《ཁེར་བཤད་ས་བེ་སིབ་བེ།》
༡
གཅིག་བྱས་ན་འགྲིག་མིན་ཡང་མི་ཤེས་ལ། ཡང་མིན་ན་འགྲིག་ཁོ་ཐག་ཀྱང་ཡིན་པའི་མི་ཚེའི་གདམ་ག་འདིར་འཇུས་ཤིང་། གདམ་ག་དེའི་དོན་དུ་རང་གི་ཁམས་དང་འབྱུང་བར་གཏན་ནས་མི་འཕྲོད་པའི་ས་ཆ་འདི་ནས། མི་ཚེའི་རི་མོ་གང་འཚམས་བྲིས་ཟིན་པའི་དེ་རིང་ཕྱིར་མདང་ཞིག་རྒྱག་ན། ཆེས་དགའ་འོས་པའི་དོན་དག་འདི་སྒྲུབ་ཡོད་ཅེས་ཚོད་ཐིག་པོ་ཞིག་ཏན་ཏན་འཇོག་རྒྱུ་མེད་པར་འདྲ་ཞིང་། གལ་སྲིད་ངེས་པར་མཚན་གཞི་ཞིག་འཇོག་དགོས་ཚེ། སློབ་གླིང་གི་ཆོས་མཚམས་དང་བསྟུན་ནས་ཕ་ཡུལ་དུ་ཕ་མ་ལ་སྐོར་རྒྱག་ཏུ་སོང་བ་དང་། ཁོང་རྣམ་གཉིས་ལ་གསོལ་ཚིགས་རེ་འབུལ་བ། སྙིང་ཉེ་བའི་ནུ་བོ་དང་ཚ་བོ་དག་ལ་རྩེ་རོགས་བྱས་པ་དེ་རང་ཡིན་པར་འདྲ། དེའི་རྒྱུ་མཚན་ནི་ལས་ཀ་དེ་ཁོ་ན་སླད་མ་ཞུགས་པའི་མེ་ཏོག་ཅིག་དང་མཚུངས་པས་ཡིན། གཞན་གཞུང་ལུགས་ལ་ཐོས་བསམ་བྱས་པ། བཤེས་གཉེན་བསྟེན་པ། ཚོགས་ཆོས་གྲྭར་འགྲིམ་པ་སོགས་ནི་གལ་ཆེན་དོན་ཆེན་ལོས་ཡིན་ཏེ། སླད་མ་འདྲེས་པ་ཞིག་ནི་ཧ་ལམ་མི་འདུགའདིར་སླད་ཞུགས་ཟེར་བའང་བདེན་ཞེན་གྱིས་སླད་པ་ལྟ་བུའི་ཟབ་ས་ཕྲ་ས་ཞིག་ནས་བཤད་ཀྱིན་མེད་པར། ཧ་ཅང་རགས་པ་སྟེ་དཔེར་ན་འཇིག་རྟེན་ཆོས་བརྒྱད་ལ་དཀར་ནག་ཕྲ་གསུམ་ཕྱེས་པའི་ནག་པོ་ལྟ་བུ་ལ་ཟེར་གྱིན་ཡོད།
༢
ཉེར་སྔོན་ཆོས་གྲོགས་གཉིས་དང་མཉམ་པོར་གུང་སེང་སྐབས་དང་བསྟུན་སྔ་འགྱུར་རྙིང་མའི་གདན་ས་དྲུག་གི་ཡ་གྱལ། རྫོགས་ཆེན་ཤྲཱི་སེང་ཆོས་གྲྭ་ན་དཔེ་ཁྲིད་གནང་བཞིན་པའི་དགེ་རྒན་རྡེའུ་འབུམ་ལ་མཇལ་དུ་སོང་། ཁོང་མ་ཡུམ་སློབ་གླིང་དུ་བཞུགས་སྐབས་ང་ཚོར་དཔེ་ཁྲིད་གནང་ཞིང་། དེའི་ཞོར་དུ་དཔེ་ཀློག་གི་ཉམས་མྱོང་དང་། ལོ་རྒྱུས་ལ་བློ་མིག་འཕེན་སྟངས། སྙན་ངག་ལ་བློས་སྦྱོང་བྱེད་ལུགས། འཇིག་རྟེན་གྱི་བྱ་དངོས་ལ་ཉེ་བར་བཅར་ཚུལ། ཚོར་བ་སྐྱེན་པའི་སྒོས་འཇིག་རྟེན་གྱི་ཟབ་ས་ནས་རོལ་མྱོང་བྱེད་ལུགས་སོགས་མི་ཚེའི་ཁ་ཕྱོགས་ཡང་ཡང་བསྟན་མྱོང་ཞིང་། ཁོང་དང་འགྲོགས་ཐེངས་རེ་རེར་ཁོང་གི་འཇིག་རྟེན་ལྟ་ཚུལ། གུ་ཡངས་ཀྱི་གཤིས་ཀ། ཐུགས་གཤིས་བག་ཕེབས་པོ་སོགས་ལས་ཁོ་བོ་ལ་ཟད་མི་ཤེས་པའི་དགའ་བ་དང་སྤོབས་པ་སྩོལ་ཡོང་། དེ་བས་ཁོང་ནི་ངའི་མི་ཚེ་ལ་འོད་སྣང་སྡུད་པའི་སྐར་མ་འོད་ཆེན་ཉུང་ཤས་ནང་གི་གཅིག་ཡིན།
༣
ད་ཐེངས་དགེ་རྒན་ལ་སྐོར་རྒྱག་ཏུ་སོང་བ་ནི། ལོ་གཅིག་ཙམ་ལ་མ་ཐུག་པའི་ཐུག་འཕྲད་ཅིག་ཡིན་ལ། དགེ་རྒན་མཇལ་བ་དང་དགའ་སྐྱོ་འདྲེས་མའི་ཚོར་བ་ཞིག་གིས་ཡིད་སེམས་བློང་བློང་བོར་གྱུར་ཅིང་། ཅུང་ཙམ་ནས་སེམས་པ་ཧ་ཅང་སྐྱིད་པའི་ཚོར་བ་བྱུང་མོད་ཚོར་བ་འདི་འདི་འདྲ་ཞིག་རེད་ཅེས་ཤོད་དཀའ་བར་འདུག དེ་ནུབ་དགེ་རྒན་ངེད་ཚོ་པདྨའི་ཐང་གི་མཚམས་ཁང་ཞིག་ནས་བསྡད་ཅིང་། མཚམས་ཁང་དེ་ཨ་འགྱུར་སྤྲུལ་སྐུས་དགེ་རྒན་ལ་གནང་བ་ཞིག་ཡིན་འདུག ཁང་བ་དེ་ཡོད་ས་ན་མཚམས་ཁང་ཉི་ཤུ་སུམ་ཅུ་ཞིག་འདུག་ཀྱང་། སྐབས་དེ་དུས་ཁང་བ་རེ་གཉིས་མ་གཏོགས་ཚང་མའི་ནང་ན་སྡོད་མི་མི་འདུག
༤
དགེ་རྒན་གྱིས་སྔ་ས་ནས་ངེད་ཚོ་སྣེ་ལེན་གྱི་གྲ་སྒྲིག་ཧ་ཅང་རྒྱས་པོ་གནང་འདུག་ལ། ཁོང་ཉིད་ངེད་ཚོ་དང་མཉམ་དུ་ཉིན་གཉིས་ལ་ལྗོངས་རྒྱུ་དང་སྐྱིད་པོ་གཏོང་བའི་ཐུགས་བློ་ཡང་གནང་འདུག དེ་བས་དེའི་དགོང་མོ་དུས་ཚོད་དང་པོར་མ་ཟིན་ཙམ་དུ་ཁ་བརྡ་བྱས་ནས་བསྡད་ཅིང་། རྒྱ་ཇ་ཞིམ་པོ་འགའ་རེས་མོས་ཀྱིས་སྦངས་ཞོར་སྙན་ངག་གཙོ་བོར་བྱས་པའི་ལབ་གླེང་མང་དུ་བྱས། མཚམས་ལན་རེར་གློག་གསོད་དེ་ལྷ་བྱམས་རྒྱལ་སོགས་ཀྱི་འབོལ་རྩོམ་སྒྲོག་འདོན་བྱས་པ་དེ་འདྲ་ལའང་མཉམ་རོལ་བྱས། སྤྱིར་བཏང་དུ་ང་ནི་ཇ་ཁ་ཆང་ཁར་འགྲོ་རྒྱུ་མོད་མཁན་ཞིག་ཡིན་མོད། འདི་འདྲ་སྤྲོ་བོ་བྱུང་བ་ནི་ཧ་ཅང་ཉུང་། དེའི་རྒྱུ་མཚན་ནི་དེ་ནུབ་ཀྱི་ཇ་ཁ་ནི་ཇ་ཁ་ཙམ་མིན་པར་རིན་ཐང་ལྡན་པ་དང་། ཚོར་བ་ལྡན་པའི་ཇ་ཁ་ཞིག་ཡིན་ལ། བློ་བསྐྱེད་འབེལ་བོ་དང་། ཤེས་རབ་རྙེད་པའི་ཇ་ཁ་ཞིག་ཡིན་པས་རེད།
༥
ཕྱི་ཉིན་དགེ་རྒན་གྱི་ཐུགས་བཀོད་ལྟར། ཞོགས་པ་སྔ་མོར་ལངས་ཏེ། ཐོད་ངོས་ཀྱི་སྒྲུབ་ཁང་ཡོད་ས་དེར་སོང་།དེར་འགྲོ་དོན་ནི། ཞོགས་པའི་ཉི་ཐིགས་ཀྱི་ཁྲུས་ལ་རོལ་བའི་རྫོགས་ཆེན་དགོན་པའི་ཡུལ་ལྗོངས་ལ་རོལ་མྱོང་བྱེད་ཆེད་དུ་ཡིན། ཨོ་རྒྱན་པདྨའི་གནས་མཆོག་དེ་མཇལ་བའི་མོད་ལ། སྟོད་ན་དཀར་ཞིང་འཇིང་བའི་གངས་ཀྱི་རི་བོ། བར་ན་ཚང་ཚིག་འཁྲིགས་པའི་ནགས་ཀྱི་ལྗོན་པ། ཐང་ན་བདེ་ལྡན་ཞིང་གི་བཀོད་པ་ལ་འགྲན་པའི་དགོན་པའི་ཆགས་དབྱིབས།
མདོར་ན།
ཕུ་ནས་རྫ་ཆུ་བསིལ་མའི་རང་མདངས་དྭངས་ཤིང་རང་སྒྲ་གསལ། །
གསེང་ནས་བྱ་བྱེའུ་ཚོགས་ཀྱི་འཕུར་ལྡིང་རྩེན་ཞིང་སྙན་འགྱུར་སྒྲོག།
ནང་ནས་རྣལ་འབྱོར་འབྱོར་བའི་ཡོ་བྱད་ལྡན་ཞིང་རྟོག་པ་གྲོལ། །
ཀུན་ཏུ་དགེ་ལེགས་འབྱུང་བའི་རྟགས་བལྟས་དུ་མས་མཛེས་པར་རྒྱན། །
འདི་འདྲ་བ་ཞིག་འདུག་གོ། །
༦
མདོ་སྨད་གངས་ཀྱི་ར་བ་གསུམ་སྟེ། ཀཾ་པོ་གངས་ཀྱི་ར་བ། ཏྲེ་ཤོད་གངས་ཀྱི་ར་བ། རྫོགས་ཆེན་གངས་ཀྱི་ར་བ་གསུམ་གྱི་ནང་ཚན་རྫོགས་ཆེན་གངས་ཀྱི་ར་བ་ནས་ཕྱི་ཡི་ཡུལ་ལྗོངས། ནང་གི་ཉམས་ལེན། དགེ་རྒན་དང་ཁ་བརྡ་བྱས་པ་སོགས་མྱོང་རོལ་གྱ་ནོམ་པ་འདིས། ངའི་ལུས་སེམས་ཀྱི་བཙོག་གྲིབ་ཡོད་ཚད་སྟབས་གཅིག་ལ་འདགས་སོང་བའི་སྣང་བ་སྟེར་ཞིང་། མ་འོངས་ཀྱི་འབྱུང་འགྱུར་ཐམས་ཅད་ལ་རེ་བའི་འོད་སྣང་ཞིག་ཀྱང་ཀུན་ནས་འཕྲོས་སོང་།
