昨日東網爆出無綫多位台前幕後被走數，其中同樣中伏的無綫導演Eddie爆料，指人稱「Simon」的前TVBI經理，自2009年開始向他借錢，前後借款共13萬元，因有人久久未清數，故於日前報警求助，原來「Simon」更曾以不同原因，向多位藝人包括林夏薇及莊思明等埋手借錢。
捲入借錢不還風波，Simon終於「現身說法」，今日接受東網訪問，承認因經濟問題，先後問過多位藝人朋友借錢，但他多次強調自己並不是偷呃拐騙，否認是騙徒，雖然現時誠信破產，但並非不負責任，又感謝為他紓困的藝人朋友。問到Simon為何不還錢給導演Eddie、林夏薇及林盛斌等人時，他說：「其實我個電話一路都冇改過，入行到依家都係呢個電話號碼，Eddie冇同我聯絡過，佢冇追過我，受害人可以心平氣和同我傾。（佢報咗警喎！）咁警方有冇受理到？有文件、證據可以攞出嚟。」
問到Simon為何不主動聯絡借錢給他的「債主」朋友，他聲稱是電話問題：「我之前啲電話冇back up，我換電話時好多電話冇咗，舊同事部分電話都冇咗，其實話我搞到啲人中伏係乜嘢意思呢？我係同佢哋有個deal，話settle咗、環境許可下我就會還錢，呢2、3年自己經濟陷入低潮，冇一個藝人追過我錢，咁我又何謂騙徒？」
Simon多次強調跟藝人「有deal」有協議，直言不認為他們是中伏：「大家係有個deal，唔屬於中伏。（唔用中伏咁用乜嘢詞語形容？）我唔知，因為我唔係專業。」再問他打算何時還錢給涉事的台前幕後包括Eddie時，他又說：「呢個我唔需要答你，呢啲係我同藝人個deal，工作同環境許可下，我會逐一歸還，我Simon唔係一個借錢唔還嘅人。」
他又指如果大家沒有他的電話號碼，可以透過多個社交平台聯絡他，又表示歡迎導演Eddie致電給他，對於Eddie已報案，問到Simon會否擔心時，他說：「唔擔心，偷呃拐騙入面，我唔屬於任何一樣，係大家你情我願下借畀我。我都想同所有藝人、受影響嘅人致歉。」

執野，將啲嘢飲放埋一齊；痴線買咗咁多。有啲仲要三四月就過期，雪櫃仲有蘋果醋、果汁、果味奶、益力多、牛奶。我哋成日都飲完一兩次又想飲新口味，買咗返嚟就會剩底，crazy。｜打邊爐剩低嘅魚蛋，我唔知買$20呢種細粒嘅會有成大袋，搞到打邊爐食一批，當餸食有一批。早知買大粒嘅｜同埋蒸桂花魚拎錯醬，拎李錦記嘅蒜蓉豆豉醬，但係拎錯黑椒醬。查落條魚度覺得，點解啲味道唔似蒜蓉豆豉嘅？認真聞黑椒味咁，搞到又要洗過條魚再整過

前港姐冠軍#馮盈盈#去年12月自爆與醫生男友分手，一直自稱單身的她原來甩拖不久，已暗撻大隻主播鄭衍峰，相戀約3個月。「愛郎心切」的盈盈更公器私用，除欽點男方參與其節目《#後生仔傾吓偈#》外，仲貼埋60萬靚車讓對方任揸！現年25歲的馮盈盈言行向來大膽開放，入行後公開有位十優醫生男友Martin，去年初還自爆與對方展開同居生活，又稱有份付「愛巢」首期，但樓契卻沒她名字。去年年底，她突然宣布與男友結束4年情，但原來甩拖的盈盈不愁寂寞，未幾已火速撻着28歲大隻主播鄭衍峰，去年除夕被發現雙雙現身超市購物，有指二人拍拖至今3個月。據悉，去年11月盈盈往溫哥華拍攝《#後生仔傾吓偈#》特輯時，跟在加拿大長大的鄭衍峰四圍去而熟落，除夕又一齊度過。熱戀中的盈盈被指公器私用，節目安排9位小鮮肉向她示愛參與Speed dating環節，有指她親自點名，提議監製搵鄭衍峰做其中一位猛男，而鄭衍峰亦毫不避忌向盈盈真情剖白，公然示愛：「希望盈盈女神收我為你條仔，必定每天愛你多一些。」期間二人全程黐到實兼多次身體接觸，包括公主抱、托美腿、隔口罩餵蝦條狂放閃。盈盈亦不慎露口風指男方知道她喜歡周星馳，才會將電影對白包裝為示愛內容，可見男方已攻陷芳心，難怪她死心塌地，連落地不久的愛車都任男友揸！日前下午約三時，盈盈驅車返回電視城開工，但未有將座駕停在電視城的停車場，反而泊不遠處的路邊，原來是為免戀情太過張揚，未幾就見鄭衍峰前來取車，左顧右盼一番後急急開車離開。盈盈4月13日受訪未有否認戀情，她說：「我同佢係好朋友，其實我會結識新朋友，同朋友出街食飯好正常，我亦對此好坦誠，對於我感情狀況抱開放態度，好多人都有機會嘅，不過希望可以慢慢了解清楚先，多謝關心我，但我唔太心急嘅，慢慢睇清楚，認識吓新朋友，希望大家可以畀空間我，大家咁心急，就隨時搞禍晒我啲着落喇！（你連車都畀埋鄭衍峰揸？）其實啲朋友揸我架車好正常，好多人都揸過我架車，有時做緊嘢或者架車冇電，就會麻煩同事幫我喇。」鄭衍峰亦回應說：「我同盈盈係朋友，朋友都要時間認識，依家慢慢認識，就算我想，佢都大把選擇，只可以話多謝大家覺得我襯得起佢！（佢畀車你揸？）佢成日叫同事或朋友開佢架車，因為佢嗰架係電車，有時佢忙會幫佢充電。」對於節目拍檔有新戀情，#陸浩明#笑言：「係咩？恭喜恭喜，講笑啫！其實鄭衍峰之前同我哋去加拿大拍節目時熟咗，喺公司撞到都成日一齊食飯，佢好幫得手，所以《後生仔》好多時都會搵佢做嘉賓。大家單身，了解多啲都好，係咪『出pool』（拍拖）就唔知喇。」