དེང་གི་དུས་འདིར་བཟོད་སྒོམ་བྱས་ན། གྱོང་རག་པ་ཡིན་ཞེས་པའི་ལྟ་བ་དེ་འགྲིག་གམ།
ཚན་པ་བཞི་བ།

སྔོན་ཆད་དེབ་གཞན་ཞིག་ཀློག་སྐབས་སུ་ཡང་བརྗོད་གཞི་འདི་དང་འབྲེལ་བ་ཡོད་པའི་བསམ་གཞིག་གཏོང་ཐབས་ཤིག་ཀྱང་མཐོང་སོང་། དེ་ནི་ང་ཚོ་ཕལ་ཆེ་བས་རང་ལ་ནོར་འཁྲུལ་ཞིག་བྱུང་སྐབས་སུ་ནོར་འཁྲུལ་དེ་ཐད་ཀར་ཁས་ལེན་བྱེད་མི་ཐུབ་པར་ད་དུང་ནོར་བ་གང་ཡང་མེད་མདོག་གིས་རྒྱུ་མཚན་གཞན་ཞིག་འཚོལ་བའི་ལས་སུ་བྲེལ་ཡོང་ཞིང་། ཚུལ་དེ་ནི་དཔེར་ན། དུག་སྦྲུལ་ཞིག་གིས་རང་ལུས་ལ་སོ་བརྒྱབ་པ་ཡིན་ན། ལམ་སང་དུག་འདོན་དང་སྨན་གསོའི་ཐབས་སུ་མི་འབད་པར་ད་དུང་སྡང་སེམས་ཆེན་པོའི་ངང་ནས་ཕྱིར་དུག་སྦྲུལ་བདའ་ནས་རྒྱུག་པ་དང་མཚུངས་ལ། དེ་ལྟར་སོང་ན། མཐར་ཐུག་སྲོག་ཉེན་ཡང་ཡོད་པ་དེ་བཞིན་དུ། རྒྱུན་དུ་ནོར་འཁྲུལ་ཞིག་བྱུང་བ་ན། དེ་མ་ཐག་ནོར་བ་ངོས་ལེན་བྱེད་པ་ནི། རང་ལ་འགྱུར་བ་གཏོང་བའི་གོ་སྐབས་རྩ་ཆེན་པོ་ཆེན་པོ་ཞིག་ཡིན་ལ། མ་གཏོགས་སྐྱོན་ལ་ཐད་ཀར་གདོང་ལེན་བྱེད་པའི་སྙིང་སྟོབས་དང་བསམ་བློའི་འདུ་ཤེས་མེད་ཚར་ན། ནོར་འཁྲུལ་གྱི་སྟེང་ལ་ནོར་འཁྲུལ་བརྩེགས་ཏེ། མཐར་ཐུག་འཇིགས་རུང་ཉམ་ངའི་གནས་སུ་ལྷུང་ངེས་པའོ།། ཞེས་པའི་བསམ་བློའི་ལྟ་བ་དེ་རེད། དཔྱད་པ་གཏོང་ཐབས་འདི་ལས། ད་དུང་དོན་དངོས་གཞན་ཞིག་མཐོང་ཡོང་བ་ནི། ཕ་རོལ་བ་ཞིག་གིས་ཚུར་ཚིག་རྩུབ་རྣ་བས་མི་བཟོད་པ་ཞིག་སྨྲས་པ་ན། ཕྱིར་ཡང་སྡང་སེམས་ཆེན་པོའི་ངང་ནས་ཚིག་མཚོན་སྣ་ཚོགས་འཕེན་པའི་ལས་སུ་འབད་པ་དེ་ཡང་། དོན་ལ་སྔ་མའི་དཔེ་བཞིན་དུ་དུག་སྦྲུལ་གྱིས་སོ་བརྒྱབ་པ་ན། དུག་འདོན་གྱི་ལས་སུ་འབད་པ་གཅོ་བོར་མི་འཛིན་པར་ད་དུང་ཕྱིར་དུག་སྦྲུལ་གསོད་ཐབས་ཀྱི་ལས་སུ་རྒྱུགས་པ་དང་འདྲ་བ་དེ་རེད། དེ་ལྟ་ན། གཞན་གྱི་སྡང་སེམས་དྲགས་པོའི་ནད་དུག་དེ་རང་སེམས་ལ་འགོ་བར་བྱེད་མི་འདོད་ན་ཡང་། བྱེད་ཐབས་གཅིག་ཡོད་པ་དེ་ནི། བཟོད་པའི་གོ་ཆ་བཞེས་རྒྱུ་དེ་ཉིད་ལེགས་ན། བཟོད་པའི་ཉམས་ལེན་ནི། རང་ཉིད་བསྲུང་ཐབས་ཆེས་ལེགས་ཤོས་དེ་ཡིན་པ་ཡང་རིགས་པ་དེ་དག་གི་ཤུགས་ཀྱིས་གོ་ནུས་པའོ།། མདོར་ན། དེ་དག་གིས་མཚོན་པའི་རྒྱུ་མཚན་གནད་ཆེ་བ་མང་བོ་ཞིག་ལ་ཕུགས་བཅོལ་ནས་ཞིབ་ཏུ་དཔྱད་ཡོང་ན། བཟོད་པ་དང་དུ་ལེན་ཐུབ་ན། ཁེ་དང་གྱོང་གཉིས་ལས་གང་ཆེ་བ་དང་། དེ་ནི་སྡར་མའི་སྤྱོད་ཚུལ་དང་རྒྱལ་སྲས་དཔའ་བོ་ཞིག་གི་སྤྱོད་ལམ་གཉིས་ལས་གང་དུ་གཏོགས་པའི་ཁྱད་པར་དེ་ཡང་ལག་འཐིལ་གྱི་རི་མོ་ཇི་བཞིན་དུ་གསལ་ལེར་མངོན་ཡོང་ངོ་།།
རྫོགས་སོ།།

