༈   བསྔགས་བརྗོད་གཟི་ཡི་ཕྲེང་བ།
          
སྙན་པའི་གྲགས་པ་ཕྱོགས་སུ་རབ་ལྡིར་བ། །
མཁས་མཆོག་སྨྲ་བའི་ཉི་མ་ཀླད་ནས་ཤར། །
ཀུན་ནས་གསལ་བའི་འོད་ཀྱིས་སྣང་མཛད་པའི། །
ཡེ་ཤེས་འབྱུང་གནས་དག་ལ་གུས་ཕྱག་བརྩེགས། །

ཟབ་བརླིང་རྒྱ་མཚོའི་ཕ་རོལ་བགྲོད་པ་ལ། །
མཉེན་ཞིང་ལྡེམ་པའི་གཤོག་འགྱུར་རྫོགས་ཤིང་ནི། །
དགོས་འདོད་ནོར་བུ་སྟོན་ལ་མི་ཞུམ་པ། །
རིག་པའི་དཔའ་བོ་ཚོགས་ལ་དགའ་འབོད་སྒྲོགས། །

ས་ཡི་མཐིལ་དང་ཡུལ་གྱི་བཀོད་པ་དང་། །
ཁམས་དང་མོས་པ་དག་ནི་མ་འདྲེས་པར། །
རྡོ་བརྐོས་རི་མོ་བཞིན་དུ་གསལ་ཐིང་ངེར། །
ཀུན་མཐོང་འཇིག་རྟེན་མིག་རྣམས་མདུན་དུ་བསུ། །

ལེགས་བཤད་རིན་ཆེན་གཏེར་གྱི་སྒོ་འབྱེད་ཅིང་། །
བདེན་དོན་གཟི་བྱུར་གཡུ་སོགས་བསྟར་བར་བསྒྲིག །
བློ་གྲོས་ལང་ཚོ་མཛེས་པའི་རྒྱན་དུ་ངོམ། །
ཡིད་འོང་གླིང་དུ་བཀྲི་བ་ངོ་མཚར་ཆེ། །

ནག་ནོག་སེམས་ཀྱི་དྲི་མ་བཀྲུ་བར་དགའ། །
བྱམས་ཤིང་སྙོམས་པའི་འདོད་ཡོན་སྦྱིན་ལ་སྤྲོ། །
རང་བྱུང་ཁམས་ཀྱི་ཐིག་བཞིན་སྟོན་ལ་མཁས། །
དོན་ལ་གྲུབ་པའི་བདག་ཉིད་ཆེ་རྣམས་རྒྱལ། །

རང་གི་ཚབ་ཏུ་ལེགས་གསུང་སྒྲོན་མེ་བཞག །
ས་རྡོ་རི་ལ་གྲུབ་པའི་སྣང་བརྙན་དཔར། །
འཁྱམས་པའི་འགྲོ་ལ་ངལ་བསོའི་སྐྱེད་ཚལ་བསྐྲུན། །
བདེ་ཞིང་གཟི་འོད་འཚུབ་བེར་ཕེབས་པ་རྨད། །

དེ་ལྟར་བརྗིད་ཅིང་བརླིང་བའི་སར་སླེབས་པའི། །
མི་ཡི་རྣམ་རོལ་སྐྱེས་མཆོག་ཚོགས་རྣམས་ལ། །
སེམས་ཀྱི་དྭངས་མ་ལས་འོངས་དགའ་དད་ཀྱི། །
མདངས་ལྡན་གཟི་ཕྲེང་ཚར་དུ་དངར་བ་འབུལ། །
 
འདི་ལྟར་བགྱིས་པས་རང་གི་སྟོབས་འབར་ཏེ། །
ཡ་རབས་དག་མའི་དྲུང་དུ་ཉེར་བསྐྱོད་ཅིང་། །
མཛེས་ཤིང་སྡུག་པའི་དཔལ་ལ་ལོངས་སྤྱོད་པའི། །
རྫོགས་ལྡན་དུས་བཟང་སླར་ཡང་བཞ་ཅིག་གུ། །
        

•  དེང་རབས་པ་ངང་གྲོལ་ཞེས་ཡོངས་སུ་གྲགས་པ་དེས།

༄༅། །ཁྲོ་རྒྱལ་རྟ་མགྲིན་གྱི་བསྙེན་པ། །

ཐུགས་རྗེས་གདུག་པ་འདུལ་ཕྱིར་རབ་ཁྲོས་པ། །
བྱུ་རུའི་མདོག་མཚུངས་པདྨའི་དབྱུག་ཏོ་འཛིན། །
རྟ་མཆོག་ཞལ་གྱིས་དགྲ་ཡི་དཔུང་འཇོམས་པ། །
ཁྲོ་རྒྱལ་རྟ་མགྲིན་མཆོག་ལ་ཕྱག་འཚལ་ལོ། །

ཨོཾ་ཧྲཱིཿཔདྨཱ་ཏ་ཀྲི་ཏ་བཛྲ་ཀྲོ་དྷ་ཧྱ་གྲཱྀ་ཝ་ཧུ་ལུ་ཧུ་ལུ་ཧཱུཾ་ཕཊཿ

《马头明王念修简颂》

悲故为降极恶者而示愤怒
身如红珊莲杵手帜妙持尊
飞黄容颜摧灭邪魔众敌军
愤怒明王马头金刚前顶礼

嗡舍 白玛大智大呗匝卓达哈雅折瓦呼禄
呼禄吽呸

——堪布密轮达吉译汉 https://t.cn/Rp7W8xr

དེང་གི་དུས་འདིར་་ཡོན་ཏན་སྣ་གཅིག་ཀྱང་མཐའ་རུ་བྱིན་མེད་པར། ​མཐོན་པོའི་ཁྲི་སྟེངན་རྫིག་པའི་ཉམས་བྱས་ཏེ། སེམས་ལ་ཅི་དྲན་དང་ཁ་ལ་གང་ཡོང་དགོས་རྨོངས་པའི་འཁོར་ཚོགས་ལ་ལོག་པའི་ཆོས་བཤད་མཁན་འབའ་ཞིག་གི་སྤྱོད་པ་དེ་ལ་སྐྱུག་བྲོ།