( རྫ་རྡོར། ) རྡོ་རྗེ་དབང་གྲགས་ཀྱིས་བྲིས། https://t.cn/A6tCn4m0
༡
གཅིག་བྱས་ན་འགྲིག་མིན་ཡང་མི་ཤེས་ལ། ཡང་མིན་ན་འགྲིག་ཁོ་ཐག་ཀྱང་ཡིན་པའི་མི་ཚེའི་གདམ་ག་འདིར་འཇུས་ཤིང་། གདམ་ག་དེའི་དོན་དུ་རང་གི་ཁམས་དང་འབྱུང་བར་གཏན་ནས་མི་འཕྲོད་པའི་ས་ཆ་འདི་ནས། མི་ཚེའི་རི་མོ་གང་འཚམས་བྲིས་ཟིན་པའི་དེ་རིང་ཕྱིར་མདང་ཞིག་རྒྱག་ན། ཆེས་དགའ་འོས་པའི་དོན་དག་འདི་སྒྲུབ་ཡོད་ཅེས་ཚོད་ཐིག་པོ་ཞིག་ཏན་ཏན་འཇོག་རྒྱུ་མེད་པར་འདྲ་ཞིང་། གལ་སྲིད་ངེས་པར་མཚན་གཞི་ཞིག་འཇོག་དགོས་ཚེ། སློབ་གླིང་གི་ཆོས་མཚམས་དང་བསྟུན་ནས་ཕ་ཡུལ་དུ་ཕ་མ་ལ་སྐོར་རྒྱག་ཏུ་སོང་བ་དང་། ཁོང་རྣམ་གཉིས་ལ་གསོལ་ཚིགས་རེ་འབུལ་བ། སྙིང་ཉེ་བའི་ནུ་བོ་དང་ཚ་བོ་དག་ལ་རྩེ་རོགས་བྱས་པ་དེ་རང་ཡིན་པར་འདྲ། དེའི་རྒྱུ་མཚན་ནི་ལས་ཀ་དེ་ཁོ་ན་སླད་མ་ཞུགས་པའི་མེ་ཏོག་ཅིག་དང་མཚུངས་པས་ཡིན། གཞན་གཞུང་ལུགས་ལ་ཐོས་བསམ་བྱས་པ། བཤེས་གཉེན་བསྟེན་པ། ཚོགས་ཆོས་གྲྭར་འགྲིམ་པ་སོགས་ནི་གལ་ཆེན་དོན་ཆེན་ལོས་ཡིན་ཏེ། སླད་མ་འདྲེས་པ་ཞིག་ནི་ཧ་ལམ་མི་འདུགའདིར་སླད་ཞུགས་ཟེར་བའང་བདེན་ཞེན་གྱིས་སླད་པ་ལྟ་བུའི་ཟབ་ས་ཕྲ་ས་ཞིག་ནས་བཤད་ཀྱིན་མེད་པར། ཧ་ཅང་རགས་པ་སྟེ་དཔེར་ན་འཇིག་རྟེན་ཆོས་བརྒྱད་ལ་དཀར་ནག་ཕྲ་གསུམ་ཕྱེས་པའི་ནག་པོ་ལྟ་བུ་ལ་ཟེར་གྱིན་ཡོད།
༢
ཉེར་སྔོན་ཆོས་གྲོགས་གཉིས་དང་མཉམ་པོར་གུང་སེང་སྐབས་དང་བསྟུན་སྔ་འགྱུར་རྙིང་མའི་གདན་ས་དྲུག་གི་ཡ་གྱལ། རྫོགས་ཆེན་ཤྲཱི་སེང་ཆོས་གྲྭ་ན་དཔེ་ཁྲིད་གནང་བཞིན་པའི་དགེ་རྒན་རྡེའུ་འབུམ་ལ་མཇལ་དུ་སོང་། ཁོང་མ་ཡུམ་སློབ་གླིང་དུ་བཞུགས་སྐབས་ང་ཚོར་དཔེ་ཁྲིད་གནང་ཞིང་། དེའི་ཞོར་དུ་དཔེ་ཀློག་གི་ཉམས་མྱོང་དང་། ལོ་རྒྱུས་ལ་བློ་མིག་འཕེན་སྟངས། སྙན་ངག་ལ་བློས་སྦྱོང་བྱེད་ལུགས། འཇིག་རྟེན་གྱི་བྱ་དངོས་ལ་ཉེ་བར་བཅར་ཚུལ། ཚོར་བ་སྐྱེན་པའི་སྒོས་འཇིག་རྟེན་གྱི་ཟབ་ས་ནས་རོལ་མྱོང་བྱེད་ལུགས་སོགས་མི་ཚེའི་ཁ་ཕྱོགས་ཡང་ཡང་བསྟན་མྱོང་ཞིང་། ཁོང་དང་འགྲོགས་ཐེངས་རེ་རེར་ཁོང་གི་འཇིག་རྟེན་ལྟ་ཚུལ། གུ་ཡངས་ཀྱི་གཤིས་ཀ། ཐུགས་གཤིས་བག་ཕེབས་པོ་སོགས་ལས་ཁོ་བོ་ལ་ཟད་མི་ཤེས་པའི་དགའ་བ་དང་སྤོབས་པ་སྩོལ་ཡོང་། དེ་བས་ཁོང་ནི་ངའི་མི་ཚེ་ལ་འོད་སྣང་སྡུད་པའི་སྐར་མ་འོད་ཆེན་ཉུང་ཤས་ནང་གི་གཅིག་ཡིན།
༣
ད་ཐེངས་དགེ་རྒན་ལ་སྐོར་རྒྱག་ཏུ་སོང་བ་ནི། ལོ་གཅིག་ཙམ་ལ་མ་ཐུག་པའི་ཐུག་འཕྲད་ཅིག་ཡིན་ལ། དགེ་རྒན་མཇལ་བ་དང་དགའ་སྐྱོ་འདྲེས་མའི་ཚོར་བ་ཞིག་གིས་ཡིད་སེམས་བློང་བློང་བོར་གྱུར་ཅིང་། ཅུང་ཙམ་ནས་སེམས་པ་ཧ་ཅང་སྐྱིད་པའི་ཚོར་བ་བྱུང་མོད་ཚོར་བ་འདི་འདི་འདྲ་ཞིག་རེད་ཅེས་ཤོད་དཀའ་བར་འདུག དེ་ནུབ་དགེ་རྒན་ངེད་ཚོ་པདྨའི་ཐང་གི་མཚམས་ཁང་ཞིག་ནས་བསྡད་ཅིང་། མཚམས་ཁང་དེ་ཨ་འགྱུར་སྤྲུལ་སྐུས་དགེ་རྒན་ལ་གནང་བ་ཞིག་ཡིན་འདུག ཁང་བ་དེ་ཡོད་ས་ན་མཚམས་ཁང་ཉི་ཤུ་སུམ་ཅུ་ཞིག་འདུག་ཀྱང་། སྐབས་དེ་དུས་ཁང་བ་རེ་གཉིས་མ་གཏོགས་ཚང་མའི་ནང་ན་སྡོད་མི་མི་འདུག
༤
དགེ་རྒན་གྱིས་སྔ་ས་ནས་ངེད་ཚོ་སྣེ་ལེན་གྱི་གྲ་སྒྲིག་ཧ་ཅང་རྒྱས་པོ་གནང་འདུག་ལ། ཁོང་ཉིད་ངེད་ཚོ་དང་མཉམ་དུ་ཉིན་གཉིས་ལ་ལྗོངས་རྒྱུ་དང་སྐྱིད་པོ་གཏོང་བའི་ཐུགས་བློ་ཡང་གནང་འདུག དེ་བས་དེའི་དགོང་མོ་དུས་ཚོད་དང་པོར་མ་ཟིན་ཙམ་དུ་ཁ་བརྡ་བྱས་ནས་བསྡད་ཅིང་། རྒྱ་ཇ་ཞིམ་པོ་འགའ་རེས་མོས་ཀྱིས་སྦངས་ཞོར་སྙན་ངག་གཙོ་བོར་བྱས་པའི་ལབ་གླེང་མང་དུ་བྱས། མཚམས་ལན་རེར་གློག་གསོད་དེ་ལྷ་བྱམས་རྒྱལ་སོགས་ཀྱི་འབོལ་རྩོམ་སྒྲོག་འདོན་བྱས