【On.cc】陳凱琳肚凸凸想生仔：我哋都鍾意大家庭
藝人陳凱琳（Grace）以形象大使身份出席沙田馬場活動，她表示一身高貴打扮事前有給老公鄭嘉穎過目：「我問佢會唔會覺得我個帽飾太誇張，佢話唔會，因為我係形象大使，今次搵咗朋友幫我度身訂造咗頂帽，不過未畀小朋友睇，怕佢哋會拆爛頂帽。」她自嘲平時都是以T恤牛仔褲造型，難得好好打扮一番。
提到由她監製兼主持的明珠台清談節目反應好，Grace開心透露公司有意添食：「我哋第一季有12集，公司問我可唔可以做多26集，但我都有啲擔心，咁多集要諗新主題，畀人新鮮感，同埋要諗請咩嘉賓，上次已出動咗細佬。（老公呢？）佢未出動，佢係壓軸，佢有提議我今次可以以品味做主題，仲可以訪問素人嘉賓。（你同老公揀另一半嘅品味邊個好？ ）都係差唔多，大家成日話人揀人，我哋相識都係一個好時機。」他又大讚老公是一個到位的好爸爸，自己外出工作時，老公會負責照顧一對兒子，好讓她放心工作：「所以如果拍26集節目，我都要細心考慮吓，但嘉穎好支持我，佢仲即時幫我諗題目。」
現場所見Grace有點肚凸凸，問她是否肥咗？她承認：「少少，可能係幸福肥。（係咪有喜訊公布？）唔係，可能只係肥咗。（會唔會追多個？）都可以，順其自然，我哋兩個都鍾意小朋友。（想追個女？）唔係，我覺得仔都幾好，好活潑，如果我問嘉穎，佢一定話仔女都無所謂，但我哋都鍾意大家庭，多啲兄弟姊妹一齊成長會開心啲，而且長大後大家可以互相照顧大家。」
今日見陳凱琳肚凸凸，不過佢就淨係話自己肥咗。
仲話佢同老公都好鍾意大家庭，明白晒！
陳凱琳指仔仔好活潑，老公就仔女都OK。
#陈凯琳[超话]#
藝人陳凱琳（Grace）以形象大使身份出席沙田馬場活動，她表示一身高貴打扮事前有給老公鄭嘉穎過目：「我問佢會唔會覺得我個帽飾太誇張，佢話唔會，因為我係形象大使，今次搵咗朋友幫我度身訂造咗頂帽，不過未畀小朋友睇，怕佢哋會拆爛頂帽。」她自嘲平時都是以T恤牛仔褲造型，難得好好打扮一番。
提到由她監製兼主持的明珠台清談節目反應好，Grace開心透露公司有意添食：「我哋第一季有12集，公司問我可唔可以做多26集，但我都有啲擔心，咁多集要諗新主題，畀人新鮮感，同埋要諗請咩嘉賓，上次已出動咗細佬。（老公呢？）佢未出動，佢係壓軸，佢有提議我今次可以以品味做主題，仲可以訪問素人嘉賓。（你同老公揀另一半嘅品味邊個好？ ）都係差唔多，大家成日話人揀人，我哋相識都係一個好時機。」他又大讚老公是一個到位的好爸爸，自己外出工作時，老公會負責照顧一對兒子，好讓她放心工作：「所以如果拍26集節目，我都要細心考慮吓，但嘉穎好支持我，佢仲即時幫我諗題目。」
現場所見Grace有點肚凸凸，問她是否肥咗？她承認：「少少，可能係幸福肥。（係咪有喜訊公布？）唔係，可能只係肥咗。（會唔會追多個？）都可以，順其自然，我哋兩個都鍾意小朋友。（想追個女？）唔係，我覺得仔都幾好，好活潑，如果我問嘉穎，佢一定話仔女都無所謂，但我哋都鍾意大家庭，多啲兄弟姊妹一齊成長會開心啲，而且長大後大家可以互相照顧大家。」
今日見陳凱琳肚凸凸，不過佢就淨係話自己肥咗。
仲話佢同老公都好鍾意大家庭，明白晒！
陳凱琳指仔仔好活潑，老公就仔女都OK。
#陈凯琳[超话]#
【On.cc】陳山聰「胸襲」劉穎鏇 手指尾受傷要戴保護套
藝人陳山聰、陳展鵬、劉佩玥及劉穎鏇（Tiffany）等今日（5日）現身觀塘，出席主演無綫台慶劇《超能使者》宣傳。席間山聰與Tiffany再次演繹「胸襲」，炒熱氣氛，全場起哄。
山聰被發現左手手指尾戴上保護套，受訪時他說：「之前拍攝電影《無間一戰》同黃宗澤個武替對打，佢加咗墊做保護，點知我『篤魚蛋』。受傷後我諗住敷冰就冇事，但老婆叫我去睇醫生，一照磁力共振，發現韌帶有少少裂咗，要上保護套6星期，等佢自然愈合。」山聰笑言稍後於節目巡禮上表演唱歌，自己要「蘭花手」揸咪。
陳山聰同劉穎鏇合作！
陳山聰同劉穎鏇「大打出手」！
陳山聰再「胸襲」劉穎鏇！
陳山聰同劉穎鏇「大打出手」！
陳山聰再「胸襲」劉穎鏇！
劉穎鏇大送心心！
陳山聰手指尾受傷要戴保護套。
林子善聞言即補充：「我都有份拍《無》片，期間遇到航拍機失控跌咗落嚟，我同黃宗澤都有受傷，佢仲直頭『中頭獎』，好彩我哋抱住個頭咋。（流血？）全身真血同假血混埋一齊！」
