༼དབྱངས་ཅན་མའི་བསྟོད་པ།༽
༧རྗེ་བློ་བཟང་གྲགས་པས་མཛད།
དབྱངས རྡོ་རེད།
ལེན་མཁན། པད་མཚོ།

https://t.cn/A6xtQwF0

ཆུ་འཛིན་དཀར་པོའི་གློག་ཕྲེང་དྲ་བ་ཅན།། མཁའ་ཡི་མཛེས་བྱེད་འདྲ་བའི་ཡིད་འཕྲོག་མ།། དྲི་ཟའི་ན་ཆུང་དབུས་ན་འཇོ་སྒེག་མཁན།། རིང་ནས་བརྩེ་བའི་ལྷ་མོ་ད་ཚུར་བྱོན། །
པདྨའི་བཞིན་ལ་གཡོ་ལྡན་བུང་བའི་མིག། མཐོན་མཐིང་རལ་པའི་རྩེ་ན་འོད་དཀར་ཅན།། རོལ་སྒེག་གར་གྱིས་འགྱིངས་པའི་དབྱངས་ཅན་མ།། ད་དུང་བདག་ལ་ངག་གི་དབང་ཕྱུག་སྩོལ། །

རོལ་རྩེད་གར་གྱི་ཉམས་ལྡན་རི་དྭགས་མིག།། མིག་གིས་ལྟ་བའི་མི་ངོམས་ཡིད་འཕྲོག་མ།། མ་ལྟར་བརྩེ་བ་ཁྱེད་ཀྱིས་བདག་གི་ངག།། ངག་དབང་ལྷ་མོ་ཉིད་དང་མཚུངས་པར་མཛོད། །
སྟོན་ཟླ་རྒྱས་པའི་དཔལ་ལས་ལྷག་པར་མཛེས།། ཚངས་དབྱངས་སྙན་པའི་གདངས་ཀྱང་ཟིལ་གྱིས་གནོན།། ཟབ་ཡངས་རྒྱ་མཚོའི་འཇིངས་ལྟར་དཔག་དཀའ་བ།། དབྱངས་ཅན་ལྷ་མོའི་སྐུ་གསུང་ཐུགས་ལ་འདུད།།

༄༅།།སི་ཁྲོན་ཞིང་ཆེན་བོད་ཡིག་སློབ་གྲྭའི་སྐབས་གཉིས་པའི་ཕ་ཡུལ་གྱི་ཡ་རབས་གུས་སྲོལ་ངོ་སྤྲོད་འགྲན་སྡུར་གྱི་ལས་རིམ་གཉིས་པ་སྟེ། ལོ་རིམ་ནང་ཁུལ་གྱི་འགྲན་སྡུར་དེ་དེ་རིང་གཟའ་ལྷག་པའི་ཉིན་དགུང་ནས་མགོ་རྩོམ་མོ།།
           དེ་ཡང་སློབ་མ་ཁང་གིས་སློབ་དུས་སྔོན་མ་སྟེ་2020ལོའི་དགུན་གསེང་གི་ལས་བྱ་སྟེ༼རང་གི་ཕ་ཡུལ་གྱི་ཡུལ་སྲོལ་གོམས་གཤིས་ལས་ཡ་རབས་གུས་སྲོལ་གྱི་ཐད་ཐུན་མོང་མ་ཡིན་པའི་ཆེ་བཀུར་ཆུང་བྱམས་བྱེད་ལུགས་དང་། ད་དུང་གྲོགས་པོ་དང་གྲོགས་པོའི་བར། ཉེ་འབྲེལ་དང་ཉེ་འབྲེལ་གྱི་བར་སོགས། མདོར་ན། མི་དང་མིའི་བར་གྱི་མཛའ་མཐུན་ཕྱི་ཐག་རིང་བའི་འབྲེལ་བ་བྱེད་ལུགས་སྐོར་འཚོལ་བསྡུ་བྱ་རྒྱུ་༽དེ་དང་།2021ལོའི་དབྱང་གསེང་གི་ལས་བྱ་སྟེ༼ཕ་མར་བརྩི་བཀུར་བྱེད་ལུགས་དང་། བུ་ཆུང་བྱམས་ཀྱིས་སྐྱོང་ཚུལ། ད་དུང་གྲོགས་པོ་ཕན་ཚུན་བར་གུས་བཀུར་བརྩི་མཐོང་བྱེད་ལུགས་སྐོར་གྱི་དམངས་གླུའམ་ལ་གླུ་སྐོར་འཚོལ་བསྡུ་བྱ་རྒྱུ་༽གཉིས་ཟུང་དུ་སྦྲེལ་བའི་ཕ་ཡུལ་གྱི་ཡ་རབས་གུས་སྲོལ་ངོ་སྤྲོད་ཀྱི་འགྲན་རིམ་དང་པོ་དེ་འཛིན་གྲྭའི་ནང་ཁུལ་དུ་སྤེལ་གྲུབ་སྟེ། འགྲན་རིམ་གཉིས་པ་སྟེ་ལོ་རིམ་ནང་ཁུལ་གྱི་འགྲན་སྡུར་དེ། དེ་རིང་གཟའ་ལྷག་པ་ནས་བཟུང་སློབ་གསེང་དག་ཏུ་སློབ་གྲྭའི་བྱ་འགུལ་ལྟེ་གནས་སོགས་སུ་སྤེལ་རྒྱུ་རེད།
པར་རིས་འདི་དག་ནི་དེ་རིང་ཉིན་དགུང་གི་འགྲན་སྡུར་ལ་ཞུགས་པའི་ལོ་རིམ་གཉིས་པའི་འགྲན་ཞུགས་པ་འགའ་རེད།
༼གསལ་བཤད། བྱེད་སྒོ་འདི་ནི་ཁ་སང་གིའོ།།༽