་པ་དེ་འདྲ་ལའང་མཉམ་རོལ་བྱས། སྤྱིར་བཏང་དུ་ང་ནི་ཇ་ཁ་ཆང་ཁར་འགྲོ་རྒྱུ་མོད་མཁན་ཞིག་ཡིན་མོད། འདི་འདྲ་སྤྲོ་བོ་བྱུང་བ་ནི་ཧ་ཅང་ཉུང་། དེའི་རྒྱུ་མཚན་ནི་དེ་ནུབ་ཀྱི་ཇ་ཁ་ནི་ཇ་ཁ་ཙམ་མིན་པར་རིན་ཐང་ལྡན་པ་དང་། ཚོར་བ་ལྡན་པའི་ཇ་ཁ་ཞིག་ཡིན་ལ། བློ་བསྐྱེད་འབེལ་བོ་དང་། ཤེས་རབ་རྙེད་པའི་ཇ་ཁ་ཞིག་ཡིན་པས་རེད།
༥
ཕྱི་ཉིན་དགེ་རྒན་གྱི་ཐུགས་བཀོད་ལྟར། ཞོགས་པ་སྔ་མོར་ལངས་ཏེ། ཐོད་ངོས་ཀྱི་སྒྲུབ་ཁང་ཡོད་ས་དེར་སོང་།དེར་འགྲོ་དོན་ནི། ཞོགས་པའི་ཉི་ཐིགས་ཀྱི་ཁྲུས་ལ་རོལ་བའི་རྫོགས་ཆེན་དགོན་པའི་ཡུལ་ལྗོངས་ལ་རོལ་མྱོང་བྱེད་ཆེད་དུ་ཡིན། ཨོ་རྒྱན་པདྨའི་གནས་མཆོག་དེ་མཇལ་བའི་མོད་ལ། སྟོད་ན་དཀར་ཞིང་འཇིང་བའི་གངས་ཀྱི་རི་བོ། བར་ན་ཚང་ཚིག་འཁྲིགས་པའི་ནགས་ཀྱི་ལྗོན་པ། ཐང་ན་བདེ་ལྡན་ཞིང་གི་བཀོད་པ་ལ་འགྲན་པའི་དགོན་པའི་ཆགས་དབྱིབས།
མདོར་ན།
ཕུ་ནས་རྫ་ཆུ་བསིལ་མའི་རང་མདངས་དྭངས་ཤིང་རང་སྒྲ་གསལ། །
གསེང་ནས་བྱ་བྱེའུ་ཚོགས་ཀྱི་འཕུར་ལྡིང་རྩེན་ཞིང་སྙན་འགྱུར་སྒྲོག།
ནང་ནས་རྣལ་འབྱོར་འབྱོར་བའི་ཡོ་བྱད་ལྡན་ཞིང་རྟོག་པ་གྲོལ། །
ཀུན་ཏུ་དགེ་ལེགས་འབྱུང་བའི་རྟགས་བལྟས་དུ་མས་མཛེས་པར་རྒྱན། །
འདི་འདྲ་བ་ཞིག་འདུག་གོ། །
༦
མདོ་སྨད་གངས་ཀྱི་ར་བ་གསུམ་སྟེ། ཀཾ་པོ་གངས་ཀྱི་ར་བ། ཏྲེ་ཤོད་གངས་ཀྱི་ར་བ། རྫོགས་ཆེན་གངས་ཀྱི་ར་བ་གསུམ་གྱི་ནང་ཚན་རྫོགས་ཆེན་གངས་ཀྱི་ར་བ་ནས་ཕྱི་ཡི་ཡུལ་ལྗོངས། ནང་གི་ཉམས་ལེན། དགེ་རྒན་དང་ཁ་བརྡ་བྱས་པ་སོགས་མྱོང་རོལ་གྱ་ནོམ་པ་འདིས། ངའི་ལུས་སེམས་ཀྱི་བཙོག་གྲིབ་ཡོད་ཚད་སྟབས་གཅིག་ལ་འདགས་སོང་བའི་སྣང་བ་སྟེར་ཞིང་། མ་འོངས་ཀྱི་འབྱུང་འགྱུར་ཐམས་ཅད་ལ་རེ་བའི་འོད་སྣང་ཞིག་ཀྱང་ཀུན་ནས་འཕྲོས་སོང་།