至於他於《超》劇穿上「彩虹戰衣」大跳艷舞，他表示拍攝時未感尷尬：「全程投入拍攝嘛。佢哋有畀T-back我打底，但我嫌攝住條屁股隙，所以最終冇着。嗰啲臨時女演員，個個見到我好瘋狂，係咁伸手入褲搞，拍完好多假銀紙『銀』住我。嚟緊講我畀山聰發現跳艷舞養家，極催淚。（如果要你脫晒拍戲肯唔肯？）咁又唔得，起碼要有塊樹葉遮住啩！」
林子善話拍大跳艷舞場口唔尷尬。
#陈山聪[超话]##劉穎鏇[超话]#
藝人陳山聰、陳展鵬、劉佩玥及劉穎鏇（Tiffany）等今日（5日）現身觀塘，出席主演無綫台慶劇《超能使者》宣傳。席間山聰與Tiffany再次演繹「胸襲」，炒熱氣氛，全場起哄。
山聰被發現左手手指尾戴上保護套，受訪時他說：「之前拍攝電影《無間一戰》同黃宗澤個武替對打，佢加咗墊做保護，點知我『篤魚蛋』。受傷後我諗住敷冰就冇事，但老婆叫我去睇醫生，一照磁力共振，發現韌帶有少少裂咗，要上保護套6星期，等佢自然愈合。」山聰笑言稍後於節目巡禮上表演唱歌，自己要「蘭花手」揸咪。
陳山聰同劉穎鏇合作！
陳山聰同劉穎鏇「大打出手」！
陳山聰再「胸襲」劉穎鏇！
陳山聰同劉穎鏇「大打出手」！
陳山聰再「胸襲」劉穎鏇！
劉穎鏇大送心心！
陳山聰手指尾受傷要戴保護套。
林子善聞言即補充：「我都有份拍《無》片，期間遇到航拍機失控跌咗落嚟，我同黃宗澤都有受傷，佢仲直頭『中頭獎』，好彩我哋抱住個頭咋。（流血？）全身真血同假血混埋一齊！」
至於他於《超》劇穿上「彩虹戰衣」大跳艷舞，他表示拍攝時未感尷尬：「全程投入拍攝嘛。佢哋有畀T-back我打底，但我嫌攝住條屁股隙，所以最終冇着。嗰啲臨時女演員，個個見到我好瘋狂，係咁伸手入褲搞，拍完好多假銀紙『銀』住我。嚟緊講我畀山聰發現跳艷舞養家，極催淚。（如果要你脫晒拍戲肯唔肯？）咁又唔得，起碼要有塊樹葉遮住啩！」
林子善話拍大跳艷舞場口唔尷尬。
#陈山聪[超话]##劉穎鏇[超话]#
【On.cc】劉佩玥上吐下瀉無數次險「暴斃」 感激姑媽救回一命
藝人劉佩玥下午出席《超能使者》宣傳。日前突然入院的她受訪時表示，自己經休息後已無大礙，且憶述：「嗰日本來肚瀉，點知深夜開始嘔吐，上吐下瀉無數次，所以要入院。本來以為父母會聽到，行出來照顧我，點知佢哋太熟睡，最後係姑媽發現，救返我一命，差啲「暴斃」喺廁所！」
劉佩玥多謝大家關心。
談及入院猶有餘悸。
她表示原意是發貼文多謝醫護人員的照顧，豈料嚇倒不少親友，但多謝大家關心。當問到緋聞男友周志文可有探病，她答：「冇，我好快出院喇。（傳短訊？）好多男、女朋友都有，佢係其中一個，總之大家唔使擔心，我希望下次入院係生小朋友啦。」
劉佩玥與陳展鵬合作愉快。
記者笑她過度減肥，或令身體出現異樣，她連聲否認：「大家睇《超》劇覺得我好瘦，不過之前拍《美麗戰場》被葉念琛谷肥咗，依家我要以《超》劇時候嘅自己做目標，開始健康地減肥，回復最佳狀態。」至於有網民指她長髮比短頭髮好看，劉佩玥笑言：「靚嘅係我，而唔係頭髮喎，哈哈！」
甚有默契一齊派心。
#超能使者[超话]##刘佩玥[超话]#
藝人劉佩玥下午出席《超能使者》宣傳。日前突然入院的她受訪時表示，自己經休息後已無大礙，且憶述：「嗰日本來肚瀉，點知深夜開始嘔吐，上吐下瀉無數次，所以要入院。本來以為父母會聽到，行出來照顧我，點知佢哋太熟睡，最後係姑媽發現，救返我一命，差啲「暴斃」喺廁所！」
劉佩玥多謝大家關心。
談及入院猶有餘悸。
她表示原意是發貼文多謝醫護人員的照顧，豈料嚇倒不少親友，但多謝大家關心。當問到緋聞男友周志文可有探病，她答：「冇，我好快出院喇。（傳短訊？）好多男、女朋友都有，佢係其中一個，總之大家唔使擔心，我希望下次入院係生小朋友啦。」
劉佩玥與陳展鵬合作愉快。
記者笑她過度減肥，或令身體出現異樣，她連聲否認：「大家睇《超》劇覺得我好瘦，不過之前拍《美麗戰場》被葉念琛谷肥咗，依家我要以《超》劇時候嘅自己做目標，開始健康地減肥，回復最佳狀態。」至於有網民指她長髮比短頭髮好看，劉佩玥笑言：「靚嘅係我，而唔係頭髮喎，哈哈！」
甚有默契一齊派心。
#超能使者[超话]##刘佩玥[超话]#
✋热门推荐