འབྱོར་རྣམས་ཀྱི་བླ་མས་བསྟན།། མ་འདྲེས་པ་ཡི་དོན་ཙམ་མཐོང་།། ཞེས་དང་། རྣམ་འགྲེལ་ལས། རྣལ་འབྱོར་ཤེས་པ་སྔར་བཤད་པ།། དེ་དག་གི་བསྒོམ་བྱུང་ཡིན། ཞེས་པས་བསྟན།
སྒྲུབ་བྱེད་ཀྱི་ལུང་ནི། ལེགས་བཤད་སྣང་གཏེར་ལས། གཞན་སེམས་ཀྱི་སྐྱོན་ཡོན་ནི་རྣལ་མངོན་པ་མེད་པ་ཕལ་གྱི་མངོན་སུམ་མིན་ལ། ཞེས་དང་། ཚད་མ་གང་ཡིན་ན་སྔར་བཤད་པའི་བདེན་བཞིའི་དངོས་པོ་མི་རྟག་པ་ལ་སོགས་པ་བཞིན་དུ་ཡུལ་གྱི་གནས་ཚུལ་དང་མཐུན་པར་སྣང་བའི་བསྒོམས་བྱུང་མངོན་སུམ་གང་ཞིག དོན་ལ་བསླུ་བ་མེད་པ་ཅན་གང་ཡིན་པ་དེ་དག་བསྒོམས་པ་ལས་བྱུང་བའི་རྣལ་འབྱོར་མངོན་སུམ་ཚད་མར་འདོད་ལ། ཞེས་གསུངས་པ་དང་། དབུ་མ་རྒྱན་གྱི་རྣམ་བཤད་ལས། དེའང་སྤྱིར་བསྒོམས་པ་ལ་བརྟེན་ནས་སྐྱེས་པའི་རྟོག་བྲལ་འཁྲུལ་མེད་ཀྱི་ཤེས་པ་རྣལ་འབྱོར་མངོན་སུམ་གྱི་མཚན་ཉིད་ཅེས་བྱའོ།། ཞེས་སོ།། རིགས་པ་ནི། གཞན་དུ་སོ་སྐྱེ་རྒྱུད་ཀྱི་གཞན་སེམས་ཤེས་པའི་མངོན་སུམ་དེ་མངོན་སུམ་བཞི་གང་དུ་ཡང་འདུ་བར་མི་འགྱུར་ཏེ། དེ་རང་གི་ངོ་བོ་མྱོང་བའི་ཆ་ནས་མ་བཞག་པས་རང་རིག་མིན། འཛིན་སྟངས་ཀྱི་ཡུལ་ཕྱི་དོན་དུ་མ་གྲུབ་པས་དོན་རིག་གཉིས་མིན། ཡང་དག་པའི་དོན་མཐོང་བ་མ་ཡིན་པས་རྣལ་འབྱོར་མངོན་སུམ་ཡང་མ་ཡིན་པར་ཐལ་བའི་ཕྱིར། འདོད་ན། མངོན་སུམ་བཞིའི་དབྱེ་བ་དེ་གྲངས་ངེས་ཀྱི་དབྱེ་བ་མ་ཡིན་པར་འགྱུར་རོ།།
༼༢ རྣལ་འབྱོར་མངོན་སུམ་གྱི་མཚན་ཉིད་ཀྱི་དོན་ཅུང་ཟད་བཤད་ན་ཟུར་ཕྱི་མ་གཉིས་སླ། ཟུར་དང་པོ་སྒོམ་བྱུང་གི་དོན་གང་ཞེ་ན། དང་པོ། འདོན་སེམས་རྩེ་གཅིག་པའི་རྒྱུན་དེ་སྒོམ་བྱུང་དུ་འགྲོ་ཚུལ་ནི།
དང་པོར་ཤིན་སྦྱངས་ཕྲ་བ་བྱུང་ཡང་རྟོགས་མི་ནུས། དེ་ནས་སེམས་ཤིན་སྦྱངས་ཐོབ་པའི་ལྟས་སུ་ཀླད་པ་ལྕི་བེམ་པ་སྙམ་བྱེད་པ་སྐྲ་འབྲེགས་པའི་མགོ་ལ་རེག་པ་ལྟ་བུ་འབྱུང་། དེ་ནས་སེམས་ཀྱི་གནས་ངན་ལེན་འབྲལ་བྱེད་ཀྱི་སེམས་ཤིན་སྦྱངས་ཐོབ། སེམས་ཀྱི་གནས་ངན་ལེན་ནི། སེམས་དགེ་བའི་ཕྱོགས་སུ་བཀོལ་དུ་མི་བཏུབ་པའི་སྒྲིབ་པ་ཞིག་ཡིན། སེམས་ཤིན་སྦྱངས་དེའི་སྟོབས་ཀྱིས་ལུས་ལ་རླུང་རྒྱུ་བར་བྱེད། རླུང་དེས་རྒྱུ་བྱས་ནས་ལུས་ཀྱི་གནས་ངན་ལེན་འབྲལ་བྱེད་ཀྱི་ལུས་ཤིན་སྦྱངས་རེག་བྱ་འཇམ་པ་དང་ཡང་བའི་བདག་ཉིད་ཅན་ཞིག་ཐོབ། ལུས་ཀྱི་གནས་ངན་ལེན་ནི་ལུས་དགེ་བའི་ཕྱོགས་སུ་བཀོལ་དུ་མི་བཏུབ་པར་བྱེད་པའི་རེག་ལྕི་བ་དང་ཡང་བའི་བདག་ཉིད་ཅན་ཞིག་ཡིན། ལུས་ཤིན་སྦྱངས་ཀྱི་སྟོབས་ཀྱིས་ལུས་ལ་འོ་མའི་རྒྱུན་གྱིས་བྲན་པ་ལྟ་བུའི་ལུས་ཤེས་ཀྱི་འཁོར་དུ་ཚོར་བ་བདེ་བ་ཞིག་འབྱུང་། དེ་ནི་ལུས་ཤིན་སྦྱངས་ཀྱི་བདེ་བ་ཡིན། དེའི་སྟོབས་ཀྱིས་ཡིད་ཤེས་ཀྱི་འཁོར་དུ་ཚོར་བ་བདེ་བ་ཞིག་འབྱུང་། དེ་ནི་སེམས་ཤིན་སྦྱངས་ཀྱི་བདེ་བ་ཡིན། དེ་དང་མཚུངས་ལྡན་གྱི་ཏིང་འཛིན་ལ་དགའ་བའི་གཡོ་ཆ་ཡོད་པས་སྒོམ་བྱུང་མིན།
སེམས་ཤིན་སྦྱངས་ཀྱི་བདེ་བ་དང་མཚུངས་པར་ལྡན་ཡང་བདེ་བའི་གཡོ་ཆ་དང་བྲལ་བའི་ཏིང་ངེ་འཛིན་ནི། ཞི་གནས་དང་སྒོམ་བྱུང་གོང་མའི་སེམས་སུ་གྱུར་པ་ཡིན། གཉིས་ལ། དེ་འདྲའི་ཤིན་སྦྱངས་ཁྱད་པར་ཅན་ཡིན་པའམ་དེ་དང་མཚུངས་ལྡན་གྱི་བློ་དེ་སྒོམ་བྱུང་གི་དོན་ཡིན་ནོ།། དེས་ན། སྒྲ་སྤྱི་ཙམ་གྱི་སྒོ་ནས་ངེས་པ་རྙེད་པའི་རྟོག་པ་ནི་ཐོས་བྱུང་གི་རྟོག་པ་དང་། དོན་ལ་ངེས་པའི་རྙེད་པའི་རྟོག་པ་དེ་བསམ་བྱུང་གི་རྟོགས་པ་དང་། ཤིན་སྦྱངས་ཁྱད་པར་ཅན་གྱིས་ཟིན་པའི་རྟོག་པ་དེ་སྒོམ་བྱུང་གི་རྟོག་པ་ལ་བཞེད་མཁན་ཡོད། སྒོམ་བྱུང་ཡིན་ན་རྟོག་པ་ཡིན་པས་མ་ཁྱབ་བོ།།
༼༣དོགས་པ་ནི། རྣལ་འབྱོར་མངོན་སུམ་ཡིན་ན་བདེན་བཞིའི་ཆོས་ཉིད་ལ་མ་འཁྲུལ་བ་ཡིན་དགོས་པར་ཐལ།
རིགས་ཐིགས་ལས། ཡང་དག་པའི་དོན་བསྒོམས་པའི་རབ་ཀྱི་མཐའ་ལས་བྱུང་བ་རྣལ་འབྱོོར་རྣལ་འབྱོར་པའི་ཤེས་པའོ་ཞེས་གསུངས་པའི་ཕྱིར་ཞེ་ན། གཞུང་དངོས་བསྟན་ཙམ་གྱི་དབང་དུ་བྱས་པ་ཡིན་ཟེར་དགོས་སམ་དཔྱད་དོ།། https://t.cn/R2Wx150