སློབ་ཁྲིད་གསལ་བརྡ།

འཆད་ཁྲིད་མཁན། དགེ་འདུན་རབས་རྒྱས།
ཁྲིད་ཡུལ། ༼ནང་བསྟན་རྨང་གཞིའི་འཕྲིན་ཚོམ།༽

ཁྲིད་བྱ།
དགོན་སྡེ་མིན་པའི་སྤྱི་ཚོགས་སློབ་གཉེར་བ་འགའི་རེ་བ་ལྟར། ནང་བསྟན་ལྟ་གྲུབ་ཀྱི་རྨང་གཞི་འཚོལ་བའི་ཡན་ལག་ཏུ། སློབ་དཔོན་ཕྱོགས་ཀྱི་གླང་པོས་མཛད་པའི་༼ཚད་མ་རིགས་པར་འཇུག་པའི་སྒོ་༽ཞེས་པ་དེ་ཉིད། གོ་བདེའི་ལམ་ནས་ངོ་སྤྲོད་ཞུ་རྒྱུ་ཡིན།

སློབ་ཞུགས་ཆ་རྐྱེན།
༼དགོན་སྡེ་མིན་པའི་སྤྱི་ཚོགས་སློབ་གཉེར་བ་༽སྟེ། གྲྭ་ཇོ་གང་ཡང་མིན་པའི་སློབ་ཆེན་པ་ནས། དགེ་རྒན་ཆེན་མོའི་བར། སྤྱིར་སློབ་སྦྱོང་གི་རྨང་གཞི་ངེས་ཅན་ཡོད་ཅིང་། ཁྱད་པར་དུ་ཚད་མ་རིག་པའི་གཞུང་ལ་དོ་སྣང་ཡོད་པ་ཞིག་དགོས།

ཚོགས་པར་ཞུགས་འདོད་ན། གོང་གི་ཆ་རྐྱེན་ཐམས་ཅད་ཚང་བའི་ཐོག། རང་གི་ངོ་སྤྲོད་དང་འབྲེལ། 840074116 འཕྲིན་ཕྲན་ཨང་འདི་ལ་འབྲེལ་དགོས།

ཚོགས་པའི་སྒྲིག་ལམ།
བརྗོད་དོན་དང་འབྲེལ་བའི་དྲི་བ་འདྲི་རྒྱུ་གཅིག་པུ་ལས་གཞན། ༡ བརྙན། ༢ པར། ༣ ཡིག། ༤ ངག་གང་ཡང་མི་སྐུར་བར། ཁུ་སིམ་མེར་བཞུགས་རྒྱུ་དེ་ཡིན།

སློབ་ཁྲིད་དུས་ཚོད།
བདུན་ཕྲག་འདི་ནས་བཟུང་། དུས་རྒྱུན་གཟའ་སྤེན་པ་དང་། གཟའ་ཉི་མ་གཉིས་ཀྱི་དགོང་མོར། ཆུ་ཚོད་ 20:30-21:00 བར། སློབ་ཁྲིད་དངོས་དང་། ཆུ་ཚོད་ 21:00-21:30 བར། སྐབས་འབྲེལ་གྱི་དྲི་བ་དག་ལ་ལན་འབུལ་རྒྱུ་ཡིན་ནོ།།

2021/10/27 ལ་དགེ་འདུན་རབས་རྒྱས་ཀྱིས།