རང་ངོ་འཕྲོད་ནས་སེམས་ངོ་ཤེས་པ་དང་སྣང་བ་དཔེ་རུ་སོང་བའི་གདམས་པ་མིན་ནའང་། པཎ་གྲུབ་གྱི་གླེག་བམ་བཀླགས་ནས་ཡིག་འབྲུའི་ངོ་གདོང་ལ་ཅེར་བཞིན་ཤོག་ལྷེབ་ཀྱི་ཉིན་སྲིབ་ལ་འཚོ་བས་བདག་གིས་ཐོལ་བྱུང་དུ་སྣང་ངོར་འཆར་བ་དག་ཤར་མར་བྲིས་པ་ལགས་དགེའོ། མངྒལཾ།
ངེས་དོན་གྱི་ཉམས་ལེན་པ་མཁན་འཆི་མེད་རིག་འཛིན་མཆོག་ལ་སྔོན་དུས་སུའང་ཁ་མིན་དོན་གྱི་སྟེང་ནས་བསྟོད་ཚིག་འབྲི་མྱོང་ཡོད་ལ། ད་ཐེངས་ཁྱོམ་སྡོད་བཀག་རྒྱ་དང་བསྟུན་ཏེ་བྱང་ཤམྦྷ་ལ་སོགས་གང་ལ་ངོས་འཛིན་དགོས་མིན་གྱི་དཔྱད་རྩོམ་འདི་ཉིད་བསྐྱར་དུ་བཀླགས་པས་དགའ་ཞེན་གྱི་དུངས་ཀ་ཟབ་ནས་ཟབ་ཏུ་སོང་།
“གར་ཤོན། གཞས་པ་གཞས་མ། (ཡ་པ་ཡ་མ་)”
“མངའ་རིས་ཁུལ་དུ་གར་ཤོན་རྩེད་ཀྱི་སྒྱུ་རྩལ་ནི་གནའ་སྔ་མོ་ཞིག་ནས་དར་སྲོལ་བྱུང་བ་ཞིག་ཡིན། རུ་ཐོག་རྫོང་ནང་དུ་ཡང་སྔ་མོ་ཞིག་ནས་གར་ཤོན་ཞེས་ཞབས་བྲོ་དར་སྲོལ་བྱུང་འདུག། ཞབས་བྲོ་དེ་ལ་ཡ་པ་ཡ་མ་ཟེར། དེ་ཡང་ཡ་པ་ཞེས་པ་གཞས་པའི་དོན་དང་། ཡ་མ་ཞེས་པ་གཞས་མའི་དོན་ཡིན། ཞབས་བྲོ་དེ་ཇི་ལྟར་དར་བའི་སྐོར་བཤད་ཚུལ་གནའ་སྔ་མོ་གླིང་རྗེ་གེ་སར་རྒྱལ་པོ་སྟོད་མངའ་རིས་ས་ཁུལ་དུ་བདུད་དང་འཐབ་པའི་དུས་སྐབས་ཞིག་ན་ལ་དྭགས་རོང་རྒྱུད་དུ་བཙུན་མོ་རིག་ཞུ་བ་ཞིག་ཡོད་པ་དེར་ཕྲུ་གུ་དང་པོའི་གཉེན་སྒྲིག་གི་རྟེན་འབྲེལ་མཛད་སྒོོའི་ཐོག་ཏུ་ཐོག་མར་ཁྲབ་སྟོན་བྱས་པའི་ཞབས་བྲོ་ཞིག་ཡིན་པར་བཤད། རྗེས་སུ་རུ་ཐོག་དགོན་གྱི་བླ་མ་འཕེལ་རྒྱས་ཞུ་བ་ཞིག་གིས་རོང་གི་འཁྲབ་ཚན་དེའི་མ་དཔེ་གཞིར་མཛད་ནས་རང་ཡུལ་དར་བའི་དམངས་ཁྲོད་ཞབས་བྲོ་དང་མཐུན་པའི་འཁྲབ་ཚན་དུ་བཅོས་སྒྲིག་མཛད་པས་དེ་ནས་རིམ་བཞིན་ཡུལ་དེར་དར་རྒྱས་ཀྱིས་ཁྲབ་སྟོན་གྱི་གཟུགས་བརྙན་རྣམས་རུ་ཐོག་བཤན་པའི་ལྷ་ཁང་གི་ལྡེབས་རིས་ངོས་དང་བྲག་བརྐོས་རི་མོ་སོགས་སུ་གསལ་པོར་བྲིས་ཡོད།”