( རྫ་རྡོར། ) རྡོ་རྗེ་དབང་གྲགས་ཀྱིས་བྲིས། https://t.cn/A6tCn4m0
བདག
བརྒལ་མི་ཐུབ་པའི་བྱེ་མའི་ཐང་ཆེན།
བརྟོལ་དཀའ་བའི་གངས་རིའི་མུ་འཁྱུད།
གསོལ་འདེབས་དང་རེ་བ་ཁོ་ནས།
ང་འཆི་ཆོག་ལ་བར་བདོར་འགྲིམ་ཆོག
བརྒལ་མི་ཐུབ་པའི་དྲྭ་བ་དང་དྲྭ་ཕྱེད།
བརྟོལ་མི་ཐུབ་པའི་མུན་པ་དང་མུན་ནག
སྡུག་རུས་དང་སྙིང་སྟོབས་ཁོ་ནས།
ང་འཆི་མི་ཆོག་ལ་གསོན་མི་ཉན།
བདག་ནི་བདག་གི་ཆེད་དུ་སྨྱོ་ལ་ཁད་ཅིག་ཡིན།
བདག་གི་བདག་གི་ཆེད་དུ།
འདོད་ཆགས་ཡོད། ཞེ་སྡང་ཡོད། གཏི་མུག་ཡོད། ཅེས་འདོན་བཞིན་པའི་གྲས་སུ་ཡོད་ལ།
བདག་སྟོང་པའོ། སྟོང་པའང་བདག་གོ ཟེར་བའི་སྡེ་ཚན་ཁོངས་ནའང་ཡོད་དོ།
༢༠༢༢/༡༠/༣མཚན་མོར།
བརྒལ་མི་ཐུབ་པའི་བྱེ་མའི་ཐང་ཆེན།
བརྟོལ་དཀའ་བའི་གངས་རིའི་མུ་འཁྱུད།
གསོལ་འདེབས་དང་རེ་བ་ཁོ་ནས།
ང་འཆི་ཆོག་ལ་བར་བདོར་འགྲིམ་ཆོག
བརྒལ་མི་ཐུབ་པའི་དྲྭ་བ་དང་དྲྭ་ཕྱེད།
བརྟོལ་མི་ཐུབ་པའི་མུན་པ་དང་མུན་ནག
སྡུག་རུས་དང་སྙིང་སྟོབས་ཁོ་ནས།
ང་འཆི་མི་ཆོག་ལ་གསོན་མི་ཉན།
བདག་ནི་བདག་གི་ཆེད་དུ་སྨྱོ་ལ་ཁད་ཅིག་ཡིན།
བདག་གི་བདག་གི་ཆེད་དུ།
འདོད་ཆགས་ཡོད། ཞེ་སྡང་ཡོད། གཏི་མུག་ཡོད། ཅེས་འདོན་བཞིན་པའི་གྲས་སུ་ཡོད་ལ།
བདག་སྟོང་པའོ། སྟོང་པའང་བདག་གོ ཟེར་བའི་སྡེ་ཚན་ཁོངས་ནའང་ཡོད་དོ།
༢༠༢༢/༡༠/༣མཚན་མོར།
སྡུག་བསྔལ་འདོར་འདོད་སེམས་ཡོད་ཀྱང། །
སྡུག་བསྔལ་ཉིད་ལ་མངོན་པར་རྒྱུག །
བདེ་བ་འདོད་ཀྱང་གཏི་མུག་པས། །
རང་གི་བདེ་བ་དགྲ་ལྟར་འཇོམས། །
སྤྱོད་འཇུག་ལས། https://t.cn/EiwuDWi
སྡུག་བསྔལ་ཉིད་ལ་མངོན་པར་རྒྱུག །
བདེ་བ་འདོད་ཀྱང་གཏི་མུག་པས། །
རང་གི་བདེ་བ་དགྲ་ལྟར་འཇོམས། །
སྤྱོད་འཇུག་ལས། https://t.cn/EiwuDWi
✋热门推荐