ལོ་འདི་ལ། ང་རང་གི་གཡའ་དག་པའི་སློབ་མའི་འཚོ་བ་ལས་བུད་དེ་གཞི་ནས་སྙིང་ཉེ་བའི་གཅེས་ཕྲུག་ཁྱུ་གཅིག་གི་བྱིས་དུས་ཁྲོད་ཞུགས།
这一年我匆匆告别了自己单纯的学生时代，走进了一群小孩儿的童年。

དགུན་གྱི་ཁ་བའི་མེ་ཏོག།
མཛེས་སོང་པདྨ་དཀར་པོ།།
མ་ལྷད་སེམས་ཀྱི་མཆོད་པ།།
འགྲོ་མགོན་ཁྱེད་ལ་འབུལ་ལོ།།
སྙན་གྲགས་དུང་དཀར་གཡས་འཁྱིལ།།
འབུད་པ་ལན་གསུམ་ངས་འཐེན།།
གང་བསམ་ངག་གི་རོལ་མོ།།
ཁྱེད་ཀྱིས་དཀྲོལ་བ་སྒུག་ཡོད།།
༢༠༢༢།༡༡།༡༩། རྨ་སྟོད་དུ།

༧ཀུན་མཁྱེན་འཇམ་དབྱངས་བཞད་པ་མཆོག་གི་ཞལ་སྔ་ནས།
གླེགས་བམ་གཅིག་གིས་ཆོས་ཕུང་མ་ལུས་པ།།
གསལ་བྱེད་ལེགས་བཤད་སྙིང་བོ་ལེགས་བཤད་པས།། ཞེས་གསུངས་པ་ལྟར་སྲིད་ན་དཀོན་པའི་ལེགས་བཤད་ཆེན་པོ་འདི་ནི་ཁམས་གསུམ་ཆོས་ཀྱི་རྒྱལ་བོ་མཉམ་མེད་ཙོང་ཁ་བ་ཆེན་པོས་བརྩམས་ཤིང་། རྗེའི་གསུང་རབ་ཐམས་ཅད་གྱི་སྙིང་བོ་དང་རྩེ་མོ་མཐར་ཐུག་པ་ལེགས་པར་བཤད་པའི་སྙིང་བོ་ཡིན། ངག་རྒྱུན་ལ་རྗེ་བདག་ཉིད་ཆེན་པོ་གང་ཟག་གཅིག་དང་བསྟན་བཅོས་གཅིག་གི་དོན་དུ་བྱོན་པ་ཡིན་ཞིང་། གང་ཟག་གཅིག་ནི་མཁས་གྲུབ་རིནཔོ་ཆེ་ཡིན་ལ། བསྟན་བཅོས་གཅིག་ནི་ལེགས་བཤད་སྙིང་བོ་ཡིན་སྐད།
རྗེ་འཇིགས་མེད་དམ་ཆོས་རྒྱ་མཚོས།
འཇམ་མགོན་འཇམ་དཔལ་སྙིང་བོ་ཡིས།།
ལྕགས་མདའ་ལྕགས་ཀྱི་གཞུ་བོ་ཞེས།།
འགུགས་འདོད་འགུགས་དཀའི་གཏམ་ཙམ་གྱིས།།
ཞུམ་ཞིང་ཞུམ་པར་གྱུར་པའང་མང་།།གསུངས།