“ཡ་པ་ཡ་མའི་རྒྱན་གོས་ཀྱི་ཁྱད་ཆོས་ནི། ཡ་པ་རྣམས་ཀྱིས་ལུས་ལ་གནའ་རབས་ཀྱི་ཁྲབ་རྨོག་དང་། ལག་ཏུ་རལ་གྲི་འཛིན་པ། སྐེ་ལ་ཁ་བཏགས་གྱོན་པ། ཡ་མ་རྣམས་ཀྱི་ལུས་ལ་སྣམ་བུ་ནག་པོའི་ཕྱུ་པ་དང་། རྐེད་པར་དངུལ་ལས་གྲུབ་པའི་སྡིག་རྭ་ཞེས་པའི་སྐེ་རགས།
སྟོད་ལ་སྟོད་སྐོར་ཞེས་པའི་སྟོད་ཐུང་དང་། སྟོད་ཐུང་ཚོས་གཞི་སྣ་ཚོགས། རྒྱབ་ཏུ་སློ་གོ་ཞེས་ཚ་རུའི་པགས་པ་བཏང་བའི་སྟོད་ལེབས་དང་། ལྷམ་མོ་ཟོམ། མགོ་ལ་ལྡི་རགས་ཞེས་མདུང་དང་བྱུ་རུ་དངུལ་གྱིས་མདའ་སོགས་ཀྱི་རྒྱན་ཆ། རྣ་ཅོག་ལ་ཨ་སྐོར། བྲང་ཁོག་སྟེང་ལ་དངུལ་གྱི་གའུ་དང་དེའི་གཡས་གཡོན་ལ་སྟང་ཁྲ་ཞེས་བྱུ་རུ་མུ་ཏིག་སོགས་ལས་གྲུབ་པའི་ཁྲུའུ་ཁྲུའུ་བཅས་ཀྱིས་བརྒྱན་ཞིང་། མདའ་མ་རྔ་བརྡུང་དང་བསུ་རྣ་གཏོང་མཁན་གཉིས་ཀྱི་མགོ་ལ་ཞྭ་མོ་འབོག་ཏོ་དང་། ལུས་ལ་སློག་པའི་ཕྱུ་པ་དཀར་པོ་གྱོན་སྲོལ་ཡོད་པ་བཅས་སོ།༡༢”
<<རུ་ཐོག་ཁྱུང་རྫོང་དཀར་པོའི་ལོ་རྒྱུས་ཞེས་པ་ལས་བཤུས་ཏེ་བཀོད།>> ཤོག་གྲངས་། ༡༨༡ ནས་༡༨༦ བར།
“མངའ་རིས་ཁུལ་དུ་གར་ཤོན་རྩེད་ཀྱི་སྒྱུ་རྩལ་ནི་གནའ་སྔ་མོ་ཞིག་ནས་དར་སྲོལ་བྱུང་བ་ཞིག་ཡིན། རུ་ཐོག་རྫོང་ནང་དུ་ཡང་སྔ་མོ་ཞིག་ནས་གར་ཤོན་ཞེས་ཞབས་བྲོ་དར་སྲོལ་བྱུང་འདུག། ཞབས་བྲོ་དེ་ལ་ཡ་པ་ཡ་མ་ཟེར། དེ་ཡང་ཡ་པ་ཞེས་པ་གཞས་པའི་དོན་དང་། ཡ་མ་ཞེས་པ་གཞས་མའི་དོན་ཡིན། ཞབས་བྲོ་དེ་ཇི་ལྟར་དར་བའི་སྐོར་བཤད་ཚུལ་གནའ་སྔ་མོ་གླིང་རྗེ་གེ་སར་རྒྱལ་པོ་སྟོད་མངའ་རིས་ས་ཁུལ་དུ་བདུད་དང་འཐབ་པའི་དུས་སྐབས་