ཤ་ཆང་ཚོགས་རྣམས་རྒྱུ་མར་བརྒྱུད་དེ་འགྲོ།།
སངས་རྒྱས་སྙིང་པོ་སེམས་ཀྱི་དབུས་ན་མཆིས།།
འཇིག་རྟེན་ཕལ་བས་ང་བཞིན་བྱས་པ་ན།།
འདྲེ་ཡི་ལམ་དུ་འཇུག་པ་གདོན་མི་ཟ།།
ཅིས་ཀུང་ནས།
酒肉穿肠过、
佛祖心中留、
世人若学我、
必定入魔道。 济公

གཅེས་པའི་ཚེ་སྲོག

༼གླུ་ཚིག༽
རང་དབང་ཞི་བདེ་གླེང་བའི་མིའི་རིགས་ཚོ། །
འདྲ་མཉམ་ཐོབ་ཐང་སེམས་ཅན་ཀུན་ལ་དགོས། །
གཅིག་ཤ་གཅིག་གིས་ཟ་བའི་སྲོལ་རྒྱུན་དེ། །
དྲང་བདེན་གནས་ལུགས་ལྡན་ནམ་བསམ་བློས་དཔྱོད། །

རང་གི་ཚེ་སྲོག་སྐྱེས་ཤིང་ཕངས་པ་ལྟར། །
གཞན་གྱི་ཚེ་སྲོག་རང་དང་གཅིག་མཚུངས་རེད། །
དེས་ན་ཉམ་ཆུང་དུད་འགྲོའི་གཅེས་པའི་སྲོག །
ཡོད་ཚད་བཟའ་བར་རུང་ངམ་མི་བུ་ཚོ། །
ཨོཾ་མ་ཎི་པདྨེ་ཧཱུྃ་ཧྲཱིཿ

དམར་ནམ་ཁྲག་མཚོ་ཁོལ་བའི་བཤས་ར་ན། །
ཉམ་ཆུང་དྲིན་ཆེན་མ་ལོའི་གཅེས་པའི་སྲོག། །
གསོན་རྐ་གྲི་ཡིས་བཅད་པའི་ན་ཟུག་གིས། །
སྡུག་གི་སྨྲེ་ངག་འདོན་པ་བཟོད་ནུས་སམ། །

འདི་ནི་ཉམ་ཆུང་དུད་འགྲོའི་མགྲིན་ཚབ་ཡིན། །
འདི་ནི་རྣམ་དག་སེམས་ཀྱི་བདེན་གཏམ་ཡིན། །
འདི་ནི་ལྷག་བསམ་གཙང་མའི་འབོད་སྐུལ་ཡིན། །
འདི་ནི་འཚེ་མེད་ཞི་བདེའི་ལམ་སྟོན་ཡིན། །

ཨོཾ་མ་ཎི་པདྨེ་ཧཱུྃ་ཧྲཱིཿ
亲爱的人类，我们总是把和平和大爱挂在嘴边，却肆意掠杀其他生命来满足自己的口欲， 喜欢把自己的快乐建立在其他生命的痛苦上， 每年、每月、每天、每时、每刻都有成千上万个生命被我们无辜残杀。 这就是我们的大爱吗？ 这就是我们的和平吗？

看看那血淋淋的场景，听听那悲伤的惨叫， 想想那宝贵的生命，再去考虑考虑大自然的重要性，每一个生命需要被保护的重要性，

停停吧！

戒戒吧！

深思吧！ 谁说没有肉咱们就活不成了？