བོད་ཡིག་བཀོལ་སྟངས་ནི་ཡུལ་དུས་དང་མཐུན་པ་གལ།
ད་ནི་མང་པོ་ཞིག་ལ་ཚུགས་ཀ་འདི་འདྲ་ཞིག་ཆགས་བཞིན་འདུག ཡིག་རྙིང་ཉུང་ཙམ་རེར་དཔེ་ཀློག་བྱེད་ཁུལ་བྱས… #来自ONE一个的每日小记#

ང་ཡི་བླ་མ་བློ་བཟང་གྲགས་པ་དེ། །
我之师尊洛桑扎，
དགའ་ལྡན་གནས་སམ་བདེ་བ་ཅན་ལ་སོགས། །
兜率以及极乐界，
དག་པའི་ཞིང་ཁམས་གང་ན་བཞུགས་ཀྱང་རུང་། །
无论在何胜净土，
བདག་སོགས་འཁོར་གྱི་ཐོག་མར་སྐྱེ་བར་ཤོག །
我等随众愿起生！

ལྔ་མཆོད་ལ་ཕུལ་བའི་མཆོད་པ།

འོད་ཟེར་དམར་པོ།

ཁྱབ་གདལ་དགོན།
ཀ་དག་ལྟ་བ་མཇལ་ལ་རྒྱལ་བ་གཉིས་པ།།
ཁ་བ་གངས་རིར་རྒྱལ་བསྟན་འདྲེན་པའི་བྱེད་པོ།།
ག་ལེར་དཔྱད་ན་དཀོན་མཆོག་ཀུན་འདུས་ངོ་བོ།།
ང་ཅག་བླ་མ་བློ་བཟང་གྲགས་པ་མཁྱེན་ནོ།།

ཅ་དག་རྣམ་གསུམ་ངུར་སྨྲིག་ན་བཟའི་བསིལ་གྲིབ།།
ཆ་མཉམ་འགྲོ་ལ་སྩོལ་བའི་སེམས་བསྐྱེད་ཆེན་པོས།།
ཇ་ཆང་འདོད་ཡོན་སྤངས་ཏེ་བསླབ་པ་གསུམ་ལ།།
ཉ་མོའི་འཁྱུག་འགྲོས་རྩལ་གྱིས་མཐའ་རྒྱ་བཅད་དོ།།

ཏ་ཐཱ་ག་ཏའི་གསུང་རབ་བརྒྱད་ཁྲི་བཞི་སྟོང་།།
ཐ་མལ་གདུལ་བྱའི་བློ་ཡིས་ཆུན་པར་དཀའ་བས།།
ད་ཆ་འཚང་རྒྱ་ཆོག་པའི་ལམ་གྱི་རིམ་པ།།
ན་རཀ་དུ་ཁས་མནར་བའི་འགྲོ་ལ་སྦྱིན་ཡོད།།

པཱ་མི་ཏཱའི་དགོངས་དོན་ཁམས་དབང་བཞིན་དུ།།
ཕ་རོལ་ཕྱིན་ལ་ལེགས་བཤད་གསེར་གྱི་ཕྲེང་བ།།
བ་ཀུ་ལ་ཡི་འབྲས་བུ་ཐོབ་ཕྱིར་ཕུལ་བ།།
མ་གྱུར་འགྲོ་ལ་གནང་བའི་འདྲ་འབག་ཡིན་འདུག།

ཙ་རིར་དཀའ་སྤྱད་མཛད་པས་ངལ་བས་མ་ཞུམ།།
ཚ་བ་རོང་དང་བོད་ཡུལ་ཡུལ་གྲུ་ཀུན་ལ།།
ཛ་ཡའི་ངུར་སྨྲིག་བསྟན་པའི་རྒྱལ་མཚན་བསྒྲེངས་པའི།།
ཝ་སྐྱེས་རྒོད་ངན་རྒྱལ་མཚན་ས་ལ་བསྙིལ་ཡོད།།

ཞྭ་བཞིན་དཔལ་ལྡན་ཀླུ་ཡི་ལྟ་བ་བཀུར་ཅིང་།།
ཟ་ཧོར་མཁན་པོའི་སྤྱོད་པ་བདག་གིར་བཞེས་ཏེ།།
འ་ཅག་ཐར་འདོད་རྣམས་ཀྱང་དེ་ལྟར་བགྱིས་ཞེས།།
ཡ་མཚན་སྐྱེས་ཀྱི་མཆོག་ལ་དེ་ལྟར་གདམས་ཡོད།།

ར་ལུག་དུད་འགྲོ་ཚད་མེད་རྣམ་བཞིས་བསྐྱངས་ཀྱང་།།
ལ་ལས་བསད་ནས་གསོལ་ཅེས་རྣམ་ཐར་གླེང་བ།།
ཤ་ཆང་འདོད་ཡོན་ཞེན་པ་གཏན་དུ་སྤངས་པའི།།
ས་ཐོབ་སེམས་དཔའ་ཁྱེད་ལ་བསྐུར་འདེབས་ཡིན་ངེས།།

ཧ་ཅང་གཞལ་དཀའ་མཛད་རྣམས་ཆ་ཤས་ཙམ་ཞིག།
ཨ་མདོའི་ཨ་ཁུས་ཀ་མད་གདངས་ལ་དྲངས་ཏེ།།
ཨམ་རྩིས་དགའ་ལྡན་ལྔ་མཆོད་དུས་བཟང་འདི་ལ།།
ཧང་ཆུའི་འགྲམ་དུ་མཆོད་པའི་ཚུལ་དུ་སྤྲིངས་སོ།།

༢༠༢༢/༡༡/༡༨