ཞིག་ན་ལ་དྭགས་རོང་རྒྱུད་དུ་བཙུན་མོ་རིག་ཞུ་བ་ཞིག་ཡོད་པ་དེར་ཕྲུ་གུ་དང་པོའི་གཉེན་སྒྲིག་གི་རྟེན་འབྲེལ་མཛད་སྒོོའི་ཐོག་ཏུ་ཐོག་མར་ཁྲབ་སྟོན་བྱས་པའི་ཞབས་བྲོ་ཞིག་ཡིན་པར་བཤད། རྗེས་སུ་རུ་ཐོག་དགོན་གྱི་བླ་མ་འཕེལ་རྒྱས་ཞུ་བ་ཞིག་གིས་རོང་གི་འཁྲབ་ཚན་དེའི་མ་དཔེ་གཞིར་མཛད་ནས་རང་ཡུལ་དར་བའི་དམངས་ཁྲོད་ཞབས་བྲོ་དང་མཐུན་པའི་འཁྲབ་ཚན་དུ་བཅོས་སྒྲིག་མཛད་པས་དེ་ནས་རིམ་བཞིན་ཡུལ་དེར་དར་རྒྱས་ཀྱིས་ཁྲབ་སྟོན་གྱི་གཟུགས་བརྙན་རྣམས་རུ་ཐོག་བཤན་པའི་ལྷ་ཁང་གི་ལྡེབས་རིས་ངོས་དང་བྲག་བརྐོས་རི་མོ་སོགས་སུ་གསལ་པོར་བྲིས་ཡོད།”
“ཡ་པ་ཡ་མའི་རྒྱན་གོས་ཀྱི་ཁྱད་ཆོས་ནི། ཡ་པ་རྣམས་ཀྱིས་ལུས་ལ་གནའ་རབས་ཀྱི་ཁྲབ་རྨོག་དང་། ལག་ཏུ་རལ་གྲི་འཛིན་པ། སྐེ་ལ་ཁ་བཏགས་གྱོན་པ། ཡ་མ་རྣམས་ཀྱི་ལུས་ལ་སྣམ་བུ་ནག་པོའི་ཕྱུ་པ་དང་། རྐེད་པར་དངུལ་ལས་གྲུབ་པའི་སྡིག་རྭ་ཞེས་པའི་སྐེ་རགས།
སྟོད་ལ་སྟོད་སྐོར་ཞེས་པའི་སྟོད་ཐུང་དང་། སྟོད་ཐུང་ཚོས་གཞི་སྣ་ཚོགས། རྒྱབ་ཏུ་སློ་གོ་ཞེས་ཚ་རུའི་པགས་པ་བཏང་བའི་སྟོད་ལེབས་དང་། ལྷམ་མོ་ཟོམ། མགོ་ལ་ལྡི་རགས་ཞེས་མདུང་དང་བྱུ་རུ་དངུལ་གྱིས་མདའ་སོགས་ཀྱི་རྒྱན་ཆ། རྣ་ཅོག་ལ་ཨ་སྐོར། བྲང་ཁོག་སྟེང་ལ་དངུལ་གྱི་གའུ་དང་དེའི་གཡས་གཡོན་ལ་སྟང་ཁྲ་ཞེས་བྱུ་རུ་མུ་ཏིག་སོགས་ལས་གྲུབ་པའི་ཁྲུའུ་ཁྲུའུ་བཅས་ཀྱིས་བརྒྱན་ཞིང་། མདའ་མ་རྔ་བརྡུང་དང་བསུ་རྣ་གཏོང་མཁན་གཉིས་ཀྱི་མགོ་ལ་ཞྭ་མོ་འབོག་ཏོ་དང་། ལུས་ལ་སློག་པའི་ཕྱུ་པ་དཀར་པོ་གྱོན་སྲོལ་ཡོད་པ་བཅས་སོ།༡༢”
<<རུ་ཐོག་ཁྱུང་རྫོང་དཀར་པོའི་ལོ་རྒྱུས་ཞེས་པ་ལས་བཤུས་ཏེ་བཀོད།>> ཤོག་གྲངས་། ༡༨༡ ནས་༡༨༦ བར།
✋热门推荐